«Астана ақшамы»
Ел жүрегі – елорда шежіресі

Бұқараны бірлікке бастаған спорт күні

0 66

Тамыздың үшінші жексенбісінде еліміз бойынша спорт күні тойланады. Айтулы күн бұл жолы Рио Олимпиадасының жабылуымен қатар келді. Төрткүл дүниенің алдында топ жарған отандас­тарымыздың жеңісімен жігерленген жұрт спорт күнін тамаша көңіл-күймен атап өтті.

013

Әсіресе, елордада ұйымдастырылған шаралар бұқараға ерекше бет бұрғызды.
Астанада спорт күнін мерекелеу 12 тамыздан басталып кетті. Елордалық­тардың бірігіп, шынығуына бастаған бас-аяғы 21 іс-шара ұйымдастырылды. Бұл көңілді жарыстарға барлығы 3 мыңға жуық халық қатысты.
– Дәстүрлі түрде ұйымдастырылатын спорттық жарыстарға қатысушылардың қатары жыл сайын артып келеді. Биыл Астананың түкпір-түкпірінде футбол, волейбол, теннис, веложарыс, қазақ күресі, кір тасын көтеру, асық ату, шахмат, тоғыз­құмалақ секілді спорттың 19 түрі­нен көптеген сайыс­тар өтті. Спорт күні қарсаңында бірнеше спорт кешен­дерінде қала тұрғындары тегін жаттығу мүмкін­дігіне ие болды. Осындай шаралар­дың арқасында салауатты өмір салтын ұстана­тын астаналықтар саны арта түседі, – дейді қалалық Бұқаралық спорт іс-шараларын өткізу дирекциясының басшысы Азамат Хамзин.

014
Шаһар жұрты спорт күні саябақтар мен аулаларға қоса, су бетінде де сынға түсті. Демалыс күні Есілдің айдынына 110 адам байдарка мен каноэ есуге шықты. Бұл елордада су спортына да көп көңіл бөлініп отырғандығын аңғартады.
Сондай-ақ, «Қазақстан» спорт кеше­нінде дзюдошылар өзара сайысқа түсіп, көпшілікке шеберліктерін көрсетті.

Орынбек  ӨТЕМҰРАТ

Пікір жазу

Почтаңыз жарияланбайды