«Astana aqşamı»
El jüregi – elorda şejiresi

«Astana» jeñispen bastadı

0 42

Ötken aptanıñ soñı elimizde fwtboldan Qazaqstan Prem'er-lïgasınıñ birinşi twrı bastaldı. «Astana» komandasınıñ alğaşqı qonağı «Aqtöbe» boldı.

«Astana Arenada» ötken bul oyındı tamaşalawğa 10 mıñ janküyer jïnaldı. Köpşilik aldımen kütpegen jerden aqtöbelikterdiñ golına kwä boldı. 3-mïnwtta alañ ïeleriniñ qateligin Abat Ayımbetov golğa aynaldırdı. Degenmen «Astana» köp uzamay tarazı basın teñestirdi. 20-mïnwtta ayıp dobın orındağan Marïn Tomasov sol ayağımen qaqpanıñ sol jaq burışın däl közdedi. Osı Tomasovtıñ 33-mïnwtta YUrïy Logvïnenkonıñ basına qoyıp bergen dobı qaqpadan tabıldı. Al 39-mïnwtta tağı sol Tomasov öziniñ üyrenşikti qaptalınan doppen jügirip kelip, ekinşi golın soğıp ketti.
Ekinşi taym birinşidey nätïjeli bola qoyğan joq. Biraq elordalıqtar oyın nüktesin soñğı 94-mïnwtta YUrïy Percwhtıñ golımen qoydı.
Bul jeñispen «Astana» «Aqtöbemen» bolğan oyındardıñ jeñilissiz serïyasın 17 matçqa jalğadı. Onıñ 12-si jeñispen ayaqtalsa, besewinde teñ nätïje tirkelgen.
El birinşiliginiñ qalğan matç­tarına kelsek, Almatınıñ «Qayratı» «Tarazdı1 2:0, Qostanaydıñ «Tobılı» Pavlodardıñ «Ertisin» 3:0, Şımkenttiñ «Ordabası» komandası Qarağandınıñ «Şahterin» 3:0 esebimen tize büktirdi. Sonday-aq Taldıqorğannıñ «Jetiswı» Kökşetawdıñ «Oqjetpesin» 5:1 esebimen bağındırsa, «Atıraw» sırt alañda Qızılordanıñ «Qaysarın» 1:0 etip jeñdi.

Pikir jazw

Poçtañız jarïyalanbaydı