«Astana aqşamı»
El jüregi – elorda şejiresi

Astanadan awılğa deyin…

0 56

ASTANA

«Qazavtojol Kaztraffic-2018» XV halıqaralıq körmesi ötwde. Halıq­aralıq şarağa elimizden bölek, Resey, Belarws', Germanïya, Francïya, Ïtalïya, Şvecïya, Türkïya, Koreya el­deriniñ 100-ge jwıq kompanïyaları öz önimderin äkelgen. Körmede avtomobïl' joldarınıñ qurılısı men olardı jöndew, kütip ustaw bağıtındağı soñğı ülgidegi ğılımï jäne tehnologïyalıq jetistikter usınıldı.

ALMATI

QR Tuñğış Prezïdenti küni qar­sañında äl-Farabï atındağı Qazaq ulttıq wnïversïtetinde «Ulı dalanıñ jeti qırı» attı körme aşıldı. Körmege Elbasınıñ maqalasındağı tarïhï muramızdıñ jeti sïmvolı, sändik-qoldanbalı öner eskertkişteriniñ köşirmeleri men elimizdiñ ejelgi tarï­hınıñ türli kezeñderindegi arheo­logïyalıq jädigerler qoyılğan.

AQTÖBE OBLISI

Oblıs ortalığındağı QR Prezïdenti­niñ janındağı Memlekettik basqarw akademïyasınıñ Aqtöbe oblısı boyınşa fïlïalı men Q.Jubanov atındağı Aqtöbe öñirlik memlekettik wnï­ver­sïtetiniñ ğïmaratında alğaş ret «Adal­dıq» dep atalğan satwşısı joq düken aşıldı.

TÜRKİSTAN OBLISI

Oblıs awmağında «TURKISTAN INVEST» kompanïyası jalpı qunı 507 mlrd teñgeni quraytın 19 jaña iri jobanı tartw boyınşa jumıstar jürgizile bastadı.

SOLTÜSTİK QAZAQSTAN OBLISI

Aldağı jıldan bastap Soltüstik Qazaqstan oblısında bïoetanol öndirile bastaydı.

ŞIĞIS QAZAQSTAN OBLISI

Oblıs awmağında jüz eldi mekendi abattandırw bağdarlaması qolğa alındı. Buğan qajetti qarajat keler jılı aymaqtıq byudjetke kirgiziledi. Är eldi mekenge on mïllïon teñge mölşerinde qarjı jumsalw közdelgen.

PAVLODAR OBLISI

Oblıs ortalığında ükimettik emes uyımdar sektorınıñ ökilderi üşin Azamattıq al'yans üyi aşıldı.

JAMBIL OBLISI

Tarazda jastar arasındağı «Bür­kitşi-2018» H çempïonatı ötip, oğan elimizdiñ är öñirinen üzdik bür­kitşiler kelip qatısqan. Çempïonat qorıtındısı boyınşa bürkitpen birge añ awlaw jarısında Sarmat Äbdwlkärimulı jeñiske jetse, suñ­qarmen añğa şığwda Berikbolsın Jalğasulınıñ, qarşığamen añ awlaw­da Sağï Mahmuthannıñ bağı jandı.

QARAĞANDI OBLISI

Qarağandıdağı qayta öñdew zawıtı ayına 4 mıñ eski kölikti kädege jaratıp, ekologïyağa zïyan tïgizetin qaldıqtardan şïkizat öndirip otır. Bügingi künge deyin öndiristiñ qwattılığı artıp, jalpı 57 mıñ eski kölik qaldıqtarın öñdegen.

Pikir jazw

Poçtañız jarïyalanbaydı