«Astana aqşamı»
El jüregi – elorda şejiresi

Awla qaşan abattandırıladı?

0 40

S.Seyfwllïn köşesindegi №10 üydiñ awlası Sarıarqa awdanınıñ bïılğı abattandırw josparına kirmey qalğan. Sol sebepten bul üydiñ turğındarı osı mäseleni jedeldetw üşin jaqında qalalıq mäslïhatqa ötinişpen şıqtı. Olar sonıñ işinde awlağa jaña oyın alañı kerek dep otır. Turğındarmen kezdeswge mäslïhat hatşısı Janat Nurpeyisov jäne Sarıarqa awdanı äkiminiñ orınbasarı Erjan Jäkwbaev barıp, jağdaymen tanıstı.

Bul qalalıq mäslï­hatqa atalmış meken­jay­dan tüsken alğaşqı ötiniş emes ekenin ayta keteyik. Osıdan jartı jıl burın osı üydiñ bir päter ïesi üy turğındarı şatırdı jöndew jumıs­tarına qatıswdan bas tartqandıqtan soñğı qabattağı päter ïeleri zardap şegip jatqanın jetkizip, şağımdandı. Jağdaydı anıqtaw barısında basqa da tüytkildi mäseleler şıqtı. PÏK jäne Sarıarqa awdanı äkimdiginiñ ökilderi birige otırıp mäseleni şeşemiz dep wäde berdi. Artınşa turğındarğa «Turğın üy-kommwnaldıq şarwa­şılıqtı jañğırtw»
bağ­darlamasına qatıswğa usınıs jasaldı. Alayda turğındar odan bas tartıp, şatırdı özderi jöndewge kirisetinderin ayttı.
Bul jolğı mäsele bo­yınşa üy turğını Ahed'yar Mırzaqulov bıltır awdan äkimdigi üy awlasın abattandırwdı osı jıldıñ josparına engizwge söz bergenin jetkizdi. Awdan äkiminiñ orınbasarı Erjan Jäkwbaev awdandıq byudjet buğan mümkindik bermegenin ayta kele, aldağı jılı abattandırılatın awlalardıñ tizimi jasalğanda mindetti türde sol tizimge bul awlanı birinşi qosatının atap ötti.
Kezdeswde tağı birneşe mäsele anıqtaldı. Köptegen kölikter qaladağı keptelisti aynalıp ötw üşin osı üydiñ awlası işimen jüretin bolğan. Bul jağ­day halıqtıñ ömirine qawip twdırıp otır. Osığan baylanıs­tı päter ïeleri awlağa şlagbawm ornatwdı jäne turğındardıñ avtokölikterine arnap şağın avto­turaq uyım­das­tırwdı ötindi.
«Birinşi pod'ezdiñ aldı köktem jäne küz ay­­larında köl bolıp jatadı. Üyimizdiñ janı­nan bïik üy salğanda deñgey eskerilmegen. Sonıñ saldarınan bizdiñ üy tö­­mende qalıp, jañbır jäne qar swları bizge qaray ağıp, jertöleni sw baswda. Üy bolsa aqırındap dım tartıp buzılwda» dep qın­jıla aytqan A.Mırza­qulov tağı bir mäseleniñ şetin şığardı.
Mäslïhat hatşısı Ja­nat Nurpeyisov awdan äkiminiñ orınbasarına turğındardıñ şağımdarın eskerip, awlanı abattandırw jumısı kezinde jïnalğan swdı arnayı sw ağızw jüyesi arqılı ağızıp jiberwdi oylas­tırwdı tapsırdı. Al şlagbawm ornatw mäselesi bo­yınşa polïcïyağa jüginip, arnayı ruqsat qağazın alw kerektigin ayttı.
Biraq şlagbawmdı tur­ğındar özderi ornatw qa­­­jettigin, bul kedergi qon­­dırğısı jaña tärtip bo­­yınşa elektrondı türde köterilip, tüsip tu­rw kerektigin nemese bul qız­metti atqaratın ki­si jaldaw qajettigin es­kertti.

Pikir jazw

Poçtañız jarïyalanbaydı