«Astana aqşamı»
El jüregi – elorda şejiresi

AQTQ twralı bilesiz be?

Elordalıq stwdentter arasında sawalnama jürgizildi

0 47

Soñğı jıldardağı derekterge süyensek, elimizde AQTV ïnfekcïya jağdayınıñ jalpı sanı 2800-den asqan. Bul twralı JQTB-nıñ aldın alw jäne oğan qarsı küres jönindegi respwblïkalıq ortalığı mälim etti.

Keyingi jıldarı Qazaqstanda AQTQ-nıñ aldın alw küşeytilgen. 2010 jılı Elbası da öziniñ Joldawında atalğan ïnfekcïyanıñ taralwın azaytw kerektigi twralı quzırlı organdarğa tapsırma bergen bolatın.

Osı orayda Nur-Sultan qalasınıñ jetekşi wnïversïtetteriniñ arasında sawalnama jürgizildi. Sawalnama maqsatı – jastardıñ AQTQ ïnfekcïyası twralı aqparattandırw deñgeyin zerttew. Zerttewdiñ negizgi ädisi – stwdentterdiñ sawalnama barısında anıqtalğan mälimetterdiñ statïstïkalıq taldanwı. Bul turğıda alğaşqı bilim deñgeyin zerttew üşin 14 suraqtan turatın sawalnama jasaldı. Sawaldar AQTQ-nıñ berilw joldarı men közderi, qawip toptarı, aldın alw ädisteri, tötenşe jağdaylar jäne uyımdastırw mäseleleri boyınşa mağınalıq bloktarğa bölindi.

Jalpı, atalğan şarağa 17-25 jas aralığındağı 871 stwdent qatısıp, anonïmdi sawalnama jazbaşa türde jürgizildi. Nätïjesinde taldaw jumıstarı stwdentterdiñ AQTQ-juqpası twralı bilim deñgeyiniñ qanağattanarlıqsız ekenin körsetti.

505 respondent awrwdıñ emi joq äri qawipti ekeninen habardar bolıp şıqtı. Biraq olardıñ 328-i bul awrwdıñ sırtqı belgilerinen qawip joq dep sanaydı eken. Al 30 stwdent qawiptiñ sebebi ïnfekcïyanıñ awa arqılı berilwinde dep jawap berdi. Qalğan 8-i bul dertpen tek naşaqorlar ğana awıradı degen qate jawap qaytarğan.

Jalpı, AQTQ ïnfekcïyası twralı barlıq suraqqa respondentterdiñ tek 13 payızı ğana durıs jawap bere aldı. Bul turğındardıñ AQTQ ïnfekcïyası jäne onıñ taralw joldarı jaylı aqparattan habarsız ekendikterin körsetedi.

Jurtşılıqtıñ köpşiligi, yağnï 88,4 payızı sırttay deni saw adamnıñ AQTQ ïnfekcïyasımen awırwı mümkin ekenin biledi. Al AQTQ-nıñ berilw qawpin azaytw twralı aqparatqa keler bolsaq, basım köpşiligi (70,8%) awrwdan qorğawdağı müşeqaptıñ röli twralı tüsinikke ïe. Olardıñ jartısınan köbi turaqtı jınıstıq seriktes ïnfekcïyadan qorğay aladı dep sanaydı. Sonımen qatar adamdardıñ köbi zararsızdandırılğan, bir ret paydalanılatın quraldar qawipti azaytadı dep oylaydı.

Alayda AQTQ juqpasınıñ taralwın boldırmawğa jäne halıqtıñ habardar bolw deñgeyin arttırwğa bağıttalğan jüyeli şaralar bolmağan jağdayda ïnfekcïyanıñ taralw dïnamïkası saqtalwı mümkin. Osığan baylanıstı AQTQ mäselesi boyınşa aqparattıq-nasïhattaw jumıstarı, onıñ işinde awqımdı kommwnïkacïyalıq kompanïyalar, jedel testilew, buqaralıq nawqandar, testilewge deyingi jäne keyingi keñester, konferencïyalar, uyımdastırılğan toptar arasında ötkiziletin tärbïelik jumıstar erekşe mañızdı bolıp tabıladı.

Sawalnamada belgili bolğanday, respondentterdiñ 25 payızı AQTQ juqtırğan adamdardan qorqadı jäne olardıñ oqw orındarına barwğa qawiptenedi. Bul osı toptıñ adamdarınıñ dïskrïmïnacïyasın körsetedi. Onıñ sebebi qaytadan berilw joldar twralı aqparattıñ azdığı.

D. Kalïhanova, G.Kwsaïnova,
«Astana Medïcïna Wnïversïteti»
«Mïkrobïologïya, vïrwsologïya
jäne ïmmwnologïya»
kafedrasınıñ stwdentteri

Pikir jazw

Poçtañız jarïyalanbaydı