БАҚЫТТЫ БЕЙНЕ, КҮМІС КҮЛКІ

Астанада «Smile Astana» жобасын жүзеге асыру аясында ең үздік фотосурет немесе эскиз-идеялардың «Бақытты бейне, күміс күлкі» ашық байқауы жарияланды. Мейірімді, ақжарқын, көңілдері көтеріңкі, жүзі жылы, сыпайы адамдардың бейнесін қалыптастыру және қайырымдылық шараларын ұйымдастыруға бағытталған байқау 30 мамырға дейін жалғасады.

img_7881

Байқау әкімшісі – Астана қаласының Ішкі саясат басқармасы. Ұйымдастырушылар бұл жоба арқылы Астана тұрғындары мен қонақтарының мәдениетін дамыту, «ЭКСПО-2017» мамандандырылған халықаралық көрмесі қарсаңында жаңа мәдени тренд қалыптастыруды көздейтіндерін айтады. Бір кезеңнен тұратын байқау интернет-ресурстар мен әлеуметтік желілерде өткізіледі.
Фотосуретте немесе эскиз-идея­ларда мейірімді, ақжарқын, жүзі жылы, сыпайы адамдар бейнесін көрсету керек және фотосурет міндетті түрде Астанада түсірілуі қажет. Ал эскиз-идеяда елорда көрінісі, басты ғимараттар көрсетілуі тиіс.
Фотосурет немесе эскиз-­идея #ақжарқынастана немесе #smileastana хэштегтерімен әлеу­меттік желіге қойылуы шарт. Бұған қоса Астана тұрғындары мен қонақтарын жоғары мәдениет қалыптастыруды қолдауға шақыратын өзекті немесе авторлық цитаталар жазуға болады. Алайда мұны орындау міндет емес.
Жеңімпаздың эскиз-идеясы немесе фотосуреті Астанадағы жарнамаларда, LED-экрандарда, қалалық әкімдіктің ресми сайтында және әлеуметтік желілерде орналастырылады. Сонымен қатар мерекелік шараларды безендіру және өткізу барысында брендбуктарда қолданылады.

Аманғали ҚАЛЖАНОВ

Сонымен қатар

ҚАЗАҚ МУЗЫКАНТЫНЫҢ МЕРЕЙІ

Италиядағы Палермо Политеама театрында Сицилия филармониялық оркестрінің 59-ыншы концерттік маусымының ашылуында Қазақстанның Еңбек Ері, әлем …

Пікір қалдыру

Э-пошта мекенжайыңыз жарияланбайды. Міндетті өрістер * таңбаланған