«Astana aqşamı»
El jüregi – elorda şejiresi

Mïnïngït – mezgil sırqatı

0 22

Bügingi küni qalalıq №3 köpbeyindi qalalıq balalar awrwhanasında «menïngït» dïagnozı bar 59 pacïent em alwda. Nawqastardıñ jağdayı birqalıptı, alañdawğa negiz joq, – dep mälimdedi Nur-Sultan qalasınıñ qoğamdıq densawlıq saqtaw basqarması resmï ökilderi.

Basqarma basşısınıñ ana men balanı qorğaw mäseleleri jönindegi orınbasarı Mağrïpa Embergenova, QR DSM ştattan tıs bas anestezïolog-reanïmatologı, Astana Medïcïna wnïversïtetiniñ balalar anestezïologïyası jäne reanïmacïyası kafedrasınıñ meñgerwşisi, professor Nurïla Maltabarova awrwdıñ belgileri, saqtanw jäne aldın alw joldarı jayında arnayı ötkizilgen brïfïngte äñgimelep berdi.
Basqarma basşısınıñ orınbasarı barlıq qalalıq emhanalarda menïngït awrwımen awıratın nawqastardı der kezinde anıqtaw jäne medïcïnalıq kömek körsetwde, bas awrwı bar balalardı tekserip-qarawdı jürgizetin patronaj qızmeti belsendi jumıs istep jatqanın atap ötti.
– Enterovïrwstıq ïnfekcïyalardıñ 85 payızğa jwığı sïmptomsız ötedi. Alayda 3-10 jastağı balalardıñ ağzasına tüskende vïrws izsiz ketpeydi. Awrw JRVÏ, sonday-aq JİÏ sïyaqtı ötip, dene qızwınıñ uzaq merzimge köterilwi osı awrwdıñ belgisi bolıp tabıladı. Juqpalı awrwlar mawsımdıq bolıp keledi, jaz jäne küzdiñ bastapqı kezeñi enterovïrwstı ïnfekcïyanıñ mezgili bolıp sanaladı. Sol sebepti alañdawğa negiz joq, – dedi QR DSM ştattan tıs bas ïnfekcïonïsti, Astana Medïcïna wnïversïtetiniñ balalar juqpalı awrwları kafedrasınıñ meñgerwşisi, medïcïna ğılımdarınıñ doktorı, professor Dïnara Baeşeva.
Balanıñ bası qattı awrırıp, boyın älsizdik jaylap, jüregi aynıp quswı, bulşıq etterdiñ sireswi osı derttiñ belgilerinen eken. Munday jağdayda emhanağa qaralıp, kerek bolsa jedel järdem qızmetine jügingen jön.

Pikir jazw

Poçtañız jarïyalanbaydı