-->

ЭКСПО-2017

2020 ЖЫЛҒА ҚАРАЙ – 1 МЛН ШЕТЕЛДІК ТУРИСТ

«ЭКСПО-2017» халықаралық мамандандырылған көрмесі отандық туризмнің тартымдылығын арттыруға үлкен сеп болды. Бұл туралы Астана қаласы Инвестициялар және даму басқармасының басшысы Әлішер Әбдіқадыров баспасөз мәжілісінде мәлімдеді. – «ЭКСПО» көрмесін өткізуіміздің арқасында қызмет көрсету саласы мен қаладағы инфрақұрылым жаңа деңгейге көтеріліп, туристік сектор жандана түсті. Ресми деректерге сәйкес, 10 маусымнан 10 қыркүйекке дейін елордаға 1,5 млн адам келген. Оның 600 мыңға жуығы халықаралық қатынас ретінде тіркелген. Содан болар, қонақүйлерге келушілердің саны үш есеге артқан. Ал қонақүй мен қоғамдық тамақтану орындарынан түскен салық мөлшері биылғы жылдың тамыз айында 170 миллион теңгеден асқан, – ... Толығырақ оқу →

РУХЫМЫЗДЫ КӨТЕРГЕН КӨРМЕ

93 күн бойы жалауы желбіреген «ЭКСПО-2017» халықаралық мамандандырылған көрме өз жұмысын аяқтап, тарих қойнауына кетті. Ел ордасы – Астанада өткізілген әлемдік деңгейдегі шараның жабылу салтанаты ЭКСПО қалашығындағы Конгресс орталықта өтті. Салтанатты шарада Қазақстан Президенті Нұрсұлтан Назарбаев көрмені қорытындылап, оны жабық деп жариялады. Айта кетейік, 4 миллион адам тамашалаған көрме аясында 115 мемлекет пен 22 халықаралық ұйым «Болашақ энергиясы» тақырыбында жаһан жетістіктерін таныстырды. Мемлекет басшысы Нұрсұлтан Назарбаев «ЭКСПО-2017» халықаралық мамандандырылған көрмесін қорытындылады. – Астанадағы «ЭКСПО-2017» көрмесінің жоғары деңгейде әрі табысты өткенін зор мақтанышпен айтқым келеді. Бұл тә­уелсіз Қазақстанның абыройын асқақтатқан айрықша ... Толығырақ оқу →

ҮЗДІК 5 ПАВИЛЬОН

Жаз бойы ел-елді елордаға жинаған «ЭКСПО-2017» халықаралық мамандандырылған көрмесі соңына таяды. Көрмеге арнайы бой көтерген еліміздің «Нұр Әлем» ұлттық павильонын айнала қоршалай орналасқан халықаралық павильондар «Болашақ энергиясы» тақырыбын ашуға тырысты. Осыған орай, «Астана ақшамы» газеті ең көрнекті үздік халықаралық бес павильонның тізімін ұсынады. Әрине, елордадағы «ЭКСПО-2017» көрмесіне таңдалынған тақырып салмақты, қозғаған мәселесі өзекті. Алайда, бұл – көрме тек үлкендерге қызықты деген сөз емес. Қалашықта балалар да велосипед теуіп, асыр салып ойнай алатын алаң бар. Бұл сипаттаманы Австрия павильонына қарата айтуға болады. Павильонның қақ ортасында орналасқан алып қуат машинасын іске қосу ... Толығырақ оқу →

КОНФУЦИЙ ОТАНЫ – КӨРМЕДЕ

ЭКСПО көрмесіндегі Қытай павильонында Шаньдун провинциясының апталығы басталды. Салтанатты шараны Жалпықытай халық өкілдері құрылтайы Шаньдун провинциясының Тұрақты комитеті төрағасының орынбасары Ся Гэн ашты. Қытайдың шығыс бөлігінде орналасқан аймақта елдің табиғи энергия ресурстары шоғыр­ланған. Қытайдың Шэнли деп аталатын басты мұнай кен орны да сол жерде.Шаньдун апталығының тақырыбы Қытай павильонының тақырыбымен үндес: «Болашақ энергиясының қайнар көзі – Жасыл Жібек жолы». Осы күндері Қытай павильоны үш тақырыптық экспозицияға бөлінеді. Олар қонақжай Шаньдун, үйлесімді Шаньдун және парасатты Шаньдун деп аталады. – Шаньдун провинциясы Шанхай мен Пекин сияқты еліміздің ең маңызды қалаларының қақ ортасында орналасқан. ... Толығырақ оқу →

ФИННІҢ «ЖАСЫЛ» ИННОВАЦИЯСЫ

Финляндия агротехника саласындағы инновацияларымен бөлісті. Финнің бірқатар компаниялары жергілікті ауыл шаруашылық кәсіпорындардың өкілдерімен кездесіп, өз тәжірибесімен бөлісті. Кездесуге Финляндияның Тұрғын үй, энергетика және қоршаған орта жөніндегі министрі Киммо Тиилайкай қатысты. «Екі ел арасындағы экономикалық қатынастар жоғары қарқынмен дамып келеді. Бұл серіктестік ауыл шаруашылық саласында да кеңеюі мүмкін» деді ол. Фин елінде қолданылатын агротехнологиялар өнімділікті арттыратын әдіс ретінде халықаралық дәрежеде кеңінен танымал. Қазақстан мен Финляндияның климаты ұқсас болғандықтан, елімізде ауыл шаруашылығының жаңа технологияларын енгізуге мүмкіндік бар. Фин өнеркәсібі Қазақстандағы ауыл шаруашылық дақылдарын жинау мен өңдеу, мал шаруашылығы сияқты салаларда жоғары сапалы ... Толығырақ оқу →

14 МЕМОРАНДУМҒА ҚОЛ ҚОЙЫЛДЫ

Малайзия павильоны EXPO көрмесіндегі атқарылған жұмыстың нәтижелерін бизнес-форумда қорытындылады. Оған елдің Энергетика, жасыл технологиялар және су ресурстары министрі Максимус Онгкили қатысты. Малайзия осы уақыт аралығында қазақстандық компаниялармен 14 меморандумға қой қойды. Келіссөздердің әлеуетті экономикалық пайдасы 1,173 млрд доллар көлемінде бағаланады. ЭКСПО көрмесі аясында қол қойылған меморандумдарды іске асыру үшін Қазақстанмен одан әрі қарым-қатынастар жалғасады. Министрдің айтуынша, ел исламдық қаржыландыру негізіне сүйене отырып, «жасыл» энергетиканы қаржыландыруға жаңа шешім табуға ұмтылады. Малайзия 2050 жылға қарай баламалы энергия көздерінен өндірілген энергияны 50 пайызға арттыру үшін қазақстандық әріптестермен жұмыс жасауға ниетті. Сондықтан ел үкіметі ... Толығырақ оқу →

ПОЛЬША «EXPO-2022» КӨРМЕСІН ӨТКІЗУГЕ ҮМІТКЕР

Польша Президенті Анджей Дуда ЭКСПО көрмесі аясында өткізілген Польшаның ұлттық күніне қатысты. Арнайы ресми сапармен келген жоғары мәртебелі қонақ әлем елдерінің өркендеуі үшін жаңғырмалы энергия көздерінің дамуы аса маңыз­ды екендігін айтты. Оның айтуынша, экономика, сауда, өнеркәсіп және басқа салалардың қызметі энергетиканың дамуына тікелей тәуелді. – Бүгінде баламалы энергия көздері арқылы энергетикалық тәуелсіздікті қамтамасыз етуге болады. «ЭКСПО-2017» көрмесіне қатысқан Польшаның жергілікті билігі, ғалымдары мен сарапшылары болашақта қолданатын құнды тәжірибе жинақтағанына сенімдімін. Қазақстан Үкіметі мен барша халқын елордадағы көрмені сәтті өткізуімен шын жүректен құттықтаймын. Көрме Орталық Азия аумағында алғаш рет өткізілуде. Бұл ... Толығырақ оқу →

ЭКСПОНЫҢ ӨТУІ ҚАЛА ҚАЗЫНАСЫНА ӨЗ ҮЛЕСІН ҚОСТЫ

Мемлекет басшысы Нұрсұлтан Назарбаевтың қатысуымен Бурабайда еліміздегі даму бағдарламаларының іске асырылуы және өңірлердің әлеуметтік-экономикалық даму мәселелері жөнінде кеңес өткені белгілі. Келелі кеңесте Елбасы елордадағы көлік жүктемесінің мәселелеріне, балабақша мен мектептерде орындардың жетіспеушілігіне назар аударған болатын. Осы мәселелерді шешу мақсатында елордада Астана қаласының 2017 жылға арналған бюджетін нақтылау мәселесі бойынша кезектен тыс мәслихат сессиясы өтті. Сессиядан кейін Экономика және бюджеттік жоспарлау басқармасының басшысы Ерғали Егембердімен аз-кем әңгімелесіп, салада атқарылатын жұмыстардың жай-жапсарын білген едік. Басқарма басшысының айтуынша, жыл басынан бюджетке түскен түсім өткен жылмен салыстырғанда 10,7 пайызға ұлғайып 158,1 млрд. теңгені құрды. ... Толығырақ оқу →

РЕСЕЙДІҢ ҰЛТТЫҚ КҮНІ ӨТЕДІ

ЭКСПО қалашығында соңғы болып Ресей Федерациясы өзінің Ұлттық күнін атап өтеді. Мереке аясында қалада және көрме аумағында түрлі мәдени және ресми шаралар ұйымдастырылмақ. 8 қыркүйек күні Бейбітшілік және келісім сара­йында Ресей XI Еуразиялық Kazenergy форумына қатысып, «жасыл» энергетиканың тиімді тұстарын талдамақ. Сондай-ақ, сессия аясында атом саласындағы жаңа технология­ларды таныстырады. Сол күні ЭКСПО қалашығындағы Ұлттық күн сахнасында «Бурановские бабушки», «Россия» және «Сибирская забава» ұлттық ансамбльдері ән шыр­қап, «Алтай» тобы биден шашу шашады. Толығырақ оқу →

КӨРМЕНІҢ СОҢҒЫ КӨРСЕТІЛІМДЕРІ

Жексенбі, 10 қыркүйек, күні ЭКСПО қалашығында 93 күн жалауы желбіреген «ЭКСПО-2017» халықаралық мамандандырылған көрмесінің жабылу салтанаты өтеді. Іс-шараның ресми бөлімі Конгресс орталықта, ал тікелей көрсетілім ­амфитеатр сахнасынан сағат 20-20.50 аралығында жүргізіледі.Көрменің соңғы күні келушілер таңғы 9.30-дан кешкі 8-ге дейін павильондарды тамашалай алады. Ал сағат 19.00-22.00 аралығында көрменің барлық кіреберістері жабылады. Оңтүстік және батыс кіреберістер сағат 22.00-ден бастап қайта ашылып, түнгі 1.00-ге дейін көрме қонақтарын қабылдайды. Павильондар атриумы 22.00-де ашылып, 02.30-ға дейін жұмыс істейді. Осы уақыт аралығында халықаралық павильондар өздерінің концерттік бағдарламаларын ұсынады. Көрме кешені аумағындағы мейрамханалар мен тамақтану орталықтарының жұмысы ... Толығырақ оқу →