«Astana aqşamı»
El jüregi – elorda şejiresi

İzgilik dänin sepken…

0 111

Tölewbïke apay ötken künderdi jïi eske aladı. 1986 jılı jeltoqsanda Almatıda otarşıl, äkimşil-ämirşil jüyege qazaq jastarı qarsı­lıqtarın bildirdi. Däl osınday oqïğa Aqmolada da örbidi. Ortalıq alañğa osındağı joğarı oqw orındarında oqïtın qazaq jastarı jïnalıp, bïlikke: «Aqmolada qazaq mektepteri, balabaqşaları aşılsın» degen talaptar qoydı. Mine, osı oqïğa qamşı boldı ma, 1987 jılı şahardağı №3 orıs mektebinen qazaq sınıptarın aşw qolğa alındı.

Onda Aqmolada jalğız ğana Jambıl Jabaev atındağı №4 qazaq orta mektebi ğana bar bolatın. Osınday sındarlı sätterdiñ ortasında Tölewbïke Atığayqızı Mıñ­jasarova da jürdi. Däl sol kezde bizdiñ keyipkerimizdiñ Qorğaljın awdanındağı Sabındıköl orta mektebinen şahardağı Jambıl orta mektebine ornalaspaq oyı boladı. Biraq onı qalalıq bilim bölimi jañadan aşılatın qazaq sınıbına jiberedi. Ärïne, onı aşw da oñay bolğan joq.
Qazaq sınıbında oqïtın bala joq, oqwlıq tapşı degen sıltawlar da aytıldı. Biraq sol kedergige qaramastan Tölewbïke apay qïındıqqa qasqïıp qarsı tura bildi. Orıs mektebindegi alğaş aşılğan qazaq sınıbına balalardı tartw üşin osındağı zïyalı qawım ökilderi – Mädï Hasenov, Oktyabr' Älibekov, Jomart Äbdihalıq, Aldan Smayıl, Bädwan Ïmaşev sekildi aza­mattar üylerdi jağalap, oqw­şılardıñ tizimin jasadı. Alğaş bolıp, Celïnograd oblıstıq atqarw komïtetiniñ törağası, ulttıñ janaşır azamatı Qasım Täwkenov nemeresin birinşi sınıpqa jetektep alıp keldi. Odan keyin tanımal aqın Nurğoja Oraz nemeresin, jazwşı Nögerbek Mağzumov jäne Eskermes Ïmanbay, Jılqıbay Jağıparulı sekildi qalamgerler balaların berdi.
«Söytip, birinşi sınıpqa 25 bala jïnaldı. Endi olardı oqıtatın oqwlıq ta tapşı. Metodïkalıq ädistemelerdiñ bäri orısşa jazılğan. Kündiz muğalim, tünde awdarmaşı bolıp, solardı awdardım. Biraq oğan sonşalıqtı moyığan emespin. Jetkinşekterdiñ oqw­­ğa degen ıntası zor boldı. Olarğa qal-qaderimşe ana tilimizdiñ qunarın siñirwge küş saldım. Abaydıñ, Ibıraydıñ şığarmaların oqıttım. Bäri de qala balaları bolsa da, täp-täwir qazaqşa söyleytin boldı. Sol jıldarı №3 orıs mektebinen basqa, №8, 26 orıs mektepterinen qazaq sınıptarı aşıldı. Solardı aşwğa üles qosıp, balalardı jïnawğa küş salğan Oblıstıq «Arqa ajarı» gazetiniñ jwrnalïsteri edi. Bul kezeñ men üşin qïınşılığı men qwanışı eşqaşan esimnen şıqpaytın añızğa tolı jıl boldı» dep eske aladı ustaz.
Tölewbïke Ağıtayqızı №3 orıs orta mektebinde özi qabıl­dap alğan oqwşıların üşin­şi sınıpqa deyin oqıtıp, 1991 jılı Jambıl Jambaev atındağı №4 orta mektebine awısadı. Osı oqw ordasında 21 jıl tapjılmay tabandı eñbek etti. Bul mekteptiñ qurılğanına bir ğasırdan astam waqıt ötken. Onıñ tarïhı ejelgi Qaraötkeldiñ ötke­nimen sabaqtasıp jatır. Keñes zamanında tıñ ortalığı sanalğan Aqmoladağı qazaq balaları bilim alatın altın uya atandı. Büginde jıraw babamız atındağı gïmnazïyanıñ jetken bïigin termelesek, uzaqqa şabamız. Elordadağı eñ üzdik mektepterdiñ biregeyi. Onda oqïtın oqwşılar öz bilim ordaların maqtan tutadı. Ata-analar da balaların sonda oqıtqandı qalap turadı. Öytkeni onda ğasırdan uzaq qalıptasqan parasattı dästür­diñ izi öşpegen. Biz söz etip otırğan bilim uyasınıñ osınday abıroyğa jetwine, sondağı bilikti muğalimder qatarındağı Tölewbïke Mıñjasarovanıñ da qosqan ülesi zor. Täjirïbeli pedagogtıñ köp jılğı eñ­begi elenip, «QR Bilim berw isi­niñ üzdigi» belgisin aldı. Ulı ağartwşı atındağı I.Altın­sarïn belgisin ïelendi. QR Bilim jäne ğılım mïnïstriniñ Qurmet gramotasımen marapattaldı. Bärinen burın apaydıñ jetistigi – şäkirtteri bağındırğan belester. Büginde janı jumsaq ustazdan tälim alğan oqwşıları elimizdiñ är salasında jemisti eñbek etip jür. Olardıñ arasında şetelde oqıp, basşılıq qızmetke köterilgen, ğılım şıñın bağındırğan talanttı jastar jeterlik.
Ardaqtı apay zeynetkerlikke şıqqannan keyin de mekteppen birjola qoştasqan joq. Keşegi künge deyin №73 fïzïka-tehnïkalıq lïceyinde qızmet istedi. Bir sözben aytqanda, Qorğaljınnıñ uyaday ğana Uyalı degen awılınan qanattanıp, Aqmolada şıñdalıp, Astanada mereyi ösken Tölewbïke apay – şın mänindegi ustaz degen märtebege ïe bolğan jan.

Pikir jazw

Poçtañız jarïyalanbaydı