«Astana aqşamı»
El jüregi – elorda şejiresi

«Altın belgi» ümitti aqtadı ma?

0 18

UBT attı ulı dürmek te bïılğı elordalıq tülekter üşin ayaqtaldı. «Toydıñ bolarınan boladısı qızıq» demekşi, keybirewi – jıldap, keybirewi aylap äzirlengen bul sınaq nebäri on künniñ işinde ötti de ketti.

Bïıl Nur-Sultan qalası boyınşa 6274 bala mektep bitirgen edi. Onıñ işinde 294 tülek «Altın belgi» ïelengen bolatın. Bul marapat tek mektep tarapınan beriletinin, yağnï onıñ UBT nätïjesine eş qatısı joqtığın eskersek, onı oljalağan ul-qız­dardıñ testilew kezinde qanşalıqtı joğarı ball jïnağanın bilwge degen qızığwşılıqtıñ twwı da zañdı. Ärïne, 294 tülektiñ tügeli birdey testke qatısqan joq. Öytkeni aralarında otandıq nemese şeteldik joğarı oqw orındarınan şaqırtw alıp qoyğandarı jeterlik. Al qatısqandarı qanşalıqtı say boldı mektep artqan ümitke?
Osı jılı astanada «Altın belgi» boyınşa alğa şıqqan oqw ordası №1 mektep-lïcey boldı. Onda 16 tülek atalğan tös belgini alğan. Mektep dïrektorınıñ oqw isi jönindegi orınbasarı Güljan Däwletbekovanıñ aytwınşa, olardıñ tek 8-i UBT-ğa qatısıptı.
– Tülekterimiz jaman nätïje körsetken joq. «Altın belgi» alğandar körsetkişteriniñ eñ tömeni – 90, eñ joğarısı 115 ball, – deydi ol.
№48 mektepten 13 şäkirt «Altın belgige» qol jetkizgen-di, bul – elorda mektepteri boyınşa ekinşi orın. Sol 13 oqwşı UBT-da 91 men 133 arasında ball jïnağan. Jalpı, «altın belgilikterdiñ» özi testilew suraqtarınıñ oqw bağdarlamasına say bolğanın aytadı. Mäselen, №48 mekteptiñ tülegi, «Altın belgi» ïegeri Aqsäwle Bayğazı özine kelgen suraqtardıñ işinde burın mülde kezdespegen taqırıp bolmağanın jetkizdi. Oyındağı balın enşilegen jas tülek endi Ewrazïya ulttıq wnïversïtetiniñ jwrnalïstïka fakwl'tetine tüswge talaptanıp otır.
UBT suraqtarınıñ jalpı sanı – 140. Sonda 90-nıñ aynalasındağı baldı jïnağan tülekter jalpı suraqtıñ şamamen 65 payızın ğana eñsergen bolıp tur. Mektep bağdarlamasın tügeldey üzdik meñgergeni üşin «Altın belgi» alğan balalardıñ eñ bas­tı qorıtındı sınaqta osınday nätïje körsetwi qanşalıqtı qïsındı?
Osı mäselege oray älewmettik jeli qoldanwşılardıñ arasında sawalnama jasağanbız.
– On bir jıl boyı ozat oqığan balağa «Altın belgi» bergende turğan ne bar?! Wnïversïtetke tüsw konkwrsında bäribir onıñ mañızı joq. YAğnï UBT kezinde tülekterdiñ barlığı birdey ädil bayqawğa tüsedi. «Altın belgi» birewdiñ aldın orap ketti degen sekildi äñgimeler bolmaydı, – deydi özin Rïşat Amanjolov dep tanıstırğan azamat.
Alayda osı jerde balanıñ psïhologïyalıq jağdayı säl umıt qalıp turğan sïyaqtı. «Altın belgi» alğan balada UBT qarsañındağı strestiñ basqalardan birneşe ese köp bolatını belgili. Erteñgi küni tömen ball jïnasa, munısı üşin qurdastarınan, muğalimderinen uyalıp, ıñğaysız küyge tüswi mümkin. Biz munda sätsizdiktiñ kesirinen bolatın birdi-ekili oqïğalardı aytıp otırğan joqpız. Mäsele – mektepterdiñ «qazanşınıñ öz erki qaydan qulaq şığarsağa» salıp, tülekterine topırlatıp «Altın belgi» tağwında. Al oqwşı sabaqtı üzdik oqısa, nege «Altın belgi» almasqa deysiz be? Bul tusta şäkirtti «üzdik» dep bağalağan oqw jüyesinde kinärattıñ bar ekeni bayqaladı.

Pikir jazw

Poçtañız jarïyalanbaydı