«Astana aqşamı»
El jüregi – elorda şejiresi

Elordalıq jastar erledi

0 81

Memlekettik qızmet isteri jäne sıbaylas jemqorlıqqa qarsı is-qïmıl Agenttiginiñ Astana qalası boyınşa departamenti elordalıq memlekettik qızmetşiler men käsibï pikirsayısşı stwdentter arasında «Qazaqstan bügin jäne bolaşaqta» taqırıbında öñirlik twrnïr ötkizdi.

 Pikirtalasqa 44 komanda qa­tıstı. Nätïjesinde Astana qalası äkimdiginiñ qızmetkeri Erjan Eñsebay men Ewrazïya ulttıq wnïversïtetiniñ stw­denti Jazïra Ömirzaq basım bolıp, respwblïkalıq dodağa joldama alğan bolatın.
Agenttik jaqında «Parasat­tılıq jäne zañ üstemdigi – ult­tıñ tabıstı bolwınıñ kepili» attı äkimşilik-memlekettik qızmetşiler jäne stwdentter arasında respwblïkalıq pikirsayıs twrnïrin ötkizdi. Onıñ fïnalına Qazaqstan Respwblïkası Prezïdentiniñ janındağı Memlekettik bas­qarw akademïyasınıñ rektorı Fatïma Jaqıpova, Mem­lekettik qızmet isteri jäne sıbaylas jemqorlıqqa qarsı is-qïmıl Agenttiginiñ apparat basşısı Sayan Ahmetjanov jäne belgili qoğam qayratkerleri törelik etti.
Eki künge sozılğan pikir­sayısta «DARABOZ» atımen öner körsetken elordalıqtar jeñimpaz atandı. «Astana Darını-2017» jastar sıylığınıñ «Üzdik memlekettik qızmetşi» atalımı boyınşa jeñimpazı Erjan Eñsebay men «Orator» debat klwbınıñ müşesi Jazïra Ömirzaq jeñisterin Astananıñ 20 jıldıq mereytoyına arnadı.

Pikir jazw

Poçtañız jarïyalanbaydı