«استانا اقشامى»
ەل جۇرەگى – ەلوردا شەجىرەسى

«كاۋسارداعى» كەزدەسۋ

0 33

ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى جانىنداعى «كاۋسار» مادەني-تانىمدىق بىرلەستىگىنىڭ كەزەكتى قوناعى كينو جانە تەاتر رەجيسسەرى، قازاقستاننىڭ حالىق ءارتىسى تالعات تەمەنوۆ بولدى.

رەجيسسەر ستۋدەنتتەرمەن ادام مەن زامان جايلى، ونەر تۋرالى، ونىڭ قوعامدا الاتىن ورنى، جاستار تاربيەسى جايىندا سىر ءبولىسىپ، ءوز كوزقاراسىن ءبىلدىردى.
بالا تالعات جۋرناليست، جازۋشى، فيلوسوف بولۋدى ارمانداعان. اقىرى ولەڭ، اڭگىمە، پوۆەست جازىپ، ونەرگە ادەبيەت ارقىلى كەلگەن. ونىڭ شىعارماشىلىعىندا دا ادەبيەتتىڭ الاتىن ورنى ۇلكەن. ماسەلەن، شىڭعىس ايتماتوۆتىڭ بىرنەشە تۋىندىسىن ساحناعا لايىقتاپ، سپەكتاكل قويعانىنان جۇرت حاباردار. ادامزاتتىڭ ايتماتوۆى اتانعان الەمگە ايگىلى قالامگەرمەن ءابىش كەكىلبايۇلى تانىستىرىپ، كەيىن ەكەۋى اعا-ىنىدەي ارالاسقان.
رەجيسسەردىڭ الەۋمەتتىك جەلىلەردىڭ، ينتەرنەتتىڭ پايداسى مەن زيانى تۋرالى ءوز پايىمى بار. «كاۋسار» مادەني-تانىمدىق بىرلەستىگىنىڭ جەتەكشىسى، قازاقستاننىڭ ەڭبەك سىڭىرگەن ءارتىسى كەنجەعالي مىرجىقباي ۇيىمداستىرعان كەزدەسۋدە جاستار رەجيسسەرگە كوپتەگەن سۇراقتاردى قويدى. ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پرورەكتورى، اكادەميك ديحان قامزابەكۇلى قورىتىندىلادى. تالعات تەمەنوۆ­تىڭ قازاق ونەرىنە ءسىڭىرىپ كەلە جاتقان ەڭبەگىنە ايرىقشا توقتالىپ، وعان سىي-سىياپات كورسەتتى.

پىكىر جازۋ

پوچتاڭىز جاريالانبايدى