«استانا اقشامى»
ەل جۇرەگى – ەلوردا شەجىرەسى

بۇقارانى بىرلىككە باستاعان سپورت كۇنى

0 71

تامىزدىڭ ءۇشىنشى جەكسەنبىسىندە ەلىمىز بويىنشا سپورت كۇنى تويلانادى. ايتۋلى كۇن بۇل جولى ريو وليمپياداسىنىڭ جابىلۋىمەن قاتار كەلدى. تورتكۇل دۇنيەنىڭ الدىندا توپ جارعان وتانداس­تارىمىزدىڭ جەڭىسىمەن جىگەرلەنگەن جۇرت سپورت كۇنىن تاماشا كوڭىل-كۇيمەن اتاپ ءوتتى.

013

اسىرەسە، ەلوردادا ۇيىمداستىرىلعان شارالار بۇقاراعا ەرەكشە بەت بۇرعىزدى.
استانادا سپورت كۇنىن مەرەكەلەۋ 12 تامىزدان باستالىپ كەتتى. ەلوردالىق­تاردىڭ بىرىگىپ، شىنىعۋىنا باستاعان باس-اياعى 21 ءىس-شارا ۇيىمداستىرىلدى. بۇل كوڭىلدى جارىستارعا بارلىعى 3 مىڭعا جۋىق حالىق قاتىستى.
– ءداستۇرلى تۇردە ۇيىمداستىرىلاتىن سپورتتىق جارىستارعا قاتىسۋشىلاردىڭ قاتارى جىل سايىن ارتىپ كەلەدى. بيىل استانانىڭ تۇكپىر-تۇكپىرىندە فۋتبول، ۆولەيبول، تەننيس، ۆەلوجارىس، قازاق كۇرەسى، كىر تاسىن كوتەرۋ، اسىق اتۋ، شاحمات، توعىز­قۇمالاق سەكىلدى سپورتتىڭ 19 ءتۇرى­نەن كوپتەگەن سايىس­تار ءوتتى. سپورت كۇنى قارساڭىندا بىرنەشە سپورت كەشەن­دەرىندە قالا تۇرعىندارى تەگىن جاتتىعۋ مۇمكىن­دىگىنە يە بولدى. وسىنداي شارالار­دىڭ ارقاسىندا سالاۋاتتى ءومىر سالتىن ۇستانا­تىن استانالىقتار سانى ارتا تۇسەدى، – دەيدى قالالىق بۇقارالىق سپورت ءىس-شارالارىن وتكىزۋ ديرەكتسياسىنىڭ باسشىسى ازامات حامزين.

014
شاھار جۇرتى سپورت كۇنى ساياباقتار مەن اۋلالارعا قوسا، سۋ بەتىندە دە سىنعا ءتۇستى. دەمالىس كۇنى ەسىلدىڭ ايدىنىنا 110 ادام بايداركا مەن كانوە ەسۋگە شىقتى. بۇل ەلوردادا سۋ سپورتىنا دا كوپ كوڭىل ءبولىنىپ وتىرعاندىعىن اڭعارتادى.
سونداي-اق، «قازاقستان» سپورت كەشە­نىندە دزيۋدوشىلار ءوزارا سايىسقا ءتۇسىپ، كوپشىلىككە شەبەرلىكتەرىن كورسەتتى.

ورىنبەك  وتەمۇرات

پىكىر جازۋ

پوچتاڭىز جاريالانبايدى