«استانا اقشامى»
ەل جۇرەگى – ەلوردا شەجىرەسى

ەلدى ەلەڭ ەتكىزگەن

0 65

زەلەنسكي جوعارعى رادانى تاراتادى

ۋكراينادا پرەزيدەنتتى ۇلىقتاۋ ءراسىمى ءوتىپ جاتىر. سونىمەن ۆلاديمير زەلەنسكي ەل پرەزيدەنتى قىزمەتىنە رەسمي كىرىستى. ۇلىقتاۋ راسىمىندە زەلەنسكي جوعارعى رادانى تاراتاتىنىن ايتتى.

ۋكراينانىڭ التىنشى پرەزيدەنتى ۇلىقتاۋ راسىمىندە سويلەگەن سوزىندە الەۋمەتتىك ماسەلەلەرگە توقتالدى. سونداي-اق ول ءار ۋكراينالىقتىڭ پرەزيدەنت ەكەنىن اتاپ ءوتتى ءارى بارشانى زاڭ مەن تارتىپكە باعىنۋعا شاقىردى. ودان بولەك، زەلەنسكي الەمنىڭ ءار بۇرىشىندا تۇراتىن ۋكراينالىقتاردى ەلگە ورالۋعا شاقىردى.
21 ساۋىردە ۋكراينادا وتكەن پرەزيدەنتتىك سايلاۋدا زەلەنسكي 73,2 پايىز ەلەكتوراتتىڭ داۋىسىن جيناپ، پرەزيدەنتتىك بايگەدە جەڭىسكە جەتتى.

رونالدۋ پالەستيناعا كومەك بەردى

اتى اڭىزعا اينالعان پورتۋگاليالىق فۋتبولشى كريشتيانۋ رونالدۋ پالەستيناعا رامازان ايىنا وراي 1,5 ميلليون دوللار اقشا بەرگەن.

رونالدۋ بۇدان بۇرىن «يزرايل پالەستيناعا الىمجەتتىلىك جاساپ، گەنوتسيدتىك ساياسات قولداندى، بەيبىت تۇرعىنداردىڭ قانىن توكتى» دەپ قاتاڭ سىنعا العان بولاتىن. 2012 جىلدىڭ قاراشاسىندا يزرايل پالەستينانى بومبىلاعان كەزدە، رونالدۋ اۋكتسيونعا ءوزىنىڭ «التىن ەتىگىن» قويىپ، ودان تۇسكەن قارجىنى پالەستينا بالالار قورىنا اتاعان-دى.
كەلەسى جىلدىڭ ناۋرىز ايىندا پورتۋگاليا مەن يزرايل اراسىنداعى 2014 جىلعى الەمدىك دوداعا ىرىكتەۋ جارىسىندا ول «يزرايلدىڭ تۋى بار كويلەك كيگىسى كەلمەيتىنىن» ايتىپ، ءوز جەيدەسىن يزرايلدىك ويىنشىمەن الماستىرۋدان باس تارتتى.

«كوجەگى» 91 ميلليونعا ساتىلدى

امەريكالىق سۋرەتشى دجەفف كۋنستىڭ «كوجەك» دەپ اتالاتىن ءمۇسىنى ءباسساۋدادا 91 ميلليون 100 مىڭ دوللارعا ساتىلدى. ءسويتىپ، كوزى ءتىرى قىلقالام شەبەرلەرىنىڭ اراسىندا رەكوردتى جاڭارتتى.

«كريستيس» ساۋدا ءۇيىنىڭ ءباسساۋداسى نيۋ-يوركتە ءوتتى. 1986 جىلى بولاتتان جاسالعان ءمۇسىن ءۇشىن سايىس 10 ساعاتتان استام ۋاقىتقا جالعاستى. اقىرىندا بىرەگەي تۋىندىنى ارت-ديلەر، اقش قارجى ءمينيسترى ستيۆەن ءمنۋچيننىڭ اكەسى روبەرت منۋچين ساتىپ الدى.
بۇعان دەيىن كوزى ءتىرى سۋرەتشىلەر اراسىندا تۋىندىسى ەڭ قىمباتقا ساتىلعان رەكورد دەۆيد حوكنيگە تيەسىلى بولعان. ونىڭ «سۋرەتشى پورترەتى. ەكى فيگۋرا مەن باسسەين» كارتيناسى 1972 جىلى 90 ميلليون 200 مىڭ دوللارعا ساتىلعان.

پىكىر جازۋ

پوچتاڭىز جاريالانبايدى