«Astana aqşamı»
El jüregi – elorda şejiresi

Buqaranı birlikke bastağan sport küni

0 71

Tamızdıñ üşinşi jeksenbisinde elimiz boyınşa sport küni toylanadı. Aytwlı kün bul jolı Rïo Olïmpïadasınıñ jabılwımen qatar keldi. Törtkül dünïeniñ aldında top jarğan otandas­tarımızdıñ jeñisimen jigerlengen jurt sport künin tamaşa köñil-küymen atap ötti.

013

Äsirese, elordada uyımdastırılğan şaralar buqarağa erekşe bet burğızdı.
Astanada sport künin merekelew 12 tamızdan bastalıp ketti. Elordalıq­tardıñ birigip, şınığwına bastağan bas-ayağı 21 is-şara uyımdastırıldı. Bul köñildi jarıstarğa barlığı 3 mıñğa jwıq halıq qatıstı.
– Dästürli türde uyımdastırılatın sporttıq jarıstarğa qatıswşılardıñ qatarı jıl sayın artıp keledi. Bïıl Astananıñ tükpir-tükpirinde fwtbol, voleybol, tennïs, velojarıs, qazaq küresi, kir tasın köterw, asıq atw, şahmat, toğız­qumalaq sekildi sporttıñ 19 türi­nen köptegen sayıs­tar ötti. Sport küni qarsañında birneşe sport keşen­derinde qala turğındarı tegin jattığw mümkin­digine ïe boldı. Osınday şaralar­dıñ arqasında salawattı ömir saltın ustana­tın astanalıqtar sanı arta tüsedi, – deydi qalalıq Buqaralıq sport is-şaraların ötkizw dïrekcïyasınıñ basşısı Azamat Hamzïn.

014
Şahar jurtı sport küni sayabaqtar men awlalarğa qosa, sw betinde de sınğa tüsti. Demalıs küni Esildiñ aydınına 110 adam baydarka men kanoe eswge şıqtı. Bul elordada sw sportına da köp köñil bölinip otırğandığın añğartadı.
Sonday-aq, «Qazaqstan» sport keşe­ninde dzyudoşılar özara sayısqa tüsip, köpşilikke şeberlikterin körsetti.

Orınbek  ÖTEMURAT

Pikir jazw

Poçtañız jarïyalanbaydı