«استانا اقشامى»
ەل جۇرەگى – ەلوردا شەجىرەسى

كومەك ارنايى حەشتەگكە توپتاستىرىلدى

0 23

توتەنشە جاعدايلار كەزىندە الەۋمەتتىك جەلىنىڭ الەۋەتى زور بولاتىنى بەلگىلى. ارىستىق اعايىننىڭ احۋالىن Instagram مەن Facebook جەلىلەرى ارقىلى تۇراقتى تۇردە باقىلاپ وتىرىپ، وسىعان تاعى دا كوز جەتكىزدىك.

وسى ورايدا استانالىق تۇرعىندار ارىس قالاسىنا ارنالعان كومەكتەرىن تۇراقتى حەشتەگ اياسىنا توپتاستىرۋدى باستادى. ەندى ەلوردالىقتار اپات ايماعىنداعى باۋىرلارىمىزعا كومەكتەسۋ جولدارىن #نۇرسۇلتانقالاسىارىسپەنبىرگە، #ەلوردادانكومەك جانە #پوموششوتستوليتسى حەشتەگتەرى بويىنشا ىزدەۋ جۇرگىزۋ ارقىلى بىلە الادى. ەكى-ءۇش كۇننىڭ ىشىندە بۇل حەشتەگتەر 200-گە جۋىق رەت قولدانىلىپ، سول ارقىلى نۇر-سۇلتان قالاسى تۇرعىندارىنىڭ جۇمىلا جاساپ جاتقان جاردەمىن پاش ەتتى. اتالعان حەشتەگتەر قولدانىلعان جازبالاردى شولىپ شىققانىمىزدا، «قازاقستان مەديتسينا جاستارى» ۇيىمىنىڭ ارىستىقتارعا قول ۇشىن سوزۋدا بەلسەندى تىرلىك اتقارىپ جاتقانىن بايقادىق.
– ءبىزدىڭ ۇيىمنىڭ باستاماسىمەن مەديتسينا فاكۋلتەتىنىڭ ستۋدەنتتەرىنەن تۇراتىن ۆولونتەرلەر باس قوسىپ، اپاتتان زارداپ شەككەن ادامدارعا مەديتسينالىق كومەك كورسەتۋدە. قاجەتتىلىك تۋعان جاعدايدا ەلىمىزدىڭ بارلىق اۋماعىنان وسىنداي ۆولونتەرلەردى تارتىپ، جاردەم بەرۋگە ءازىرمىز. بۇدان بولەك، ەلورداداعى «استانا جاستارى» رەسۋرستىق ورتالىعى، «قازاقستان ستۋدەنتتەر اليانسى»، «قازاقستان جاستار كونۆەنتى»، «جايدارمان»، «ستۋدەنتتىك قۇرىلىس جانە ەڭبەك جاساقتارىنىڭ رەسپۋبليكالىق قوزعالىسى»، «جاس وتان» جاستار قاناتىنىڭ قالالىق فيليالى سەكىلدى تانىمال جاستار ۇيىمدارىن جۇمىلدىرىپ، قان تاپسىرۋ شاراسىن دا ۇيىمداستىرىپ جاتىرمىز. ودان تۇسكەن قارجى تولىقتاي ارىس قالاسىنا كومەك رەتىندە اۋدارىلادى. كۇن سايىن ورتاشا ەسەپپەن 30 شاقتى ادام قان تاپسىرۋدا، – دەيدى «قازاقستان مەديتسينا جاستارى» ۇيىمىنىڭ توراعاسى ابىلايحان ءابدىراش.
سونداي-اق #نۇرسۇلتانقالاسىارىسپەنبىرگە، #ەلوردادانكومەك جانە #پو­موششوتستوليتسى حەشتەگتەرى بويىنشا ارىستىقتارعا كيىم-كەشەك، ازىق-تۇلىك، تۇرمىستىق زاتتارمەن كومەك ەلورداداعى قاي جەرلەردە قابىلدانىپ جاتقانىن دا بىلۋگە بولادى.
بۇدان بولەك، نۇر-سۇلتان قالاسىنداعى بىرقاتار مەكەمە قىزمەتكەرلەرى وزدەرىنىڭ ءبىر كۇندىك ەڭبەكاقىلارىن زارداپ شەككەن تۇرعىندارعا جىبەردى. ولار جەلىدەگى جازبالارىنا جوعارىدا اتالىپ كەتكەن ارنايى حەشتەگتەردى تىركەۋ ارقىلى باسقا دا استانالىقتاردى وزدەرى جاساعانداي يگى ىسكە اتسالىسۋعا شاقىردى.

پىكىر جازۋ

پوچتاڭىز جاريالانبايدى