«Astana aqşamı»
El jüregi – elorda şejiresi

Ğılımnıñ uyasın buzw jaqsılıqqa aparmaydı

Serik NEGÏMOV, fïlologïya ğılımdarınıñ doktorı, professor:

0 300

Aldağı 3 şilde küni Serik ağamız jotalı jetpis jasqa toladı. Qazirgi otandıq äde­bïet­tanw ğılımınıñ aldıñğı şebinde jürgen ğalımnıñ eñbekteri jayında awız toltırıp aytwğa boladı. Büginge deyin onıñ zerdeli qalamınan 700-den astam ğılımï, ädebï-sın maqalalar twdı. Birneşe zerttew kitaptarı jarıq kördi. Fol'klortanw ğılımınıñ damwına jañaşa serpin berdi. Talanttı şäkirt tärbïelep, ulağattı ustaz atandı. Qısqası, elgezek, sergek qalpınan özgermey, qur attay şawıp jüretin ağamızben mereytoy qarsañında jolığıp, äserli äñgime örbitken edik.

– Jaqında eliñizge barıp, bir awnap-qwnap kelipsiz. Qızıl­jardan qanday äsermen oraldıñız?
– Qazaq balası üşin twğan jerden qasïetti uğım joq. Men onı bala künimnen boyğa siñirip ösken adammın. Sondıqtan ata-babamnıñ, äke-şeşemniñ süyegi jatqan kïeli mekendi qay­da jürsem de, jadımnan şığarğan emespin. Jıldıñ basında Manaş Qozıbaev atındağı Soltüstik Qazaqstan memlekettik wnïversïteti meniñ mereytoyıma oraylastırıp, ğılımï konferencïya ötkizwdi josparlap qoyğan eken. Jerlesterim soğan ädeyilep şaqırdı. Oğan jalğız barmay, bas qaladan bir top zïya­lı qawımdı ertip bardım. Qızıljardıñ törinde «Qa­zirgi fol'klor jäne äde­bïet­tanwdıñ kökeytesti mäse­leleri» attı keleli jïın ötti. L.Gwmïlev atındağı Ewrazïya ulttıq wnïversïtetiniñ prorektorı, akademïk Dïhan Qamzabekulı «Serik Negïmov jäne Alaş murası» atalğan taqırıpta bayandama jasadı. Memlekettik Eltañbanıñ avtorı, säwletşi Jandarbek Mälibekov meniñ şığarmaşılığımdağı ulı jırawlar poezïyasına toqtaldı. Aqın, ğalım Serikzat Düysenğazïn aytıs öneri jayında salmaqtı oy örbitti. Tarïh ğılımınıñ doktorı Marat Äbsämetov kitaptarımdağı tarïhï derekterdi söyletti. Konferencïya joğarı deñgey­de uyımdastırıldı. Jerles­te­rim mereyimdi asırdı. Wnïversïtet­tiñ qurmetti professor atağın berdi. Bir sözben aytqanda, twğan jerimnen pıraqqa minip qaytqanday äsermen oraldım.
– Bäri qayırlı bolsın! Sizdiñ sınşı, fol'klortanwşı, öleñtanwşı sekildi qırlarıñızdı bilemiz. Al öziñizdi kim dep bağalaysız?
– Qısqa qayırsam, men ädebïettanwşımın. Biraq bul qalpaqpen urıp alatın oñay sala emes. Munıñ da qurıq boylamaytın uñğıl-şuñğıldarı jetedi. Älbette, ädebïettanwşı bolw üşin onıñ tarïhın, ürdisin, jalpı, söz öneriniñ şejiresin jetik bilgen jön. Mäselen, öz basım, bizdiñ zamanımızğa deyingi ğun däwirinen bastap, keyingi Attïla, Kültegin, Şıñğıshan, Altın Orda memleketi, Qazaq handığınıñ tusı, odan bergi XVIII-XIX ğasırğa deyingi kezeñderdi tapjılmay süzip şıqtım. Äsirese, Altın orda tarïhı jöninde ağılşınşa, nemisşe, francwzşa, orısşa basılğan tarïhï ädebïetterdi qumartıp oqıdım. Osı kitaptarda «han», «qağan», «saq», «noyan» jäne «köbegen» degen sözder twra osılay jazılğan. Mäselen, «köbegen» dep hannıñ balaların aytadı eken. Osığan qarap, qazaqtıñ tili öte bay ekendigine köziñiz jetedi. Mısalı, oğız eposınıñ tarïhı bes mıñ jılğa sozılğan. Atalarımızdıñ kïiz üyiniñ tarïhı da osı şamada. Sodan-aq, bügingi qazaq jerinde bizdiñ babalarımızdıñ köneden mekendegenin bilesiz.
– Biraz kitaptarıñızdı qarap şıqtım. Ğılımï eñbekteriñizdiñ özi üş-tört salanı qamtïdı. Sonı öziñiz taratıp aytıp beresiz be?
– Men äwelden alğaşqı zerttew jumısımdı qazaq öleñin tanwdan bastağam. 1972-75 jıldar aralığında Äwezov atındağı ädebïet jäne öner ïnstïtwtında istegen jıldarı qazaq öleñiniñ üş elementi, yağnï ïntonacïya, dıbıs, ırğaqtı alıp, tereñirek üñildim. Keyin bul teorïyalıq eñbegim «Öleñ örimi» degen atpen 1980 jılı jarıq kördi. Munıñ küni büginge deyin mäni joğalğan joq. Odan keyin aqın-jırawlar poezïyasınıñ körkemdigin zerttedim. Bası – sonaw Qaztwğan, Dospambet, Marğasqa, Şalkïizden bastalıp, keyingi Buhar, Ümbeteyge sozılatın jırawlar poezïyası älem ädebïetindegi qubılıs. Bular jıraw ğana emes, memlekettiñ işki jäne sırtqı sayasatına aralasqan beldi tulğalar boldı. Al aqındardı men jırşı-aqındar dep bölemin. Olar özderi şığarğan jırdı dombıramen nemese qobızben aytıp, jurtqa jetkizdi. Negizinen, bizdiñ ädebïetimiz sahna ädebïeti bolğan. Qazaqtıñ sal-serilerin de qağıs qaldırğan joqpın. Segiz seri, Birjan sal, Aqan seri, Ükili Ibıray, Mädï, Şaşwbay, Qultwma, Ğazïz, Jayaw Musa, Estay, Kenen sekildi düldülder jayında ğılımï eñbek jazdım. Şığarmaşılığımnıñ tağı bir salası – qazaqtıñ bï-şeşenderi boldı. Onı jazwğa sebep bolğan 1992-97 jıldarı Qazaq memlekettik qızdar pedagogïkalıq ïnstïtwtınıñ rektorı – Seyilbek Ïsaev. Ol meni Ğılım akademïyasınan atalğan oqw ordasındağı Qazaq ädebïeti kafedrasınıñ meñgerwşiligine şaqırdı. Egemendik alğan şağımız. Rektor ädebïettanwğa jaña pän engizeyik degen usınısın ayttı. Onda ol «şeşendik önerdiñ teorïya­sı men täjirïbesi» jayındağı pän bolsın dep qolma-qol oyımdı ayttım. Erterekte, ädebïet jäne öner ïnstïtwtında belgili ğalım Baltabay Adambaevpen qızmettes boldım. Jas kezimiz. Köp närsege onşa män bermeymiz. Baltakeñ şeşendik önerdiñ bärin zerttep qoyğan şığar dep jürgem. Söytsem, bul salanıñ da aşılmağan qırı jetedi eken. Sodan otıra qalıp, bes ay işinde «Şeşendik öner» degen kitabımdı jazdım. Bul pän Qızdar ïnstïtwtınıñ barlıq fakwl'tetinde oqıtıldı. Keyinirek äl-Farabï atındağı Qazaq ulttıq wnïversïteti men Abay atındağı Qazaq ulttıq pedagogïkalıq wnïversïtetinde oqw sabağına engizildi. Soñğı on jıl köleminde qazaqtıñ qabırğalı qalamgerleriniñ tvorçestvosı twralı tınbay jazıp kelemin. Şaşwbay men Doskey aqınnıñ kitabın qurastırdım. Qazaqtıñ än-küy taqırıbına arnalğan novella, esseler jïnağın şığarwğa murındıq boldım. Alaşqa atı jayılğan ardaqtılarımız twralı birşoğır esse jazdım. Köñilim tolatın tağı bir dünïe – aytwlı ğalım Mälik Ğabdwllïnniñ ömiri men şığarmaşılığı jayında fïlologïyalıq-derektanw zerttewim basıldı.
– Jaqsı, ağa. Endi keyinge şe­ge­rilsek. Alıs awılda östiñiz. On jıldıqtı ayaq­tağan­nan keyin sovhozda qara ju­mısşı bolıpsız. Sol kezde ğalım bolamın dep oyladıñız ba?
– Adamdı alğa jeteleytin küş – arman. Bala künimnen armanşıl jan bolıp erjettim. Bizdiñ awılda eti tiri, qïmılı şïraq, jaqsı men jamandı saraptay biletin Dos­key degen qarïya boldı. Sol kisi 1964 jılı tw sonaw jer tübindegi Almatığa baradı. Alatawdıñ etegindegi äsem qalada bizdiñ awıldan şıqqan jaqın ağayını Qazaq KSR Mïnïstrler keñesi janındağı Memlekettik qupïyanı saqtaw jönindegi komïtettiñ törağası Äbdiraşït Şala­baevtıñ balasınıñ üylenw toyına qatısadı. Äbdiraşït ağamız otızınşı jıldardıñ ortasında Novosibir qalasında Batıs sibir ölkesiniñ organı «Qızıl tw» gazetiniñ bas redaktorı bolğan. Qaramağında orınbasar bolıp Ğabïden Mustafïn jumıs istegen. Sol toyda Säbeñ, Ğabïden bolğan eken. Doskey qart solardıñ bärimen dastarqandas bolıp, äñgimesin tıñdağan. Aqsaqal elge kelgennen keyin sonıñ bärin awıldastarına jırday qılıp aytıp berdi. Onda men 8-şi sınıpta oqïmın. Qarttıñ aytqandarın awzımnıñ swı qurıp tıñdaymın. Ol meniñ köñilimdi jıqpay körgenderin qayta-qayta aytadı. Sodan meniñ Almatığa degen quştarlığım oyandı. Şındığın aytqanda, ötken ğasırdıñ alpısınşı jıldarı qazaq awıldarında bilimge degen qumarlıq sumdıq boldı. Soğıstan keyin jabırqap qalğan eldiñ eñsesi köterildi. Sol kezde Säbït Muqanovtıñ, Hamza Esenjanovtıñ, Täken Älimqulovtıñ, Tahawï Ahtanov­tıñ, Äljappar Äbişevtiñ jarıq körgen kitaptarın el adamdarı qolğa tïgizbey oqıdı. Äsirese, biz sekildi bota tirsek bozbalalarğa Muhtar Äwezovtiñ «Abay jolı» romanı qattı äser etti. «Juldız» jwrnalınıñ 12-şi sanında sın jazıp jürgen qalamgerlerdiñ swretteri beriletin. Sonıñ bärin qaldırmay oqıp, osınday sınşı bolsam dep oylaymın. Oñaşada oyımdı däpterge öleñ etip öremin. Sol däpterdi uzaq jıldar jaqın dosım saqtap, ömirden öter aldında twıstarına berip ketipti. Jaqında qolıma tüsti.
– Burın ol däpterdiñ bar ekenin bilgen joqsız ba?
– Joq. Oyımnan şığıp ketipti. Endi qızıqtı qarañız, sol däpterdiñ alğaşqı betine Ädebïet jäne öner ïnstïtwtı dep jazıp qoyıppın. Mektepte oqïtın balamın ğoy. Onı qaydan bilgenime äli tañmın. Söytip, 1966 jılı Almatığa arman qwıp kelip, QazGW-ge qujattarımdı tapsırdım. Konkwrs öte küşti bolğandıqtan, sırttay bölimge tüstim. Grwppalastarımnıñ köbi eresek. Qırküyekte sabaq bastaldı. Bizge Mälik Ğabdwllïn, Käkï Ahanov, Hanğalï Süyinşälïev däris oqıdı. Keñes Odağınıñ batırı, ülken ğalım Mälik ağamızdıñ lekcïyasın tıñdaw bir baqıt qoy. Awılğa erekşe äsermen oraldım. Mektep-ïnternatqa tärbïeşi bolıp ornalastım. Odan keyin sovhozdıñ qara jumısına jegildim. Qopadan qamıs şabamız. Birde üsti-basım şañ bolğandıqtan, kïimderimdi qağıp jatır edim, anaday jerde qarap otırğan äkem: «Osılay şañnıñ işinde jüre beresiñ be? Sen sekildi balalar qalada oqıp jatır» dep zilsiz keyidi. Awzı awır adam edi, osı sözi janıma batıp ketti. 1968 jıldıñ qañtarında Almatığa qısqı sessïyağa keldim. Onı jaqsımen ayaqtap, wnïversïtettegi oqw böliminiñ bastığına bardım. Öñi jılı orıs kisi eken. Jılı söylesti. Män-jayımdı aytıp tüsindirdim. Sınaq kitapşamdı körip «erteñ kel» dedi. Bardım. Külip qarsı alıp, «iştey oqwğa qabıldandıñ» dedi. Buğan äkem qattı qwandı. Meni kwrstastarım Mekkeden kelgendey qarsı aldı. Wälïhan Qalïjan, Fawzïya Orazbaeva, Baqıt Balğarïna sekildi talanttı jastardıñ ortasına tüstim.
– Wnïversïtettegi ustazda­rıñız twralı aytsañız?
– Qazaq ädebïettanw ğı­lımı­nıñ korïfeyi Beysenbay Kenjebaevtıñ därisin tıñdadım. Professor Temirğalï Nurtazïnniñ lekcïyası qızıqtı bolatın. Ağıp turğan şeşen. Tabïğatı akterge keletin. Äygili mecenat Maman baydıñ balası Ibıray Mamanov sabaq berdi. Zeynolla Qabdolovtıñ qırıqtağı qılıştay qayrattı kezi. Zekeñ söylegende bir sïqırğa enesiz. Dïplomdıq jetekşiligime Tur­sınbek Käkişev bekitildi. Bul kisi mağan «Säkenniñ öleñ örnegi» degen taqırıpta jazwğa keñes berdi. Sodan jumısımdı bastap kettim. Birde Tursekeñ mağan: «Men doktorlıq qorğaymın. Waqıtım az bolıp tur. Sağan jetekşi Äwezov atındağı ädebïet jäne öner ïnstïtwtınıñ ağa ğılımï qızmetkeri, fïlologïya ğılımdarınıñ doktorı Mırzabek Düysenov boladı» dedi. Söytti de meni akademïyağa jetektep alıp kelip, Mırzakeñmen tanıstırdı. Öte kişipeyil azamat eken.
– Dïplomıñızdı qorğaw qïınğa tüsken joq pa?
– 1971 jılı 8-şi mawsımda 8-şi bolıp qorğadım. Komïssïya müşeleri bolğan ustazdardıñ bäri rïzaşılığın bildirdi. Wnïversïtettiñ ğılımï keñesi meni Ğılım akademïyasına joldamamen jiberdi. Akademïya mağan Mäskewdegi Gor'kïy atındağı älem ädebïeti ïnstïtwtına barasıñ dedi.
– Sodan Mäskewge bardıñız ba?
– Biraq äkem bul usınıstı qolay körmedi. «Balam, aldında ağañ, artında iniñ joq. Osı Almatıda jüre bergeniñ jön bolar» dep aqılın ayttı. Sonda da Mäskewge barıp köreyin dep oyladım. Ondağı awa rayı da köñilime onşa unamadı. Ädebï ïnstïtwtqa kirip, sondağı bir ülken ğalımğa jolıqtım. Ol mağan: «Oqwğa tüstiñiz, endi dïssertacïyañızdıñ taqırıbın belgileñiz» dedi. Men oğan «öleñ qurılısınan jazamın» dep edim, ol bolsa «Bizde öleñdi zerttegen ataqtı ğalımımız sırqattanıp qaldı. Özderiñizde öleñ jüyesin tereñ zerttep jürgen Zäkï Ahmetov, Murat Qaramaev bar ğoy. Onda Almatığa barıp, sonda jalğastırıñız» dedi. Sodan qwana elge oraldım. 1971 jılı jeltoqsan ayında ustazım Mırzabek ağam meni Ğılım akademïyası prezïdïwmınıñ hatşısı Jaqan Erjanovqa alıp kirip: «Seriktiñ kandïdattıq dïssertacïyasınıñ 70-80 payızı dayın. Endi ïnstïtwtqa jumısqa ornalaswğa bir orın bolsa» degen ötinişin ayttı. Ol jaña jılğa deyin küte tur dedi. Mereke ötti. Eşqanday habar joq. Aqırı, bul şarwa sïırquyımşaqtanıp bara jattı. Aqpan ayınıñ basında Jazwşılar Odağınıñ aldınan basım salbırap ketip bara jatır edim, birewdiñ qolı ïığımnan sart ete tüsti. Qarasam, Äbdiraşït Şalabaev ağam. Jay-küyimdi körip: «Eñseñ nege tüsip ketken?» dep suradı. Men oğan jumıssız jürgenimdi ayttım. Ol meni kabïnetine aparıp, Ädebïet jäne öner ïnstïtwtınıñ dïrektorı Ädï Şäripovpen habarlas­tı. Qısqası, sol ïnstïtwtqa ağamnıñ kömegimen laborant bolıp ornalastım. Biraq oğan tölenetin aylıq joq eken. Bul qızmet ştatqa kirmegen. Sonda Mırzabek Düysenov ağam öz qaltasınan mağan bir jıl boyı aylıq tölep turdı. Keyin oğan ïnstïtwt aqşasın qaytarıp berdi. Osını oylasam, közimnen jas şığadı. Eger Mırzakeñ mağan järdemdespegende, meniñ jolım basqa arnağa tüser edi dep oylaymın.
– Ğılımï ortanıñ äseri qalay boldı?
– Ömirlik közqarasım, dünïe­tanımım osında qalıptastı. Ïnstïtwtta Muhamedjan Qara­taev, Äbdilda Täjibaev, Mälik Ğabdwllïn, Isqaq Düysenbaev, Mırzabek Düysenov, Raqmanqul Berdibay, Änwar Derbisalïn sekildi ğïbrattı ğalım­dar eñbek etti. Älkey Marğulan ağamız ïnstïtwttıñ ğılımï keñesiniñ müşesi boldı. Akademïk Zäkï Ahmetovpen ağalı-inilidey sıylastım. Ädï ağamız da jaqsı adam bolatın. Akademïk Temirbay Darhanbaev, Orınbek Jäwtikov, İsmet Keñesbaev sekildi tuğırlı tulğalardıñ aldın kördim. Olar bizge bilgenin aytıp, täjirïbelerimen bölisti.
– Sanalı ğumırıñız Qanış atamız qurğan Ulttıq Ğılım akademïyasınıñ şañırağında ötipti. Bügingi osı ğılımï orda­nıñ jay-küyine qalay qaray­sız?

– Bul ultımızdıñ arı men uyatına aynalğan kïeli orda edi. Onı Qanış Sätbaev öz qolımen qurdı. Qazaqstan Halıq Komïssarlar Keñesiniñ törağası kezinde Nurtas Oñdasınov akademïya ğïmaratınıñ irgetasın quyıp jatqanda «qazaqtıñ ğılımı kümistey taza bolıp, jarqırasın» dep kümis tïın şaşıptı. 1958 jılı 14 jeltoq­sanda eñseli ğïmarattıñ aşılwı bolğanda zañğar jazwşı Muhtar Äwezov üyinde toy jasaptı. Osınday ulılar qadir tutqan qasterli ordamızdıñ elewsiz qalğanı janıma batadı. Qazir ğılım akademïyası qoğamdıq uyımğa aynaldı. Ondağı ğılı­mï ïnstïtwttardıñ bäri Bilim jäne ğılım mïnïstrligine qaraydı. Endi burınğıday akademïya bolmawı da mümkin. Sonda biz asıldarımızdıñ aldında künäharlıq is jasadıq.

– Qattı aytqan joqsız ba?
– Joq. Osı sözim – söz. Eldiñ mıqtı bolwı – ğılımğa, öner­ge, rwhanïyatqa baylanıstı. Ğı­lım­sız eşqaşan memleket damımaydı. Älïhan Bökeyhanov «Qudaydan keyin küşti närse – ğılım, ğılımnan keyingi küşti närse – dästür» dep aytqan. Sondıqtan ğılımnıñ uyasın buzw jaqsılıqqa aparmaydı.
– Bügingi ädebïettanw ğa­lımı­nıñ damw barısına köñiliñiz tola ma?
– Qazir elimizde joğarı oqw orındarınıñ köptiginen ayaq alıp jüre almaysız. Olardıñ köbinde fïlologïya fakwl'tetteri bar. Osı bağıttağı ğılım doktorları men kandïdattarı da jeterlik. Burınğıday doktorlıq, kandïdattıq qorğaw dïssertacïyalıq keñesteri jabıldı. Munı da qoş körmeymin. Biz äli künge 1958 jılı basılğan Mälik Ğabdwllïnniñ «Qazaq halqınıñ awız ädebïeti» attı oqwlığın paydalanıp kelemiz. 1965 jılı jazılğan Zeynolla Qabdolovtıñ ädebïettanw teorïyalıq eñbegi de tarïhï qızmetin atqardı. Endi odan beri qanşa jıldar jöñkilip köşti. «Babalar söziniñ» jüz tomdığı jarıq kördi. Alaş qayratkerleriniñ muraları ortamızğa oraldı. Osı dünïelerdiñ bäri ğılımï qoldanısqa engen joq.
– Nege?
– Uyımdastırw kemşin.
Oğan kim bas-köz bolw kerek?
–Joğarı oqw orın­da­rın­­dağı qazaq ädebïeti kafedra­sınıñ meñgerwşileri uyıtqı bolğan jön. Negizinde, joğarı oqw ordasınıñ yadrosı – kafedra. Biraq qazir kafedra wnïversïtetterdiñ oqw bölim­derine bağınadı. Olar onı urşıqşa aynaldıradı. Ju­mıs istewge mümkindik ber­meydi. Wnïversïtet degenimiz oqımıstılardıñ qawımdastığı ğoy. Oqımıstılarsız wnïversïtet joq. Onda ğılımmen aynalısatındar ğana bolw kerek. Ğılımğa qatısı joqtar onıñ mañayınan jürmegen durıs. Qazir ğılımnıñ keleşegin oylaytın adam az. Qağazbastılıq jawlap alğan. Soğan erteli-keş kömilip otıramız. Ğalımğa izdenw üşin sağat ta bölinbeydi.
– Täwelsizdik alğanımızğa biraz jıl boldı. Keñestik kezde jazılğan ädebï şığarmalardı saralawdan ötkizw qolğa alındı ma?
– Ayta almaymın. Ğılımnıñ öz ustanımı bar. Keñes odağı ıdıradı. Derbestik aldıq. Endi ataqtı, awzı dwalı ğalım­darımız fol'klor men ädebïet­tanw bağıttarı boyınşa tujı­rımdama jasaw kerek bolatın. Bunı der kezinde paydalana almadıq.
– Ol sizdiñ qolıñızdan kelmedi me?
– Joq. Men qatardağı köp ğalımnıñ birimin. Sözim eşkimge ötpeydi. Oğan lawazımdı tulğa bolw qajet.
– Siz alğaş Aqmola elorda bolğanda osında kelip, qaytadan Almatığa ketip qaldıñız. Bas şahardı jatırqadıñız ba?
– Ol bılay boldı. 1997 jılı Alatawdıñ eteginen elimizdiñ bas ordası Arqağa köşti. Sol kezde meni L.Gwmïlev atındağı Ewrazïya ulttıq wnïversïtetiniñ rektorı Amangeldi Qusayınov qızmetke şaqırdı. Usınıstı qup alıp, qwana keldim. Biraq bäri men oylağanday bolmadı. Künuzaq sürginmen jüremin. Jazw-sızw, kitap oqw jayına qaldı. Kitaphana qorı da jetimsiz. Aqïqatın aytqanda, ğılımï älewetim tömendep ketti. Astana bolw oñay emes eken. Sodan 2000 jılı Almatığa oralıp, QazUW-dağı professorlıq jumısımdı qayta jalğastırdım. Bes jıl işinde qalpıma kelip, 2005 jılı osında oraldım.
– Ağa, biraz dünïeni qawzadıq. Twğan küniñizben qatarlasıp, bas qalanıñ 20 jıldığı da jaqındap qaldı. Sol jayında lebiziñizdi bildirseñiz?
– Elbası elimizdiñ bas ordasın Almatıdan qazaq jeriniñ qasïetti törine köşirgeni tegin emes. Ulı Dalanıñ diñgegi – Aqmola. Bul öñirde nebir örkenïet öristegen. Elordanıñ irgesindegi Bozoq qalaşığı toğız joldıñ torabında qonıs tepken. Sarı­arqa jerinen ıqılım zaman jädigerleriniñ şamamen 1 mïllïon jılday burınğı jur­naqtarı uşırasadı eken. 1966 jılı şalğay awıldan arman qwıp, arw Almatığa Celïnograd arqılı jetip edim. Al bügin osı jerde älemge atağı jayılğan Astananıñ asqaq tulğası jüre­gimdi keremet sır men jırğa böleydi. Bul – Täwelsizdiktiñ jemisi. Astananıñ ayşıqtı tabıstarı eli-jurtımızdı ärqaşan şattandıra berse eken deymin.
– Äñgimeñizge raqmet!

Suhbattasqan
Azamat ESENJOL

Pikir jazw

Poçtañız jarïyalanbaydı