«Astana aqşamı»
El jüregi – elorda şejiresi

Maestro

0 113

Rwhanï jañğırw – «Aspanğa qaraymın, juldızdı sanaymın» dep jeñil uyqasqa qurılğan jeñiltek änderdi emes, qazaq sahna öneriniñ injw-marjandarın, klassïkalıq öner şeberleriniñ änderin nasïhattaw, bügingi urpaqtıñ sanasına siñirw.

QR eñbegi siñirgen ärtisi Kenjeğalï Mırjıqbay – qazaq operası men klassïkalıq mwzıkasınıñ damwına ölşewsiz üles qosqan önerdegi bïik tulğa. Lenïngrad konservatorïyasınıñ tülegi. Talğamı joğarı klassïkalıq änşi. Sahnada ändi jandı dawıspen orındaydı. Opera jäne balet teatrında talay-talay keremet rol'derdi somdağan. Kezinde Ğ.Müsirepovtiñ özi ülken bağa bergen. Kenjeğalï – dala eliniñ dästürin, mädenïetin, dünïetanımın, sırın, boyawın boyına siñirgen jan-jaqtı änşi.
Jaqında L.Gwmïlev atındağı Ewrazïya ulttıq wnïversïtetiniñ QR Tuñğış Prezïdenti atındağı awdïtorïyada «Käwsar» mädenï-tanımdıq birlestiginiñ jetekşisi, QR eñbek siñirgen ärtisi, önertanw professorı Kenjeğalï Mırjıqbaydıñ «Öner tuğırı» attı däris-koncerti ötti. Atalğan şarada klassïkalıq öner şeberi stwdent-jastarğa qazaq operasınıñ tarïhın bayandap, Abay atındağı qazaq opera teatrınıñ irgetasın qalağan änşiler jäne operalıq spektakl'der jazğan kompozïtorlar twralı mağlumattar berdi. Arïya, romans, halıq äni, estradalıq şığarmalardı orındap, qoyılğan suraqtarğa jawap berdi. Qazaq opera salasınıñ damwına ayrıqşa üles qosqan halqımızdıñ darındı tulğaların tanıstırdı. Qazaqstannıñ aytwlı sahna sañlaqtarı: Käwken Kenjetaev, Küläş Bayseyitova, Rabïğa Esimjanova, Muqan Tölebaev, Manarbek Erjanov, Qalïbek Qwanışbaev, Zeynep Qoyşıbaeva, Rïşat, Müsilim Abdwllïnder, Bayğalï Dosımjanov, Ğarïfolla Qurmanğalïev, Jüsipbek Elebekov, Qanabek Bayseyitov, Ämire Qaşawbaev sındı opera marjandarınıñ önerge qosqan orasan zor üles­terin däriptedi.
Zaldan «Qazirgi tañda estradada fonogrammamen eldi aldap jürgen änşiler twralı ne oylaysız?» degen sawal qoyıldı. Maestro: «Äw» demeytin qazaq joq. Azdağan dawısın öñdep, än aytadı. Fonogramma, televïdenïe, klïp, juldız bolıp şığaradı. Men käsibï änşilikti 10 jıl oqıdım. Bükil dünïe jüziniñ klassïkasın ayt­qan adammın. Qazirgiler 10-15 än jazıp aladı da, «juldızbın» deydi. Solardıñ kesirinen nağız talanttar köleñkede qalıp jatır. Qazaqstanğa 15-20 käsibï änşi jetip jatır. Olar arïyanı da, halıq änin de, estradanı da – bärin de aytar edi. Ändi buzıp aytıp, jastardıñ sanasın wlap, talğamın buzıp jatır. Jaña sizderdiñ aldarıñız­da orındağan Ahmet Jubanovtıñ «Qarlığaş» änin «Dawıs International» tobındağı tört qız buzıp orındaydı. «Mınanı toqtatıñızdar» dep televïdenïege de aytıp jürip toqtattım. Sol tört qızdıñ orındawındağı «Qarlığaş» änin tıñdağan qazirgi jastar «änniñ aytılwın osılay qabıldaydı» dep qınjıla jawap berdi.
Sonday-aq, koncerttik bağdarlama usınıldı. Qalıñ qawımğa erekşe önerimen tanılıp, halıqtıñ ıstıq ıqılasına bölenip jürgen kümis kömey änşi Qazaqstan kompozïtorlarınıñ ğana emes, şetel klassïkteriniñ änderin de orındadı.
K.Mırjıqbay Abaydıñ «Ayttım sälem, qalamqas», A.Jubanovtıñ «Qarlığaş», «Perskaya krasavïca» operasınan francwz kompozïtorı Jorj Bïzeniñ «Smïttiñ serenadasın», «Gorï, gorï, moya zvezda» orıs romansın, Estaydıñ «Qusnï Qorlan», S.Muhamedjanovtıñ «Äytewir sol bir qız sulw», Ş.Qaldayaqovtıñ «Änim sen ediñ», Jayaw Musanıñ «Aqsïsa», Ä.Beysewovtiñ «Sırlasw val'si», M.Janbolatovtıñ «Sağındım Sarıarqanı» änderin joğarı käsibï deñgeyde orındağanda, jastar änşiniñ orındaw şeberligine tänti boldı.

Juldız TOYBEK,
L.Gwmïlev atındağı Ewrazïya ulttıq
wnïversïtetiniñ ağa oqıtwşısı

Pikir jazw

Poçtañız jarïyalanbaydı