Суббота, 19 Август 2017
-->

Құқық

ЖАСӨСПІРІМ ЖҮГЕНСІЗ ЖҮРМЕСІН…

Кәмелетке жасы толмағандар ісі жөніндегі полиция инспекторы туралы әңгіме өрбітпес бұрын әуелі олардың күнделікті қарбалас жұмыстарымен таныс­тық. Біз сөз еткелі отырған елорданың Сарыарқа ауданында белгілі бір білім ұясына бекітілген елу үш мектеп инспекторы бар екен. Олар негізінен жұмыстарын қаладағы құқық бұзушылықтың алдын алуға, «қиын» балаларды анықтап, олармен жүйелі түрде жұмыс жүргізуге бағыттайды. Әлі оңы мен солын танып үлгермей жатып, полицияның алдын бірнеше рет көрген жасөспірімдердің ата-аналарымен тығыз қарым-қатынас орнатуды көздейді. Әрине, мұның барлығы оңай шаруа емес. Жасыратыны жоқ, түнгі кезбелік – балалар мен жасөспірімдерді қылмыс әлеміне апаратын төте жол. Олай ... Читать далее »

БЕС МИЛЛИОН ТЕҢГЕСІН ТАУЫП БЕРДІ

Ұлттық ұланның жедел мақсаттағы құрамасының сарбаздары елордалық кәсіпкердің 5 миллион теңгесін тауып, қайтарып берді. 15 маусым күні кешкі сағат 22.30 шамасында 5573 әскери бөлімінің жасағы Астана қаласы Қабанбай батыр даңғылы бойындағы «Триумф» тұрғын үй кешені тұсынан әмиян тауып алады. Әмиянның ішінде ондаған дана евро купюрасы, яғни төл валютаға шаққанда 5 миллион теңгеге жуық ақша бар екен. Әскери жасақ бастығы Ролан Тышқанбай мен патруль Асылжан Айтбай осы жайт туралы дереу әскери жасақ кезекшісі, лейтенант Нұрсұлтан Әміровке баяндайды. Кезекші, сәйкесінше, Ішкі істер департаментіне хабар береді. Құқық қорғаушылар әмиян иесін іздестіруге шұғыл кірісіп ... Читать далее »

Заманауи көлік мінген сақшылар

Елордалық  полицейлер  көліктің  жаңа  түріне  көшуде. Электромобиль  деп аталатын жеңіл қозғалысты заманауи көлік пен скутер мінген жол-патруль полиция қызметкерлерін астана саябақтарынан, қоғамдық орындардан  көруге болады.   Қалтарысы көп орындар­ды жеңіл автокөлікпен қа­дағалау қиын. Астана қаласының Ішкі істер депар­та­менті гүлзар, саябақ секіл­ді орындарда тәртіпті бақы­лау үшін әрі қылмыстың алдын алу мақсатында заманауи электромобиль мен скутер көлігін қолданысқа енгізуде. «Мұндай көліктердің қыз­мет ету тиімділігі жоғары. Бақылау бар жерде тәртіп сақталады. «ЭКСПО-2017» халықаралық көрмесі өтетін аумақта да осындай заманауи көліктер тәртіпті сақтайды. Мұның көмегімен тек саябақтың ішін ғана емес, қоғамдық орындарды да қадағалауға ... Читать далее »

Тергеушіден тәлімгерге айналды

Тергеу қызметінде ең керегі – ар алдындағы адалдық. Ақиқаттың ақ жолынан ауытқымай қызмет атқару. Бұл о бастан ата тәрбиесін көрген жігіттің өмірлік қағидасы болып қалыптасқан. Адам сөйлескенше… Астана қаласы Сарыарқа ауданы Ішкі істер басқармасы бастығының орынбасары Нұрлан Мұсанбековпен кәсіби мерекесі қарсаңында әңгімеміз бірден жараса кетті. Қазақы ауылда, ұлттық тәрбиенің шынарын еміп өскен полиция қызметкерімен шүйрікелесе келе көкейімізге осындай ой түйдік… Қазақ мемлекеттік универ­ситетінің заң факультетін бітіретін жылы мені өндірістік тәжірибеден өтуге Алматы қаласы Медеу ауданының ішкі істер басқармасына жіберді. Міне, осы жерде мен өзімнің қалаған мамандығымның құрметін сезіндім. Орган қызметкерлерімен ... Читать далее »

ЖЕМҚОРЛЫҚҚА ҚАРСЫ МӘДЕНИЕТ ҚАЛЫПТАСТЫРУ ҚАЖЕТ

Астана қалалық әкімдігінде «Сыбайлас жемқорлықты жалпыға бірдей қабылдамау – бірлік және тұрақтылықтың кепілі» атты дөңгелек үстел өтті. Жиынды ҚР Мемлекеттік қызмет істері және сыбайлас жемқорлыққа қарсы іс-қимыл агенттігі мен Қазақстан халқы Ассамблеясы бірлесіп ұйымдастырды. Дөңгелек үстелді ҚР Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының орын­баса­ры ­­А­лик Шпек­баев жүргізді. Ол сыбайлас жемқорлықпен күресте жазалаудан бұрын, оған төзбейтін мәдениет қалыптастыру керек екенін ескертті. Бұл үшін бармақ басты, көз қысты әрекетпен қоғам болып жұмылып күресу қажет. – Елбасы Нұрсұлтан Назарбаев сыбайлас жемқорлықтың себептері мен алғышарттарын анықтап, оларды жою жұмысын күшейту ... Читать далее »

АВТОТҰРАҚ АЗАБЫ ЖҮРГІЗУШІЛЕРДІҢ ЖҮЙКЕСІН ЖҰҚАРТУДА

«ТЕЛЕФОН НӨМІРІҢДІ ЖАЗЫП КЕТ» Өткен жылы миллионыншы тұрғыны дүниеге келіп, алты алашқа сүйіншілеген Астана қаласы демографиялық жағынан ғана емес, әлеуметтік-экономикалық, тұрмыстық жағынан да өсіп, өркендеп келеді. Мәселен, кейінгі үш жылда республиканың басқа өңірлерінен елордаға тұрақты мекенжай ауыстырғандар саны 236 мыңнан асса, бұл, сөз жоқ, бас қаланың қоныстануға қолайлы болғандығының айқын айғағы. Енді қалаға келіп мекен теуіп, жағдайы жақсарып, тұрмысы түзелген адам жаяу жүргісі келмейтіні, тағы шындық. Міне, қазір елордада бір үйде екі, кей отбасында үш-төрттен жеңіл автокөлік болуы осы сөзімізге толық дәлел. Автокөлігің болғанға не жетсін?! Діттеген жеріңе тез жетіп, ... Читать далее »

«ЖОЛДА ҚАБЫЛДАУ» ӨТТІ

Кеше «Жастар» сарайы алаңында Астана қаласы Ішкі істер департаментінің Жергілікті полиция қызметі «Нұр Отан» партиясы қалалық филиалымен бірлесіп, дәстүрлі «Жолда  қабылдау» респуб­ликалық шарасын өткізді. – Іс-шара биыл тоғызыншы рет ұйымдастырылып отыр. Мақсаты – азаматтардың түрлі сала бойынша құқықтық сауат­тылығын арттыру, қоғамдық және жол қауіпсіздігін қамтамасыз ету жөніндегі атқарылып жатқан жұмыстармен таныстыру, ұсақ бұзақылықтарға қатысты қоғамда мүлдем төзбеушілік принциптерін қалыптасыру. Сол үшін қала бойынша «Қазақстан» спорт кешені, «Думан» ойын-сауық алаңына, темір жол вокзалы мен «Рубеж» бақылау қосынына және халыққа қызмет көрсету орталығы сияқты адамдар көп шоғырланатын жерлерге бірнеше муниципалды автобус қойылды. ... Читать далее »

БІРДЕ-БІР ШАҒЫМ ҚАРАУСЫЗ ҚАЛМАЙДЫ

Прокуратура органдарының негізгі жұмысы – қылмыспен күрес,оның алдын алу. Әлем көз тігіп отырған Астанадай ірі мегаполисте бұл асқан жауапкершілікті, қажырлы күш-жігерді, білікті ұйымдастырушылықты қажет ететіні белгілі. Елордада өтетін «Экспо – 2017» мамандандырылған көрмесі қарсаңында біздің тілшіміз қала про-куроры Болат Дембаевпен осы төңіректе келелі әңгіме өрбіткен болатын. – Болат Бекназарұлы, қазір қаланың өмірінде бұрынғы қай кезден де қарбалас, үлкен жұмыстар атқарылуда. Енді осы елдің ерекше ықыласына бөленген шаһардағы құқықтық тәртіптің жағдайы қалай? – Дұрыс айтасыз, біздің алдымызда орасан ауқымды міндеттер тұр. Сондықтан заңдылық пен құқықты қамтамасыз ету үшін бірінші кезекте, оны ... Читать далее »

ЖОЛ ҮСТІ «ЕРКЕЛІКТІ» КӨТЕРМЕЙДІ

Алдыңды жын ұрғандай кесіп өтер… Бүгінде астыңда желмен жарысқан темір тұлпарың болмаса, ойға алған шаруаның маңдымайтынын екінің бірі түсінеді. Сондықтан қазір көпшілік жеңіл көлікке бұрынғыдай байлықтың көзі деп емес, қажеттіліктің өзі деп қарайтын болды. Тіпті кейінгі кезде бір отбасында төрт-бес машина мінген жандарға көзіміз үйрене бастауы содан болса керек. Әсіресе, кәмелетке жасы жетіп, өзі-өзіне келе бастаған жиырманың о жақ, бұ жағындағы жастар бір-бір «сәйгүлікті» «тақымдарына баспаса», ішкендері бойларына тарамайтындай мазасыз күй кешетінді шығарды. Ата-­аналарының арқасы ма, әлде қолы ашық қолдаушыларының «батасы» ма, көздің жауын алатын қымбат көлік тізгіндеген қыз-келіншектер кез ... Читать далее »

КӨРМЕ ҚАРСАҢЫНДА ҚАУІПСІЗДІК КҮШЕЙТІЛДІ

Елордада «Құқықтық тәртіп» атты жедел-практикалық шара өтіп жатыр. 31 мамырға дейін жалғасатын шара аясында қала тұрғындары мен қонақтарының құжаттарын тексеру жұмысы қолға алынды. Шараның мақсаты – «ЭКСПО – 2017» халықаралық мамандандырылған көрмесі қарсаңында қалада қауіпсіздікті қамтамасыз ету және елордада тіркеуі жоқ азаматтарды анықтау болып отыр. Кеше қалалық Ішкі істер департаментіне халықтан келіп түскен арыз-шағымдарға және учаскелік полиция инспекторларының аталмыш органға ұсынған мәліметтерге сәйкес кешенді рейд өтті. Оның барысында полицейлер қалада қылмыс көп жасалады деп саналатын аумақтарға барып, жағдаймен танысты. Бас қалада баспана салып алып, орнығып алғысы келетін, салған үйлерін жалға ... Читать далее »