«استانا اقشامى»
ەل جۇرەگى – ەلوردا شەجىرەسى

اتاۋلى الەۋمەتتىك كومەك

جاڭا ەرەجە بويىنشا بەرىلەدى

0 97

1 ساۋىردەن باستاپ اتاۋلى الەۋمەتتىك كومەك كورسەتۋ مولشەرى ەڭ تومەنگى كۇنكورىس دەڭگەيىنىڭ 50-دەن 70 پايىزعا دەيىن ءوستى. بۇل تۋرالى جۇمىسپەن قامتۋ ورتالىعىندا عانا ەمەس، اۋدان اكىمدىكتەرىندە دە كەڭەس الۋعا بولادى.

اتاۋلى الەۋمەتتىك كومەك (ااك) – بۇل الەۋمەتتىك جاعىنان از قامتىلعان، كۇنكورىس دەڭگەيى تومەن جانە كوپبالالى وتباسىلارعا بەرىلەتىن قارجىلاي تولەم. ەلوردا اكىمدىگىندە ايتىلعانداي، 1 ساۋىردەن باستاپ اتاۋلى الەۋمەتتىك كومەك كورسەتۋ ءتارتىبى جەڭىلدەتىلدى. ول ءۇشىن تەك ااك الۋ جونىندە ءوتىنىش جازىپ، جەكە كۋالىك ء(ار وتباسى مۇشەسىنىڭ) تاپسىرساڭىز بولعانى.
ااك جونىندە كەڭەس الۋ ءۇشىن جۇمىسپەن قامتۋ ورتالىعى مەن اۋداندىق اكىمدىكتەرگە بارۋ قاجەت.
جۇمىسپەن قامتۋ ورتالىعىنىڭ مەكەنجايى:
بەيبىتشىلىك كوشەسى، 25, «وركەن» ىسكەرلىك ورتالىعى.
الماتى اۋداندىق اكىمدىگى:
تاۋەلسىزدىك داڭعىلى، 7.
بايقوڭىر اۋداندىق اكىمدىگى:
برۋسيلوۆسكي كوشەسى، 17/3.
ەسىل اۋداندىق اكىمدىگى:
قابانباي باتىر داڭعىلى، 33.
سارىارقا اۋداندىق اكىمدىگى:
سارىارقا داڭعىلى، 13.
سونىمەن قاتار جۇمىسپەن قامتۋ ورتالىعىنىڭ قىزمەتكەرلەرى قوسىمشا تومەندەگى مەكەنجايلاردا ورنالاسقان حقو-دا دا قىزمەت كورسەتەدى:
ەسىل اۋدانى – № 1 ءبولىم، ماڭگىلىك ەل داڭعىلى، 30; ­ №2 ءبولىمى ساۋران كوشەسى، 7;
الماتى اۋدانى – №3 ءبولىم، دوستىق كوشەسى، 13; № 4 ءبولىم، تاۋەلسىزدىك داڭعىلى، 32;
بايقوڭىر اۋدانى – № 5 ءبولىمى، اباي داڭعىلى، 80;
سارىارقا اۋدانى – №6 ءبولىم، سەيفۋللين كوشەسى، 22-ءۇي; № 7 ءبولىم، س409 كوشەسى، 13; № 8 ءبولىم، رەسپۋبليكا داڭعىلى، 43.
سونداي-اق اتاۋلى الەۋمەتتىك كومەكپەن قامتىلاتىن الەۋمەت ءۇشىن «جەدەل جەلىسى» دە اشىلدى. ونىمەن قوسا Smart Astana ءموبيلدى قوسىمشاسى ارقىلى دا جان-جاقتى اقپارات الۋعا مۇمكىندىك بار.
«111 بىرىڭعاي بايلانىس ورتالىعىنا تەلەفونمەن دە، Smart Astana ءموبيلدى قوسىمشاسى ارقىلى دا حابارلاسۋعا بولادى. وپەراتورلار اتاۋلى الەۋمەتتىك كومەك تاعايىنداۋ ءۇشىن قانداي قۇجات قاجەت ەكەنىن، ااك-ءتىڭ جاڭا فورماتىنا ءوتىنىش قابىلداۋ قاشان باستالاتىنىن ەگجەي-تەگجەيلى تۇسىندىرەدى» دەپ حابارلادى «استانا Innovations» كومپانياسىنىڭ ءباسپاسوز قىزمەتى.

اتاۋلى الەۋمەتتىك كومەكتى قالاي الۋعا بولادى؟

اتاۋلى الەۋمەتتىك كومەك تۇرعىسىنداعى جۇرتشىلىق تاراپىنان كوپ قويىلاتىن سۇراقتارعا ەڭبەك جانە الەۋمەتتىك قورعاۋ مينيسترلىگىنىڭ ءباسپاسوز حاتشىسى قانات قۇلىشمانوۆ جاۋاپ بەردى.

    1. اتاۋلى الەۋمەتتىك كومەكتىڭ جاڭارتىلعان ۇلگىسى بويىنشا ءوتىنىش قابىلداۋ قاشان باستالادى؟ قايدا جۇگىنۋ كەرەك؟  

 – اتاۋلى الەۋمەتتىك كومەكتىڭ جاڭا فورماتى بويىنشا ءوتىنىش قابىلداۋ بيىلعى 1 ساۋىردە باستالدى. ول ءۇشىن جۇمىسپەن قامتۋ ورتالىعى مەن اۋداندىق اكىمدەرگە بارۋ كەرەك.

2قانداي قۇجاتتار قاجەت؟ 

 – ءوتىنىش پەن جەكە كۋالىك جەتكىلىكتى. 

3. ااك الۋ ءۇشىن تۇرىپ جاتقان مەكەنجايعا تىركەلۋ كەرەك پە؟

 – ءيا، ااك تاعايىنداۋ ءۇشىن مىندەتتى تۇردە تۇرعىلىقتى مەكەنجاي بويىنشا نەمەسە ۋاقىتشا تىركەۋدە تۇرۋ قاجەت. 

4. جاردەماقى الۋ ءۇشىن ءبىر شاڭىراق استىندا تۇرىپ جاتقان تۋىستاردىڭ دا كىرىسىنىڭ ەسەپتەلەتىنى راس پا؟ بۇل نورما الداعى ۋاقىتتا ءالى دە قارالا ما؟

– وتباسى مۇشەسى رەتىندە تەك جاقىن تۋىستار عانا ەسەپتەلەدى: اتا-اناسى، بالالارى، بالا اسىراپ الۋشىلار، اسىراندى بالا، ءۇي يەسىنىڭ تۋعان جانە تۋىسقان اعا-باۋىر، اپكە-قارىنداسى، اتاسى، اجەسى، نەمەرەسى.

5. جاردەماقى الۋ ءۇشىن وتباسىنداعى ءار ادامنىڭ تابىسى قانشا بولۋى شارت؟

– ەگەر جانۇياداعى ءبىر ادامنىڭ ايلىق تابىسى 21572 تەڭگەدەن اسپاسا، وندا ول وتباسىعا اتاۋلى الەۋمەتتىك كومەك تولەنۋى ءتيىس. جالپى، كامەلەتتىك جاسقا تولماعان بالاعا 21572 تەڭگەدەن شىعادى. ال ەرەسەكتەرگە ااك كريتەريىنىڭ مولشەرىنە جانە ورتاشا كۇندىك كىرىس ايىرماشىلىعىنا قاراي تولەنەدى.

6. 1 ساۋىردەن باستاپ وتباسىنىڭ جالپى تابىسىن ەسەپتەگەن كەزدە قانداي كىرىستەر الىنىپ تاستالادى؟ 

  – وتباسىنىڭ جالپى تابىسىن ەسەپتەپ، ااك تاعايىنداعان كەزدە مىنا كىرىس­تەر ەسەپتەلمەيدى:
1) 4 نەمەسە ودان دا كوپ بالالارى بار كوپبالالى وتباسىلارعا بەرىلەتىن ارنايى مەملەكەتتىك جاردەماقى;
2) «التىن القا» جانە «كۇمىس القا» يەگەرلەرىنە بەرىلەتىن جاردەماقى;
3) بالانىڭ مۇگەدەكتىگىنە بەرىلەتىن جاردەماقى;
4) ستۋدەنتتەردىڭ شاكىرتاقىسى;
5) جەرگىلىكتى اتقارۋشى ورگاندار جۇزەگە اسىراتىن بىرجولعى تولەمدەر. 

7. نەشە جاستاعى بالالار ااك الا الادى؟ 

– ااك الۋشىلارعا ارنالعان جاڭا مەحانيزم بويىنشا 21572 تەڭگە بولاتىن اتاۋلى الەۋمەتتىك كومەك 18 جاسقا دەيىنگى بالالارعا بەرىلەدى. ەگەر كامەلەتكە تولعان بالالار كوللەدج نەمەسە ۋنيۆەرسيتەتتە كۇندىزگى بولىمدە ءبىلىم الىپ جۇرسە، ااك ولاردىڭ وقۋىن اياقتاعانشا، ياعني 23 جاسقا دەيىن تولەنەدى. 

پىكىر جازۋ

پوچتاڭىز جاريالانبايدى