«استانا اقشامى»
ەل جۇرەگى – ەلوردا شەجىرەسى

«استانا وپەرانىڭ» يسپانياداعى كۇندەرى

0 71

«استانا وپەرا» تەاترىنىڭ بالەت ترۋپپاسى پ.چايكوۆسكيدىڭ «اققۋ كولى» بالەتىمەن يسپانيانىڭ ەڭ ءىرى قالالارىنىڭ ءبىرى ۆالەنسياعا گاسترولدىك ساپارمەن بارىپ كەلدى. استانالىق ۇجىم اتالمىش شاھارعا الەمگە ايگىلى وپەرا ءانشىسى پلاسيدو دومينگونىڭ شاقىرتۋىمەن باردى.

يسپانياعا گريمەرلەر، كوستيۋمەرلەر مەن ساحنا ماشينيستەرىن، ءارتىس­تەردى قوسقاندا 100-دەن اسا ادامدى بالەت ترۋپپاسىنىڭ كوركەمدىك جەتەكشىسى – رەسەي حالىق ءارتىسى التىناي اسىلمۇراتوۆا، ديريجەرلەر – قازاقستاننىڭ ەڭبەك سىڭىرگەن قايراتكەرى ابزال مۇحيتدينوۆ جانە ارمان ورازعاليەۆ باستاپ اپاردى. قازاقستاندىق ارتىستەر سوفيا پاتشايىمنىڭ ونەر سارايى ساحناسىندا ونەر كورسەتتى.
«اققۋ كولى» بالەتى العاش رەت ءبىر جارىم عاسىرداي بۇرىن ماسكەۋدە قويىلدى. ودەتتا مەن زيگفريدتىڭ ماحاببات حيكاياسىنان سىر شەرتەتىن قويىلىم سودان بەرى جان تەربەتەر مۋزىكاسىمەن بالەتكە قۇشتار قاۋىم نازارىن وزىنە اۋدارىپ كەلە جاتىر. زۇلىم سيقىردىڭ كۇشىمەن قۇسقا اينالعان ارۋ تۋرالى سيۋجەت فولكلورلىق ەرتەگى الەمىندە كەڭ تاراعان. پ.چايكوۆسكي بالەتىندە
زيگفريد حانزادا ودەتتانىڭ قۇت­قارۋشىسى، الايدا ونىڭ بايقاۋسىز جاساعان وپاسىزدىعى قاسىرەتكە اينالادى.
29 جەلتوقسان-5 قاڭتار ارالىعىندا وتكەن سپەكتاكلدەگى باستى پار­تيا­لاردى قازاقستاننىڭ ەڭبەك سىڭىرگەن قايراتكەرى ايگەرىم بەكەتاەۆا (ودەتتا-وديلليا), حالىقارالىق باي­قاۋلاردىڭ لاۋرەاتى ولجاس تار­لانوۆ (زيگفريد حانزادا), سەرىك ناقىس­پەكوۆ (سايقىمازاق) جانە ءجانى­بەك يمانقۇلوۆ (روتبارت) ورىندادى.
بۇل گاسترولدىك ساپار «رۋحاني جاڭعىرۋ» باعدارلاماسى اياسىندا قر مادەنيەت جانە سپورت مينيسترلىگىنىڭ قولداۋىمەن ءوتتى. ەندى اتالمىش تۋىندى 11-13 قاڭتار كۇندەرى يتاليادا كورسەتىلەدى.

 

پىكىر جازۋ

پوچتاڭىز جاريالانبايدى