«استانا اقشامى»
ەل جۇرەگى – ەلوردا شەجىرەسى

نۇر-سۇلتاندا ارالاس جەكپە-جەكتەن M-1 Challenge 102 ءتۋرنيرى ءوتتى

0 38

28 ماۋسىم كۇنى نۇر-سۇلتاندا «بارىس-ارەنا» كوپفۋنكتسيونالدى سپورت كەشەنىندە ارالاس جەكپە-جەكتەن M-1 Challenge 102  تۋرنيرى ءوتتى.

M-1 Challenge 102 ءتۋرنيرى 13 جەكپە-جەكتەن تۇردى، ولاردىڭ ۇشەۋى تيتۋلدىق.

ءبىرىنشى تيتۋلدىق جەكپە-جەكتە M-1 Challenge چەمپيونى شاۆكات راحمونوۆ برازيليادان كەلگەن تياگو ۆارەجاو لاسەردۋدى جەڭىپ، جارتىلاي ورتا سالماقتا اتاعىن قورعاپ قالدى.

كەزدەسۋ ءبىرىنشى راۋندتا اياقتالدى.

وسىلايشا، 24 جاسار قازاقستاندىق كاسىبي مانسابىنداعى12-ءشى جەكپە-جەگىندە 12-ءشى جەڭىسىنە قول جەتكىزدى. راحمونوۆ بارلىق جەكپە-جەكتەرىندە مەرزىمىنەن بۇرىن جەڭىسكە جەتكەن. ال 29 جاسار برازيليالىق مانسابىندا جەتىنشى رەت جەڭىلىس تاپتى.

ەكىنشى جەڭىل سالماقتاعى بەلبەۋ ءۇشىن قازاقستاندىق سەرگەي موروزوۆ پەن رەسەيلىك الەكساندر وسەتروۆ جۇدىرىقتاستى. جەرلەسىمىز ايقىن جەڭىسكە جەتىپ، جەڭىل سالماقتاعى M-1 Challenge چەمپيونى اتاندى.

جەكپە-جەك ءتورتىنشى راۋندتا اياقتالدى. 30 جاسار موروزوۆ ءۇشىن بۇل جەڭىس مانسابىنداعى 16-شىسى بولدى، ال 22 جاسار رەسەيلىك ءبىرىنشى جەڭىلىسكە ۇشىرادى.

سونداي-اق، الماتى جەدەل-جاردەم جۇرگىزۋشىسىن سوققىقا جىققان ازاماتتى جەكپە-جەككە شاقىرعان ءسابيت ءجۇسىپوۆ M-1 Challenge تۋرنيرىنە قاتىسىپ، قارسىلاسىن ءۇشىنشى راۋندتا نوكاۋتقا جىبەردى. ونىڭ قارسىلاسى يسپانيالىق اريدانا رومەرو بولدى.

«جاراقاتىم بارلىعىن ءجۇز پايىز ىستەۋگە مۇمكىندىك بەرمەدى. سوندا دا كوپ تاكتيكالىق جۇمىس ىستەدىم دەپ ويلايمىن. جەكپە-جەك قانشالىقتى دارەجەگە جوسپارلاندى، سونى ورىنداپ شىقتىم، – دەيدى ءسابيت ءجۇسىپوۆ

سونداي-اق، يسمايىل گەروەۆ، گويتي دازاەۆ، يساتاي تەمىروۆ سىندى سپورتشىلارىمىز جەڭىسكە جەتتى.

77,1 سالماقتا سىنعا ءتۇسىپ، جەڭىسكە جەتكەن يساتاي تەمىروۆ گونورارىنان تۇسكەن جارتى اقشاسىن ارىستىقتارعا كومەك رەتىندە بەرەتىنىن ايتتى.

تۋرنيرگە قۇرمەتتى قوناقتار دا كەلىپ، سپورتشىلارىمىزعا جانكۇيەر بولدى. ولاردىڭ قاتارىندا  قر مادەنيەت جانە سپورت ءمينيسترى رايىمقۇلوۆا اقتوتى، قازاقستاننىڭ جاۋىنگەرلىك ونەر اسسوتسياتسياسى پرەزيدەنتى كارىم ءماسىموۆموۆ، سپورت جانە دەنە شىنىقتىرۋ ىستەرى كوميتەتى توراعاسى سەرىك ساپيەۆ، مما بىرىككەن اسسوتسياتسياسى پرەزيدەنتى عالىمجان ەسەنوۆ، بەلگىلى كاسىپكەر ايدىن راحىمباەۆ جانە تاعى باسقا قوناقتار كەلدى. تۋرنير قازاقستاننىڭ جاۋىنگەرلىك ونەر اسسوتسياتسياسى قولداۋىمەن ءوتتى.

پىكىر جازۋ

پوچتاڭىز جاريالانبايدى