«استانا اقشامى»
ەل جۇرەگى – ەلوردا شەجىرەسى

ءبىر پاتەر ەكى مارتە ساتىلعان

قالا اكىمى التاي كولگىنوۆ «انيسا-1»پروبلەمالى دەپ تانىلعان نىساننىڭ ۇلەسكەرلەرىمەن كەزدەستى. تۇرعىندار 2015 جىلدان بەرى ءوز پاتەرلەرىندە تۇرادى، الايدا ءالى كۇنگە دەيىن ءۇي قۇجاتتارىن الا الماي ءجۇر.

0 19

«بىزدە 157 ۇلەسكەر بار. بەس جىل بويى وسى ۇيدە تۇرامىز. ءۇي پايدالانۋعا بەرىلمەگەندىكتەن، ءبىز ۇيگە تىركەلە المايمىز. دەمەك، اۋداندىق ەمحاناعا بارىپ، قارالا المايمىز. ءۇيدىڭ جوبالىق-سمەتالىق قۇجاتتاماسى جاسالعان، ەندى مەملەكەتتىك ساراپتامادان ءوتۋ كەرەك. بىزدە قوسارلانعان ساتۋدىڭ 26 فاكتىسى بار. ياعني، ءبىر پاتەر ەكى رەت ساتىلعان.تۇرعىن ءۇي كەشەنىنىڭ رەنتابەلدىلىگى ءۇشىن، قاتار عيماراتتىڭ جاڭا بلوكتارىن سالۋعا ۋچاسكەلەر بولىنگەن. تۇرعىن ۇيدە ەلەكتر قۋاتى، سۋىق سۋ بار. جىلۋ اۆتونومدى» دەيدى تۇرعىن ءۇي كەشەنىنىڭ تۇرعىندارى.
ۇلەسكەرلەردىڭ ايتۋىنشا، ولاردى قازىر ەكى نەگىزگى پروبلەما تولعاندىرىپ وتىر. ءبىرىنشىسى – ءۇيدى تولىق پايدالانۋعا بەرۋ، ەكىنشىسى – ورتالىق جىلۋ جۇيەسىنە قوسۋ. جاڭا جوبا بويىنشا ءۇيدىڭ بىرنەشە بلوكتارى، جالپى سانى 460 پاتەر بولادى. قازىر ءبىرىنشى بلوكتىڭ قۇرىلىسى كەزىندە جىبەرىلگەن اقاۋلاردى جويۋ جۇمىستارى جۇرگىزىلۋدە.
قالا اكىمى التاي كولگىنوۆ ءتيىستى قىزمەتتەرگە تۇرعىن ءۇي كەشەنىنىڭ قۇجاتتارىن رەتتەۋ كەرەكتىگىن تاپسىردى. جۇمىس ءاربىر پروبلەمالىق نىسان ساناتى بويىنشا جۇرگىزىلەدى. ەلوردادا مۇنداي نىسانداردىڭ سانى – 51. ولاردىڭ 12-ىندە تۇرعىندار تۇرىپ جاتىر.

پىكىر جازۋ

پوچتاڭىز جاريالانبايدى