-->

Қала тіршілігі

ҚАЛАЛЫҚ ОРТА ҚАЛАЙ ҚАЛЫПТАСАДЫ?

Тәуелсіздік сарайында елордада алғаш рет «Қала ДНК-сы: Қауымдастық. Бизнес. Билік» атты урбан форумы өтті. Оған Астана әкімі Әсет Исекешев қатысты. Маңызды жиында алыстан ат арытып келген халықаралық сарапшылар мен қалалық жобалау мамандары, ірі құрылыс компанияларының басшылары, бизнес пен билік өкілдері тиімді қала диалогы мен дамуын талқылап, ой бөлісті. Алдымен құлаққа тосындау естілетін Урбанис­тика орталығы дегеніміз не? Соны көпшілікке түсіндіріп кетейік. Бұл қалалық ортаны жақсартуға, зерттеулер жүргізуге, тұрғындармен жұмыс істеуге, әлеуметтік капиталды ұлғайтуға, азаматтық қауымдастық пен билік арасындағы тиімді қарым-қатынас орнатуға, қаланың ішкі ресурстарын жұмылдыруға, шағын және орта бизнесті дамытуға бағытталған ... Толығырақ оқу →

ҮШЕМДЕР ҮШІНШІ СЫНЫПҚА КӨШТІ

Осыдан тура сегіз жыл бұрын елордалық ерлі-зайыпты Бекжан Оңтаев пен Айгүл Сырманованың отбасында үшемдер дүниеге келді. «Астана ақшамы» газеті ақжолтай ақпаратты алғашқылардың бірі болып сүйіншілегені сол, артынша үшемдерге қала әкімдігі тарапынан үш бөлмелі пәтер сыйға берілді. Астана тойы қарсаңында астаналық үшемдермен жүздесудің сәті түсті. Бүгінде Аят, Саят және Жанат №4 Жамбыл Жабаев атындағы мектептің 3-сыныбына көшкен. «ЭКСПО-2017» көрмесін тамашалап жүрген бүлдіршіндер бізді көрген бойда Астана туралы әндерін айтып, жырдан шумақ оқып берді. «Астана – біз үшін ерекше қала. Өйткені елорда өмірімізге үлкен өзгерістер әкелді. Балалардың арқасында сыйға алған пәтерімізде бақытты ... Толығырақ оқу →

МИЛЛИОНШЫ ТҰРҒЫНЫ – БІР ЖАСТА

Өткен жылдың 4 шілдесі күні Астана қаласының 1 миллионыншы тұрғыны дүниеге келген болатын. Олжас пен Арайлым Мұхамедияровтар отбасының қуанышы күні кеше 1 жасқа толды. Отбасына ғана емес, сонымен қатар исі қазаққа қуаныш сыйлаған Саида бүгінде тәй-тәй басып өсіп келеді. Олжас өзінің ата-анасы Қостанай облысынан Астана қаласына бала күнінде қоныс аударғанын айтады. Сол сияқты Аиданың ата-анасы да ерте бастан елордада өсіп-өну үшін Керекуден келген. Яғни, Олжас пен Арайлым Астана қаласының мектептерінде біліп алып, осында жоғары оқу орнын тәмамдаған. Жарасымды жұп елордада танысып, 2015 жылы шаңырақ көтереді. – Саида шілденің 3-нен 4-не ... Толығырақ оқу →

ҚЫТАЙЛЫҚ ӘРІПТЕСТЕРМЕН КЕЗДЕСТІ

Елорда әкімдігінде Астана қаласы мәслихатының депутаттары Қытай Халықтық саяси консультативтік кеңесінің Шэньян қалалық Комитетінің өкілдерімен кездесті. Астана қалалық мәслихат хатшысы Жанат Нұрпейісов­тің айтуынша, қазақ-қытайдың екіжақты қарым-қатынасы соңғы жылдары дамып келе жатыр. Сондай-ақ, ол Қытай халық Республикасы Қазақстанның ең басты серіктесі болып отырғанын атап өтті. – Қазақ елінің жас астанасы аса жылдамдықпен дамып жатыр. Сондықтан да біз үшін өзге мемлекеттің мега­полис қаласымен достық байланыс­та болу өте маңыз­ды. Мәселен, Астана Қытайдың Бейжің және Үрімжі қа­ласымен тығыз әріптестік орнатқан. ЭКСПО-2017 халық­аралық көрмесінің арқасында Астана қаржылық, инвестициялық және туристік әлеуетін арттыруға мүмкіндік алды, – ... Толығырақ оқу →

ЕЛОРДАНЫҢ 200 ЖЕТІСТІГІ

Ел дамуының локомотивіне айналған Астана – барша қазақтың ортақ мақтанышы. Елорда әкімі Әсет Исекешев тұрғындарға қолайлы, қауіпсіз, жасыл және әлемнің ең таңдаулы қалаларының қатарына қосу үшін Астананың экономикасы қуатты, еңсесі биік, өркендеген шаһарға айналатынын мәлімдеді. Айта кетейік, соңғы бір жылдың ішінде қала тіршілігі ерекше қарқынмен дамыды. Ендеше, 200 жетістікке жеткен қаланың ең басты көрсеткішін назарларыңызға ұсынамыз. * 2016 жылдың қорытындысы бойынша, жұмыссыздық деңгейі 4,6 пайызға төмендеді. * «CZ Astana» мобильді қосымшасы пайдалануға берілді. *Соңғы бес айдың қорытындысына сүйенсек, 9015 адам мемлекеттік бағдарламаның игілігін көрді. * 110 мыңнан астам адамға әлеуметтік ... Толығырақ оқу →

ЖҰРТҚА ҰНАЙТЫН ЖӘРМЕҢКЕ

ЭКСПО көрмесі аясында елордада еліміздің әр облысынан келген ауыл шаруа­шылық жәрмеңкесі кезек-кезегімен өтіп жатыр. Өткен демалыс күндері астаналықтар мен қала қонақтары Атырау, Жамбыл, Павлодар мен Шығыс Қазақстан облысынан келген өнімдерді сатып алды. «Қазақстан» спорт кешені маңында өткен жәрмеңкеде отандық тауар өндірушілер 1000 тонна өнім ұсынды. Оның ішінде, ет – 120 тонна, сүт өнімдері – 64, макарон өнімдері – 21, дәнді-дақылдар – 53, бал – 52, картоп – 13, көкөністер – 107 және балық 53 тонна. Азық-түліктің құны нарық бағасынан 10-15 пайызға төмен болды. Сондықтан да бұл жәрмеңкелер жұртқа жағып тұр ... Толығырақ оқу →

АСТАНА ӘКІМІ ИНВЕСТОРЛАРМЕН КЕЗДЕСТІ

«ЭКСПО-2017» халықаралық мамандандырылған көрмесінің «KAZAKH INVEST» павильонында Астана қаласының әкімі Әсет Исекешев «KAZAKH INVEST» ҰК» АҚ басқарма төрағасы Мақсат Қабашевпен кездесті. Оған отандық кәсіпкерлер мен шетелдік инвесторлар қатысты. Кездесуде елорда басшысы Әсет Исекешев бас шаһардың жаһанда ең жылдам дамып келе жатқан қала екендігін жеткізіп, 19 жыл ішінде негізгі капиталға құйылған инвестиция 40-тан астам есе өсіп, жалпы өнім 7 трлн теңгеден асқанын айтты. «Бүгінде әлемде инвестиция тартуға бәсекелестік күшті. Сондықтан онда оңтайлы жағдай жасаған тарап жеңеді. Біз елімізде жүргізіліп жатқан технологиялық жаңғыртуды есепке алып, 2020 жылға дейін қаланы дамыту бағдарламасына түзету ... Толығырақ оқу →

ЕЛОРДАНЫ КІМ ТАЗАЛАЙДЫ?

«Сырт көз – сыншы» дегендей, кез келген бейтаныс елдімекенге немесе қалаға жолыңыз түсіп ат ізін салсаңыз, алдымен сол жердің тазалығына назар саларыңыз сөзсіз. Демек, қала немесе елдімекендер мен оны мекен етушілердің бет беделі белгілі бір мөлшерде тазалық саласы мамандарының жұмысына да байланысты болмақ. Санитарлық  саладағы кәсіпорын Астанаға кімдер келіп, кімдер кетпейді қазір. Алты құрлықтың түкпір-түкпірінен түрлі мақсатта сан мыңдаған жолаушы әр сәт алып-ұшып жетеді мұнда. Астанада тазалық саласының мамандары да елорданың есіміне сызат түсірмес үшін тынбай еңбек етеді. Осы тұрғыда қала көшелерінің тазалығын сақтау бағытында ауқымды жұмыс атқаратын ұйым «Астана ... Толығырақ оқу →

ТАЛАНТТАР ТОП ЖАРДЫ

Астанадағы «Қазақстан» орталық концерт залында П.И.Чайковский атындағы Х халықаралық жасөспірімдер байқауының жеңімпаздары мен жүлдегерлері марапатталды. Биыл да жас музыканттар арасында дәстүрлі байқау өз деңгейінде дүбірлеп өтті. Оған 17 жасқа дейінгі әлемнің 20 мемлекетінен келген 120-дан астам талантты өнерпаздар қатысты. Олардың бәрі де өз елдерінде бәйгеге түсіп, суырылып алға шықан өрен жүйріктер. Классикалық музыканы сүйетін әрбір адам үшін ұлы композитор Чайковскийдің орны бөлек. Ол өз ғұмырында 10 опера, 3 балет, 6 симфония, 20-ға жуық оркестрге арналған шығарма, 100-ден астам фортепианоға лайықталған пьеса көптеген романстар мен әндер жазған. Шара барысында П.И.Чайковский атындағы ... Толығырақ оқу →

ИТТЕРГЕ БАСПАНА САЛУ ҚАУІПТІ СЕЙІЛТЕДІ

Астана қаласы әкімдігі иесіз иттер мен мысықтарға арналған баспана салу туралы бастама көтерген болатын. Алайда әлеуметтік желідегі жұрт «Иттерге емес, әуелі адамдарға баспана салу керек еді» деп бұл бастаманы сынап жатыр. Бір қарағанда, азаматтардың бұл уәжі орынды көрінгенімен, қаңғыбас иттерге арналған орталық ашу үлкен шаһарға қажет-ақ. «Астана ветсервис» коммуналдық мемлекеттік кәсіпорнының мәліметі бойынша өткен жылы 1234 адамды ит қауып алған. Сондай-ақ, осы жылдың алғашқы екі айында елордада 85 адамды ит тістегені туралы дерек тіркелген. Осындай оқиғалардың жиі орын алуына байланысты әкімдік иттерге арналған арнайы орын әзірлеп отыр. «Астана ветсервис» директоры ... Толығырақ оқу →