«Astana aqşamı»
El jüregi – elorda şejiresi

Külli älem qol soqtı

0 69

Elordadağı «Astana Arena» sport keşeninde halqımızdı düyim elge tanıtıp jürgen darındı änşi Dïmaş Qudaybergenniñ «Arnaw» attı jeke koncerti ötti.

Budan eki jıl burın atalğan sport sarayında Dïmaştıñ «Bastaw» degen än keşi ötken bolatın. Endigi öner keşin jas änşi «Arnaw» dep ataptı. Osı bir üylesim tapqan atawlarda tereñ mağına bar dep oylaymın.
Külli älem köz tikken keremet keşke talanttı jastıñ jerles­teri ğana emes, älemniñ 64 elinen 10 mıñğa jwıq tıñdarman keldi. Onıñ işinde qazaq jerinen şalğay jatqan AQŞ, Ulıbrïtanïya, Brazïlïya, Meksïka, Kanada, Avstralïya, Şveycarïya, Malayzïya, Sïngapwr, Afrïka, Egïpet, Ïzraïl' jäne Marokko sekildi memleketterdiñ turğındarı bar. Bir ğana Pol'şa elinen at terletip 20-ğa jwıq adam kelgen. Bıltır Mädenïet jäne sport mïnïstrligi Dïmaşqa qazaq eli atınan «Twrïzm elşisi» degen märtebeli ataq berdi. Bul beker emes. Şınında da, qazir Dïmaş arqılı jalpaq älem Qazaqstandı jaña bir qırınan tanıdı. Osındayda körnekti söz zergeri Ğabït Müsirepovtiñ «Qay halıqtıñ bolsa da mädenïetin, körkem sözin jalındatıp jiberwge jüz talant köptik etpeydi, on talant azdıq etpeydi» degen ğïbrattı sözi oyımızğa oraldı.
Keş şımıldığın änşi «Gol­den Intro» sïqırlı sazğa tolı änimen aştı. Artınşa «Aqqwım» änin orındap, tıñdarmandardıñ jüregin eljiretti. Mädenï şaranıñ basında Dïmaş koncertke kelgen qawımğa rïzaşılığın bildirdi.
– Ärkimniñ öz baqıt ölşemi bar. Meniñ baqıtım – halqım men sahna. Meniñ änderim sizderdiñ jürekteriñizge jetip jatsa, armanımnıñ orındalğanı dep bilemin. Meni sıylap, önerimdi bağalap kelgenderiñiz üşin alğısımdı aytamın, – dedi ol.
Änşi bıltır kögimizden quyrıqtı juldızday ağıp ötken sañlaq sportşı, dosı Denïs Tenge än arnap, köpşiliktiñ közine jas aldırdı. Ol mänerlep sırğanaw­dan Soçï olïmpïadasınıñ qola jüldegeri öner körsetken SOS d’un terrien en détresse kompozïcïyasın orındap, koncertke qonaq retinde qatısıp otırğan Denïstiñ ata-­anasına alğısın jetkizdi.
– Osıdan biraz waqıt burın Denïs ekewmiz elimizde ötetin kelesi än keşimde dwet aytamız dep josparlağan edik. Biraq… Allanıñ jazğanına amal joq. Denïs nağız twma talant boldı. Az ğana ğumırında ülken jetistikke jetip, qazaq memleketiniñ twın bïikke köterip ketti. Biz onı eşqaşan umıtpaymız. Onıñ esimi el tarïhında qaladı, – dedi Dïmaş.
Jas talant sırtta jürse de, el ömirinde bolıp jatqan jañalıqtarmen jaqın tanıs ekendigin de jasırmadı.
– Jwırda Arısta bolğan oqïğa mağan da qattı battı. Tipti osınday qısıltayañ kezde koncert berw ıñğaysızdaw körindi. Solay aytqandar da kezdesti. Alayda şetelden şaqırılıp qoyğan qonaqtar bar. Solardı da eskerdik. Sondıqtan Arısqa kömek retinde osı koncertten tüsken qarajattıñ bir böligin awdaramın. Bul sizderdiñ de kömekteriñiz bop sanaladı, – dedi.
Keşke reseylik kompozïtor Ïgor' Krwtoy qatısıp, Dïmaş­tıñ önerdegi jolına sättilik tiledi. Sonday-aq Dïmaş jeke kon­certinde körermenniñ jüreginen orın tapqan twındılardan bölek, ıstığı swıp ülgermegen jaña al'bomınan bes än şırqap, jurtşılıqtıñ qulaq qurışın qandırdı. Qazaqtıñ qara dombırasın da kümbirletti.
Jer jüzindegi änşiniñ bar jan­küyerleri köz salğan koncerttiñ oydağıday ötwine 500-den asa käsibï maman tartılıp, 1000-ğa jwıq jarıq qurılğıları qoldanılğan. Qazaqşa aytqanda, «tört qubılası tügel» munday öner keşinde Dïmaş Qudaybergen halqımızdı älemge tağı bir tanıtıp, moyındattı.

Pikir jazw

Poçtañız jarïyalanbaydı