«Astana aqşamı»
El jüregi – elorda şejiresi

«Käwsardağı» kezdesw

0 33

L.Gwmïlev atındağı Ewrazïya ulttıq wnïversïteti janındağı «Käwsar» mädenï-tanımdıq birlestiginiñ kezekti qonağı kïno jäne teatr rejïsseri, Qazaqstannıñ halıq ärtisi Talğat Temenov boldı.

Rejïsser stwdenttermen adam men zaman jaylı, öner twralı, onıñ qoğamda alatın ornı, jastar tärbïesi jayında sır bölisip, öz közqarasın bildirdi.
Bala Talğat jwrnalïst, jazwşı, fïlosof bolwdı armandağan. Aqırı öleñ, äñgime, povest' jazıp, önerge ädebïet arqılı kelgen. Onıñ şığarmaşılığında da ädebïettiñ alatın ornı ülken. Mäselen, Şıñğıs Aytmatovtıñ birneşe twındısın sahnağa layıqtap, spektakl' qoyğanınan jurt habardar. Adamzattıñ Aytmatovı atanğan älemge äygili qalamgermen Äbiş Kekilbayulı tanıstırıp, keyin ekewi ağa-inidey aralasqan.
Rejïsserdiñ älewmettik jelilerdiñ, ïnternettiñ paydası men zïyanı twralı öz payımı bar. «Käwsar» mädenï-tanımdıq birlestiginiñ jetekşisi, Qazaqstannıñ eñbek siñirgen ärtisi Kenjeğalï Mırjıqbay uyımdastırğan kezdeswde jastar rejïsserge köptegen suraqtardı qoydı. L. Gwmïlev atındağı Ewrazïya ulttıq wnïversïtetiniñ prorektorı, akademïk Dïhan Qamzabekulı qorıtındıladı. Talğat Temenov­tiñ qazaq önerine siñirip kele jatqan eñbegine ayrıqşa toqtalıp, oğan sıy-sıyapat körsetti.

Pikir jazw

Poçtañız jarïyalanbaydı