«Astana aqşamı»
El jüregi – elorda şejiresi

Latınşa jazwdıñ emle erejesi maquldandı

0 164

Latın älipbïine köşw elimizdegi tarïhï oqïğalardıñ biri sanaladı. Ötken jıldıñ soñında Ulttıq komïssïya latın grafïkasına negizdelgen qazaq jazwınıñ emle erejesin maquldadı. Endi, mine, jaña emle erejesi jarıqqa şığıp, jurtşılıqqa tanıstırılıp otır.


Ş.Şayahmetov atındağı «Til-qazına» ulttıq ğılımï-praktïkalıq ortalığınıñ jetekşi ğılımï qızmetkeri, Ulttıq komïssïya janınan qurılğan orfografïyalıq toptıñ müşesi Gülfar Mamırbektiñ aytwınşa, kez kelgen tilde emle erejeleri köpşilikke birdey ortaq bolwı şart. Eger emlede birizdilik saqtalmasa, qïındıq pen ala-qulalıq orın alatını mälim. Bul jaña emlege deyin de jazba tilimizdiñ normalanğan jüyesi, jazılımdağı turaqtanğan özindik qağïdaları boldı. Sondıqtan jaña emleniñ basım böliginde dästürli jazw norması saqtaldı.
– Jaña emleni qurastırw barısındağı awqımdı jumıs­tardı jüzege asırıp, emleniñ tolıqqandı dayın bolıp şığwına QR Mädenïet jäne sport mïnïstrligi Til sayasatı komïtetine qarastı «Til-qazına» ulttıq ğılımï-praktïkalıq ortalığı murındıq boldı. Al emle erejelerin A.Baytursınulı atındağı Til bilimi ïnstïtwtınıñ ğalımdarı qurastırıp şıqtı. Bul emle jarïyalanğanğa deyin birneşe talqılawdan, saraptawdan, surıptawdan jäne sınamadan ötip, halıqqa usınılıp otır. Jaña älipbï ulttıq tildiñ erekşelikteri men zañdılıqtarın saqtawğa ülken jol aşqanı anıq. Ärïne, älipbï awıstırğanda jazwğa reforma jasaladı, sondıqtan da emledegi özgeris­ter qalıñ jurtşılıqqa birdey unawı da, unamawı da, türli sın, pikirlerdiñ orın alwı da mümkin. Jetpis jıl boyı, äsirese şettildik sözderdi orıs orfografïyasımen tañbalap, orıs orfoepïyasımen aytıp üyrenip qalğan halıq üşin olardı «sındırwdıñ» emledegi ülgileri öreskel bolıp qabıldanwı da – zañdılıq. Jalpı älemdik täjirïbe boyınşa emle erejelerin halıqpen sanaspay-aq, arnayı qurılğan top müşeleri men til mamandarı dayındaydı da, zañ türinde qoldanısqa endiredi. Halıq soğan bağınadı. Al bizdegi artıqşılıq, emle erejesi qoğamdıq talqılawdan, sarapşılar surıptawınan ötip barıp maquldanıp otır. Eñ bas­tısı, egemen eldiñ täwelsiz jazwına jasalğan alğaşqı qadam quttı bolsın!, – dedi tilşi-ğalım.

Pikir jazw

Poçtañız jarïyalanbaydı