«Astana aqşamı»
El jüregi – elorda şejiresi

Dombıra qudiretin däriptedi

0 41

Elordadağı Dostıq üyinde Qazaqstan halqı Assambleyasınıñ uyımdastırwı­men «Ulı dalanıñ kïeli murası – ulttıq dombıra» attı şığarmaşılıq kezdesw ötkizildi.

Şığarmaşılıq keştiñ qurmetti qonaqtarı retinde şaqırılğan Qazaqstannıñ eñbek siñirgen qayratkeri, Qazaq ulttıq öner wnïver­sïtetiniñ professorı, belgili jırawşı Almas Almatov, Qazaqstannıñ eñbek siñirgen qayratkeri, Segiz seri, Birjan sal, Aqan serilerden bastaw alğan Arqa änşilik mektebiniñ jalğastırwşı ökili Erlan Rısqalï men ulttıq aspaptı jasawşı şeber äri änşi Tel'man Qujïmanov jïnalğan qawımğa jalpı öner twralı, sonıñ işinde jırawlıq dästür jöninde keñinen äñgimelep berdi.
Alğaşqı bolıp söz alğan A.Almatov ejelgi däwirden qalıptasıp büginge jetken jırawlıq dästür twralı äñgimeledi. Sonıñ işinde ol Orhon-Enïsey kezeñin qamtıp ötip, ulttıq salt-dästürlermen sabaqtasıp jatqan jırawlıq dästürdiñ bügingi jay-küyine toqtaldı. Sonday-aq ol qazirgi kezde 550-den asa jırawlıq dastan bar ekenin de atap ötti.
Elimizde ğana emes, şetelge esim-soyı tanımal, Londonda «Mañmañger» attı än jïnağın şığarğan E.Rısqalï jırawlıq däs­türdiñ erekşeligine toqtalıp, onıñ qorşağan ortamen, tabïğatpen baylanısın
bayandap, Birjan saldıñ änin orındap berdi. Al Tel'man Qujïmanov ulttıq aspaptı äzirlew ädisiniñ qır-
sırın köpşilikke tüsindirip, M.Maqataevtıñ sözine jazılğan «Qazağım-ay» änin şırqadı.
Bul keşte «Qırğızstan-­Astana» qoğamdıq bir­les­tiginiñ ökili Larïsa Nur­­lanqızı, «Jayhwn» qara­qalpaq etnomädenï
birlestigi» qoğamdıq bir­lestiginiñ ökili Rahïm Orın­ğalïev, Oqwşılar sarayınıñ «Golos» mwzıkalıq stwdïyasınıñ jetekşisi Bronïslav Bwgïnas, «YUnçï» düngen etnomädenï ortalığı» qoğamdıq birlestiginiñ ökili Dïlyara Kabïdwlïna jäne «Akbwzat» başqurt etnomädenï birlestiginiñ ökili
Jibek Kwjahmetova dombıra şanağınan jır tögiltip, jurtşılıqtıñ ıstıq ıqılasına bölendi. Äri olarğa şığarmaşılıq keştiñ iltïpatı retinde bärine dombıra tabıs etildi.
Äserli is-şaranı Nur-­Sultan qalası Qazaqstan halqı Assambleyası hatşılığınıñ meñgerwşisi Läzzat Qusayınova qorıtındılap, keş qonaqtarına estelik sıylıqtar tabıstadı.

Jadıra MURATBEKOVA

Pikir jazw

Poçtañız jarïyalanbaydı