«Astana aqşamı»
El jüregi – elorda şejiresi

Kelgen de qazaq, ketken de qazaq

0 104

Statïstïka departamentiniñ mälimetterine üñilsek, 2018 jıldıñ qañtar-mamır aylarında elordağa 35370 adam köşip kelipti, kerisinşe, köşip ketkenderdiñ sanı – 30981 adam. «2018 jıldıñ qañtar-mamır aylarında 2017 jıldıñ qañtar-mamırımen salıstırğanda Astanağa qonıs awdarğandardıñ sanı 49,5 payızğa azayğan, al qaladan köşkenderdiñ sanı 37,5 payızğa qısqarğan.

Negizinen, qaladağı köşi-qondıq almasw öñiraralıq mïgracïya esebinen bolıp otır: qañtar-mamır aylarında 21322 adam qonıs awdarsa, 16424 adam bas qaladan köşken» delingen äkimdiktiñ resmï saytı taratqan habarlamada.
Statïstïka departamentiniñ aqparatı boyınşa, elordanıñ köşi-qondıq ösiminde Aqmola oblısınan kelgenderdiñ ülesi – 19,4 payızdı, burınğı Oñtüstik Qazaqstan oblısınıñ ülesi – 14,2 payızdı, Qarağandı – 9,8 payızdı, Şığıs Qazaqstan – 8,9 payızdı, Almatı qalası – 8,2 payızdı, basqa oblıstar 39,5 payızdı quraydı.
Sonımen qatar, Astananıñ Äzerbayjan, Qırğızstan, Özbekstan sekildi TMD elderimen köşi-qondıq sal'dosı da köñil könşiterlik eken. Grwzïya, Ulıbrïtanïya, BAÄ, AQŞ, Sawd Arabïyası, Ïspanïya, Çehïya, Qıtay, Japonïya, Lïtva, Türkïya, Koreya Respwblïkası, Malayzïya jäne Moñğolïyamen de halıqtıñ mïgracïyalıq sal'dosı jağımdı qalıptasıptı. Quzırlı mekemeniñ habarlawınşa, ultı boyınşa mïgranttar qurılımında köşip kelgenderdiñ jalpı sanına qaray qazaqtar 89,4 payızdı qurağan. Atap aytarlığı, Astanadan köşip ketkenderdiñ jalpı sanınıñ 86,6 payızı da qazaqtardan turadı. Sonda tör qalağa kelgen de qazaq, ketken de qazaq bolıp turğanı ğoy. Qonıstanğandar arasında orıstardıñ ülesi – 5,5 payız, wkraïndar – 0,8 payız, özbekter – 0,6 payız, tatarlar – 0,8 payız, nemister – 0,5 payız, basqa ulttar 2,4 payızdı körsetipti.

Pikir jazw

Poçtañız jarïyalanbaydı