«Astana aqşamı»
El jüregi – elorda şejiresi

Atawlı älewmettik kömek

Jaña ereje boyınşa beriledi

0 125

1 säwirden bastap atawlı älewmettik kömek körsetw mölşeri eñ tömengi künköris deñgeyiniñ 50-den 70 payızğa deyin östi. Bul twralı Jumıspen qamtw ortalığında ğana emes, awdan äkimdikterinde de keñes alwğa boladı.

Atawlı älewmettik kömek (AÄK) – bul älewmettik jağınan az qamtılğan, künköris deñgeyi tömen jäne köpbalalı otbasılarğa beriletin qarjılay tölem. Elorda äkimdiginde aytılğanday, 1 säwirden bastap atawlı älewmettik kömek körsetw tärtibi jeñildetildi. Ol üşin tek AÄK alw jöninde ötiniş jazıp, jeke kwälik (är otbası müşesiniñ) tapsırsañız bolğanı.
AÄK jöninde keñes alw üşin Jumıspen qamtw ortalığı men awdandıq äkimdikterge barw qajet.
Jumıspen qamtw ortalığınıñ mekenjayı:
Beybitşilik köşesi, 25, «Örken» iskerlik ortalığı.
Almatı awdandıq äkimdigi:
Täwelsizdik dañğılı, 7.
Bayqoñır awdandıq äkimdigi:
Brwsïlovskïy köşesi, 17/3.
Esil awdandıq äkimdigi:
Qabanbay batır dañğılı, 33.
Sarıarqa awdandıq äkimdigi:
Sarıarqa dañğılı, 13.
Sonımen qatar Jumıspen qamtw ortalığınıñ qızmetkerleri qosımşa tömendegi mekenjaylarda ornalasqan HQO-da da qızmet körsetedi:
Esil awdanı – № 1 bölim, Mäñgilik El dañğılı, 30; ­ №2 bölimi Sawran köşesi, 7;
Almatı awdanı – №3 bölim, Dostıq köşesi, 13; № 4 bölim, Täwelsizdik dañğılı, 32;
Bayqoñır awdanı – № 5 bölimi, Abay dañğılı, 80;
Sarıarqa awdanı – №6 bölim, Seyfwllïn köşesi, 22-üy; № 7 bölim, S409 köşesi, 13; № 8 bölim, Respwblïka dañğılı, 43.
Sonday-aq atawlı älewmettik kömekpen qamtılatın älewmet üşin «Jedel jelisi» de aşıldı. Onımen qosa Smart Astana mobïl'di qosımşası arqılı da jan-jaqtı aqparat alwğa mümkindik bar.
«111 birıñğay baylanıs ortalığına telefonmen de, Smart Astana mobïl'di qosımşası arqılı da habarlaswğa boladı. Operatorlar atawlı älewmettik kömek tağayındaw üşin qanday qujat qajet ekenin, AÄK-tiñ jaña formatına ötiniş qabıldaw qaşan bastalatının egjey-tegjeyli tüsindiredi» dep habarladı «Astana Innovations» kompanïyasınıñ baspasöz qızmeti.

ATAWLI ÄLEWMETTİK KÖMEKTİ QALAY ALWĞA BOLADI?

Atawlı älewmettik kömek turğısındağı jurtşılıq tarapınan köp qoyılatın suraqtarğa Eñbek jäne älewmettik qorğaw mïnïstrliginiñ baspasöz hatşısı Qanat Qulışmanov jawap berdi.

    1. Atawlı älewmettik kömektiñ jañartılğan ülgisi boyınşa ötiniş qabıldaw qaşan bastaladı? Qayda jüginw kerek?  

 – Atawlı älewmettik kömektiñ jaña formatı boyınşa ötiniş qabıldaw bïılğı 1 säwirde bastaldı. Ol üşin Jumıspen qamtw ortalığı men awdandıq äkimderge barw kerek.

2Qanday qujattar qajet? 

 – Ötiniş pen jeke kwälik jetkilikti. 

3. AÄK alw üşin turıp jatqan mekenjayğa tirkelw kerek pe?

 – Ïä, AÄK tağayındaw üşin mindetti türde turğılıqtı mekenjay boyınşa nemese waqıtşa tirkewde turw qajet. 

4. Järdemaqı alw üşin bir şañıraq astında turıp jatqan twıstardıñ da kirisiniñ esepteletini ras pa? Bul norma aldağı waqıtta äli de qarala ma?

– Otbası müşesi retinde tek jaqın twıstar ğana esepteledi: ata-anası, balaları, bala asırap alwşılar, asırandı bala, üy ïesiniñ twğan jäne twısqan ağa-bawır, äpke-qarındası, atası, äjesi, nemeresi.

5. Järdemaqı alw üşin otbasındağı är adamnıñ tabısı qanşa bolwı şart?

– Eger januyadağı bir adamnıñ aylıq tabısı 21572 teñgeden aspasa, onda ol otbasığa atawlı älewmettik kömek tölenwi tïis. Jalpı, kämelettik jasqa tolmağan balağa 21572 teñgeden şığadı. Al eresekterge AÄK krïterïyiniñ mölşerine jäne ortaşa kündik kiris ayırmaşılığına qaray tölenedi.

6. 1 säwirden bastap otbasınıñ jalpı tabısın eseptegen kezde qanday kirister alınıp tastaladı? 

  – Otbasınıñ jalpı tabısın eseptep, AÄK tağayındağan kezde mına kiris­ter eseptelmeydi:
1) 4 nemese odan da köp balaları bar köpbalalı otbasılarğa beriletin arnayı memlekettik järdemaqı;
2) «Altın alqa» jäne «Kümis alqa» ïegerlerine beriletin järdemaqı;
3) balanıñ mügedektigine beriletin järdemaqı;
4) stwdentterdiñ şäkirtaqısı;
5) jergilikti atqarwşı organdar jüzege asıratın birjolğı tölemder. 

7. Neşe jastağı balalar AÄK ala aladı? 

– AÄK alwşılarğa arnalğan jaña mehanïzm boyınşa 21572 teñge bolatın atawlı älewmettik kömek 18 jasqa deyingi balalarğa beriledi. Eger kämeletke tolğan balalar kolledj nemese wnïversïtette kündizgi bölimde bilim alıp jürse, AÄK olardıñ oqwın ayaqtağanşa, yağnï 23 jasqa deyin tölenedi. 

Pikir jazw

Poçtañız jarïyalanbaydı