«Astana aqşamı»
El jüregi – elorda şejiresi

Kommwnaldıq sala jayı qaraldı

0 29

Nur-Sultan qalasınıñ äkimdiginde qalalıq mäslïhattıñ kezekti otırısı ötip, onda turğın üy-kommwnaldıq saladağı usınılatın qızmetter sapası men halıqtıñ quqığın qorğaw boyınşa atqarwşı organdardıñ qızmetin jetildirw mäselesi qozğaldı.

İs-şarada Qalalıq orta sapası jäne baqılaw basqarmasınıñ basşısı Tölegen Qulışev öz bayandamasında biraz mäseleni qozğay kele, bïıl Turğın üy-kommwnaldıq şarwaşılığın jañğırtw bağdarlaması ayasında Almatı awdanındağı 7 üyde kürdeli jöndew jumıstarı jürgiziletinin mälim etti. Qazirgi waqıtta smetalıq qujattarı dayındalıp jatır eken. Ol sonday-aq, E-PÏK qızmetiniñ artıqşılıqtarın ayta kele, onı qoldanatındardıñ qatarı artıp kele jatqanın jetkizdi.
Budan keyin Otın-energetïkalıq keşeni jäne kommwnaldıq şarwaşılıq basqarması basşısınıñ orınbasarı Bağdat Baysadıqov ïnjenerlik-kommwnïkacïyalıq jüyelerdiñ jumısı twralı bayandadı. Aytwınşa, basqarma bıltır kommwnaldıq uyımdardıñ menşigine 45,9 mlrd teñgege 19 tarïf beripti.
– Naqtıraq aytqanda, elektr jüyelerine 28,2 mlrd teñge berildi. Al onda qosalqı eki stansa bar. Sol sïyaqtı 17,6 mlrd teñgege käriz jüyeleri berildi. Basqarma bïıl da bul jumıstı jalğastıra beredi, – dedi basqarma basşısınıñ orınbasarı.
Bïıl jıl soñına deyin jalpı soması 63 mlrd 150 mln teñge bolatın kommwnaldıq menşik nısanın tapsırw josparlanıp otır.
Jïın barısında qalamızdağı eskirgen lïftilerdiñ jay-küyi de qozğaldı. Qanday lïfti bolsa da onı 25 jıldan artıq paydalanwğa bolmaytını aytıldı. Belgili bolğanday, bul mäsele qazir ret-retimen şeşilip keledi eken. Qazir bas qalada 7233 lïft jumıs istep tur. Onıñ 1865-i äkimşilik ğïmarattarda bolsa, qalğan 5368-i turğın üylerde ornatılğan.

Pikir jazw

Poçtañız jarïyalanbaydı