«استانا اقشامى»
ەل جۇرەگى – ەلوردا شەجىرەسى

استانادان اۋىلعا دەيىن…

0 50

استانا

بەس قۇرلىقتىڭ باسىن قوس­قان «استانا – الەم داۋىسى» حالىقارالىق فەستيۆالى اياقتالدى. شارا اياسىندا العاش رەت 25 ەلدىڭ 500 حور ءارتىسى ونەر كورسەتتى.

تۇركىستان

قاراشا ايىنان باستاپ الماتى مەن تۇركىستان قالالارىنىڭ اراسىندا جاڭا تۋريستىك پويىز قاتىنايدى. الماتىدان جۇما كۇنى شىعىپ، جەكسەنبى كۇنى كەرى قايتاتىن پويىز ساياحاتشىلارعا ارنالعان. جولاۋشىلار قوناقۇي ىزدەمەي، وسى پويىزدا تىنىعىپ، تۇركىستاندى ەكى كۇن ارالاۋعا مۇمكىندىك الادى. پويىز قازىرشە اپتاسىنا 4 رەت جۇرگىزىلمەك.

اقتوبە وبلىسى

وبلىس ورتالىعىندا اۋىل شارۋاشىلىعى وندىرۋشىلەرىنە كەڭەس بەرۋ بويىنشا سall center ورتالىعى اشىلدى. بۇل ورتالىق قىزمەتى اۋىلشارۋاشىلىق جانۋارلارىن وسىرەتىن كاسىپكەرلەرگە ۆەتەرينارلىق قاۋىپسىزدىك بويىنشا كەڭەس بەرەدى. وعان «1432» نومىرىنە قوڭىراۋ شالۋ ارقىلى اقتوبە وبلىسىنىڭ بارلىق تۇرعىندارى حابارلاسا الادى.

پاۆلودار وبلىسى

پاۆلوداردا العاش رەت جاراتىلىستانۋ عىلىمدارى مۋلتي­مەديالىق مۇراجاي كەشەنى اشى­لادى. گ.پوتانين اتىنداعى مۋزەيدىڭ تاقىرىپتىق ءبولىمى رەتىندە تىركەلگەن مۋزەيدىڭ نەگىزگى تاقىرىبى گەولوگيا، پالەونتولوگيا، ارحەولوگيا عىلىمدارى بولادى.

جامبىل وبلىسى

«ASPARA Fashion Week» حا­لىقارالىق ءسان اپتالىعى تارازدا ءوتىپ جاتىر. وندا الەمنىڭ 18 ەلىنەن كەلگەن 33 كيىم ديزاينەرى ءوز كوللەكتسيالارىن نازارعا ۇسىنۋدا. ءسان قويىلىمىنىڭ ءبىرىنشى كۇنىندە قازاقستان، يتاليا، فرانتسيا، وزبەكستان ديزاينەرلەرى ءوز جۇمىستارىن كورسەتتى.

اتىراۋ وبلىسى

يساتاي اۋدانىندا جاڭا حالىققا قىزمەت كورسەتۋ ورتالىعى اشىلدى. ول اۋداننىڭ 90 جىلدىق مەرەيتويىنا وراي سالىنعان. ەندى وسى ەكى قاباتتى عيماراتتا 30 مىڭعا جۋىق اۋدان تۇرعىندارىنا قىزمەت كورسەتىلەدى.

قىزىلوردا وبلىسى

قىزىلوردادا «قورقىتتىڭ دانالىق سوزدەرى» اتتى كىتاپ ءۇش تىلدە شىعارىلادى. كىتاپقا اقش پەن ەۋروپا ەلدەرىندەگى ارحيۆتەردەن قورقىت اتا مۇراسى تۋرالى بۇرىن ەش جەردە جاريالانباعان مالىمەتتەر ەنگىزىلەدى.

قوستاناي وبلىسى

قوستانايدىڭ حالىقارالىق اۋەجايىنداعى ۇشۋ-قونۋ جولاعىن جوندەۋ جۇمىستارى اياقتالدى. بۇل جۇمىستارعا 4,6 ملرد تەڭگە قارجى ءبولىندى. ەندى اۋەجايدا كولەمدى جۇك بورتتارى جەتكىزىلىپ، جاڭا رەيستەر اشىلادى.

پىكىر جازۋ

پوچتاڭىز جاريالانبايدى