«استانا اقشامى»
ەل جۇرەگى – ەلوردا شەجىرەسى

«استانا قىرانى» – ايبات سەيتەن

0 117

قازاق كۇرەسىنەن «قازاقستان بارىسى» رەسپۋبليكالىق تۋرنيرىندە ەلوردانىڭ نامىسىن قورعايتىن بالۋاندار انىقتالدى. ايماقتىڭ بەتكەۇستارىن ىرىكتەيتىن بەلدەسۋدە بابى مەن باعى كەلىسكەن ايبات سەيتەن «استانا قىرانى» اتاندى.

«داۋلەت» سپورت كەشەنىندە وتكەن تۇيە پالۋان سايىسىندا سايدىڭ ساقپان تاسىنداي 23 ءاپايتوس جىگىت توبە كورسەتتى. سولاردىڭ ىشىنەن سۋىرىلىپ شىققان ايبات سەيتەن مەن ايتۋار ابدۋلوۆ فينالدا كۇش سىناستى. ناتيجەسىندە «استانا قىرانى» اتاعىنا ايبات لايىق بولدى.
سونىمەن بىرگە سوڭعى سايىسقا دەيىن جاۋىرىنى جەرگە تيمەي جەتكەن ايتۋارعا دا «قازاقستان بارىسىنا» قاتىسۋعا جولداما بۇيىردى.
ال ۇزدىك ۇشتىكتى ەرلان الشىنباەۆ تۇيىندەدى.
مادەنيەت جانە سپورت باسقارماسىنىڭ باسشىسى بولات ماجاعۇلوۆ جەڭىمپازداردى جەڭىسىمەن قۇتتىقتاپ، جۇلدەلەرىن تابىستادى.

ورىنبەك وتەمۇرات

پىكىر جازۋ

پوچتاڭىز جاريالانبايدى