«استانا اقشامى»
ەل جۇرەگى – ەلوردا شەجىرەسى

ەلدى ەلەڭ ەتكىزگەن

0 67

ەل-جۇرتىنا دوللار تاراتادى

سينگاپۋر بيلىگى مەملەكەت ەكونوميكاسىنىڭ دامۋىنا ۇلەس قوسقانى ءۇشىن ەل تۇرعىندارىنا 500 ملن دوللار ۇلەستىرەتىن بولدى.

مۇنداي قوماقتى سوما حالىقتىڭ 2017 جىلعى تابىسىنا بايلانىستى بەرىلەدى.
سينگاپۋر قارجى مينيسترلىگىنىڭ مالىمەتىنشە، ەل بيلىگى قاراجات ۇلەستىرەتىن تۇرعىنداردى ءۇش توپقا بولگەن. العاشقىسىنا تابىسى 28 مىڭ سينگاپۋر دوللارىنان اسپاعان جاندار كىرەدى. ولارعا ۇكىمەتتەن 300 سينگاپۋر دوللارى بەرىلەدى. ال ەكىنشى توپقا تابىسى 100 مىڭ سينگاپۋر دوللارىنان اسپايتىن تۇرعىندار ەندى. سينگاپۋر باسشىلىعى ولارعا 200 سينگاپۋر دوللاردان تاراتۋدى ءجون سانادى. سوڭعى ساناتقا 100 مىڭ سينگاپۋر دوللارىنان اساتىن جاندار كىردى. ەل ۇكىمەتى ولارعا 100 سينگاپۋر دوللار كولەمىندە سىياقى تابىستاماق.
ايتا كەتەيىك، وتكەن جىلى سينگاپۋر ەكونوميكاسى 3,6 پايىزعا ارتقان. بۇل – بيلىك بولجاعان مەجەدەن ەكى ەسەگە كوپ كورسەتكىش.

نوبەل سىيلىعى كىمدەرگە بەرىلەدى؟

2018 جىلى عىلىمعا قوسقان ۇلەسى ءۇشىن بىرنەشە سالاداعى عالىمدار نوبەل سىيلىعىمەن ماراپاتتالادى.

مەديتسينا جانە فيزيو­لوگيا سالاسى بويىنشا امەريكالىق يممۋنولوگ دجەيمس ەلليسون مەن جاپون عالىمى تاسۋكو حوندجو نوبەل سىيلىعىنىڭ لاۋرەاتى اتاندى. ولار قاتەرلى ىسىكتى يممۋندى تەراپيا ارقىلى ەمدەۋ ءتاسىلىن جاساپ شىعارعان.
ال فيزيكا بويىنشا بەدەلدى سىيلىقتىڭ لاۋ­رەاتتارى قاتارىنان 55 جىلدان كەيىن ايەل ادام العاش رەت كورىندى. ناقتىراق ايتار بولساق، امەريكالىق ارتۋر اشكين، فرانتسۋز جەرار مۋرۋ جانە كانادالىق دوننا ستريكلەند «لازەرلى فيزيكا جاڭالىقتارى ءۇشىن» نوبەل سىيلىعىن يەلەندى.
حيميا سالاسى بويىنشا امەريكالىق فرەنسيس ارنولد پەن دجوردج سميت جانە اعىلشىن گرەگوري ۋينتەر لاۋرەات اتاندى.
نوبەل سىيلىعىنىڭ لاۋرەاتتارىنا 1 ميلليون دوللار كولەمىندە سىياقى تابىستالادى.

يراكتىڭ جاڭا پرەزيدەنتى سايلاندى

يراكتا كۇردىستان پاتريوتتىق وداعىنان كانديدات بارحام سالەح مەملەكەتتىڭ جاڭا باسشىسى بولىپ سايلاندى.

ەل پارلامەنتىندە وتكەن سايلاۋ ناتيجەسىندە وعان 165 دەپۋتات داۋىس بەرگەن. وتىرىسقا باس-­اياعى 329 دەپۋتاتتىڭ 301-ءى قاتىسقان.
داۋىس بەرۋدىڭ العاشقى كەزەڭىندە پرەزيدەنت انىقتالمادى. سەبەبى ۇمىتكەرلەردىڭ ەشبىرى داۋىستىڭ ۇشتەن ءبىرىن دە جيناي الماپتى.
ەندى جاڭادان سايلانعان پرەزيدەنت جاقىن ۋاقىتتا ەلدىڭ جوعارعى فەدەرالدى سوتى جانە پارلامەنتشىلەرى الدىندا انت قابىلدايدى. بارحام سالەحتىڭ ەڭ ءبىرىنشى مىندەتى – يراكتىڭ پرەمەر-ءمينيسترىن تاعايىندايدى جانە ۇكىمەتتى قايتا جاساقتاۋعا ماندات بەرەدى.

پىكىر جازۋ

پوچتاڭىز جاريالانبايدى