«استانا اقشامى»
ەل جۇرەگى – ەلوردا شەجىرەسى

كوممۋنالدىق سالا جايى قارالدى

0 38

نۇر-سۇلتان قالاسىنىڭ اكىمدىگىندە قالالىق ءماسليحاتتىڭ كەزەكتى وتىرىسى ءوتىپ، وندا تۇرعىن ءۇي-كوممۋنالدىق سالاداعى ۇسىنىلاتىن قىزمەتتەر ساپاسى مەن حالىقتىڭ قۇقىعىن قورعاۋ بويىنشا اتقارۋشى ورگانداردىڭ قىزمەتىن جەتىلدىرۋ ماسەلەسى قوزعالدى.

ءىس-شارادا قالالىق ورتا ساپاسى جانە باقىلاۋ باسقارماسىنىڭ باسشىسى تولەگەن قۇلىشەۆ ءوز بايانداماسىندا ءبىراز ماسەلەنى قوزعاي كەلە، بيىل تۇرعىن ءۇي-كوممۋنالدىق شارۋاشىلىعىن جاڭعىرتۋ باعدارلاماسى اياسىندا الماتى اۋدانىنداعى 7 ۇيدە كۇردەلى جوندەۋ جۇمىستارى جۇرگىزىلەتىنىن ءمالىم ەتتى. قازىرگى ۋاقىتتا سمەتالىق قۇجاتتارى دايىندالىپ جاتىر ەكەن. ول سونداي-اق، ە-پيك قىزمەتىنىڭ ارتىقشىلىقتارىن ايتا كەلە، ونى قولداناتىنداردىڭ قاتارى ارتىپ كەلە جاتقانىن جەتكىزدى.
بۇدان كەيىن وتىن-ەنەرگەتيكالىق كەشەنى جانە كوممۋنالدىق شارۋاشىلىق باسقارماسى باسشىسىنىڭ ورىنباسارى باعدات بايسادىقوۆ ينجەنەرلىك-كوممۋنيكاتسيالىق جۇيەلەردىڭ جۇمىسى تۋرالى باياندادى. ايتۋىنشا، باسقارما بىلتىر كوممۋنالدىق ۇيىمداردىڭ مەنشىگىنە 45,9 ملرد تەڭگەگە 19 تاريف بەرىپتى.
– ناقتىراق ايتقاندا، ەلەكتر جۇيەلەرىنە 28,2 ملرد تەڭگە بەرىلدى. ال وندا قوسالقى ەكى ستانسا بار. سول سياقتى 17,6 ملرد تەڭگەگە كارىز جۇيەلەرى بەرىلدى. باسقارما بيىل دا بۇل جۇمىستى جالعاستىرا بەرەدى، – دەدى باسقارما باسشىسىنىڭ ورىنباسارى.
بيىل جىل سوڭىنا دەيىن جالپى سوماسى 63 ملرد 150 ملن تەڭگە بولاتىن كوممۋنالدىق مەنشىك نىسانىن تاپسىرۋ جوسپارلانىپ وتىر.
جيىن بارىسىندا قالامىزداعى ەسكىرگەن ليفتىلەردىڭ جاي-كۇيى دە قوزعالدى. قانداي ءليفتى بولسا دا ونى 25 جىلدان ارتىق پايدالانۋعا بولمايتىنى ايتىلدى. بەلگىلى بولعانداي، بۇل ماسەلە قازىر رەت-رەتىمەن شەشىلىپ كەلەدى ەكەن. قازىر باس قالادا 7233 ليفت جۇمىس ىستەپ تۇر. ونىڭ 1865-ءى اكىمشىلىك عيماراتتاردا بولسا، قالعان 5368-ءى تۇرعىن ۇيلەردە ورناتىلعان.

پىكىر جازۋ

پوچتاڭىز جاريالانبايدى