«Astana aqşamı»
El jüregi – elorda şejiresi

Mäseleler ret-retimen şeşiledi

0 48

Bayqoñır awdanınıñ äkimi Erlan Qanalïmov №5 mektep-gïmnazïyada turğındarmen kezdesw ötkizip, 2018 jılğı atqarılğan jumıstar jäne ağımdağı jılı josparlanğan is-şaralar jöninde esep berdi. Äkimniñ aytwınşa, ötken jılğı halıqpen kezdeswde köterilgen 35 usınıstıñ basım böligi sätimen şeşilgen.

«Saqaldı» qurılıstar salınıp bitedi

Bayqoñır awdanınıñ awmağında 2018 jılı 18 problemalıq nısan anıqtalğan, sonıñ işinde 6 nısan qalanıñ ortalıq böliginde ornalasqan. Qalalıq orta sapası jäne baqılaw basqarması 4 nısanğa qatıstı tekserw jumıstarın jürgizgen. Jänibek Tarhan jäne E.Brwsïlovskïy köşeleriniñ qïılısındağı Äzerbayjan mädenï ortalığınıñ äkimşilik ğïmaratınıñ qurılısı jalğasıp jatır. Bir nısan kepildik berwşige ötw kezeñinde, al tağı bir nısanğa basqa merdiger izdestirilwde.

Jedel tölem nükteleri aşıladı

Turğındardı köp tolğandıratın mäseleniñ biri – qoğamdıq kölik. Awdannıñ awmağımen 48 avtobws bağdarı ötedi. Sonıñ işinde 43-i – qalalıq, 3-ewi – ekspress bağdar, 2-ewi – qala mañındağı bağdar. Awdan äkimi barlığı 189 ayaldamanıñ 49-ında pavïl'on joqtığın aşıq ayttı. Eski ayaldamalar jolawşılardı swıqtan, jawın-şaşınnan qorğamaydı. Sol sebepten äkimdik pavïl'ondar ornatatın alañqaylardı jañartwdıñ is-şaralar josparın jasağan. Sonday-aq eski nusqadağı 13 ayaldamağa jaña pavïl'on salınadı. «Sizderdiñ ötinişteriñiz boyınşa, kölik kartaların toltırw mäselesin şeşwge tırısıp jatırmız. Qazirgi tañda «Astana LRT» JŞS «PolyArt» JŞS-men birlese otırıp, karta toltırwğa arnalğan mobïl'dik qosımşanı äzirlewde. Sonımen qatar «AstraPlat» jedel tölem nüktelerin bazarlar men sawda üylerinde aşw mäselesi qaras­tırılwda» dedi Erlan Qanalïmov.

Jataqhanalarğa qatıstı jeke bağdarlama

Bir bayqağanımız, bïılğı halıqpen kezdeswde jataqhana turğındarınıñ tarapınan sawal­dar köp boldı. Resmï esep boyınşa, Bayqoñır awdanında 20 şağın otbasılıq jataqhana bar. Olarda 5816 adam turadı, jalpı awdanı 69 mıñ şarşı metrden asadı. Tañ qalarlığı, olardıñ bäri 1990 jıldarda jekeşelendirilip ketken. Sol sebepten ekewinde ğana qızmet körsetwşi mekeme bar. Awdan äkimi qarawsız qalğan jataqhanalardıñ tüyt­kildi mäseleleriniñ köptigin jasırğan joq. Jarığı men jılwı joq, qattı turmıs­tıq qaldıqtardıñ üyindisi köp, ïnjenerlik jeliler men konstrwkcïyalardıñ tozığınıñ jetkeni jäne t.b. Twrasın aytsaq, turğındar öz turağın jöndey almaydı.
Jataqhanalarğa jürgizilgen halıq sanağı men tekserwler qorıtındısında anıqtalğanınday, ğïmarattardıñ tozwı 50 payızdı qurasa, olardıñ turğındarınıñ 80 payızı bölmelerdi jalğa alğandar eken. Qala basşılığı bul mäseleni elewsiz qaldırğan joq. Qazirgi kezde elorda äkimdigi atalğan jataqhanalardıñ ötkir mäselesin şeşwge arnalğan jeke bağdarlama jobasın dayındawğa kirisken. 20 jataqhananıñ ekewi­niñ turğındarı «Nurlı jer» bağdarlaması boyınşa 2018-2022 jıldarğa arnalğan qanatqaqtı jobanıñ ekinşi kezeñi ayasında YAnwşkevïç köşesindegi 12 (2020 jılı) jäne 12/1 (2021 jılı) üylerge köşiriletini mälim boldı.

Pikir jazw

Poçtañız jarïyalanbaydı