«استانا اقشامى»
ەل جۇرەگى – ەلوردا شەجىرەسى

اللو، «استانا اقشامى»!

0 96

رايحان، گازەت وقىرمانى:
– قازىرگى كەزدە 16 جاسقا تولماعان بالالار شەتەلگە شىعاردا اكە-شەشەسىنىڭ تولقۇجاتىنا سۋرەتى جاپسىرىلادى. جۋىردا ىشكى ىستەر مينيسترلىگى زاڭعا تۇزەتۋ ەنگىزىپ، بالالارعا جەكە تولقۇجات راسىمدەيتىنىن ەستىدىم. بۇل راس پا جانە قاشان قولدانىسقا ەنگىزىلەدى؟

بۇل ساۋالعا ءىىم-ءنىڭ رەسمي جاۋابىن ۇسىنامىز.
– سوڭعى كەزدەرى الەمدە تەرروريزم مەن ەكسترەميزمگە قاتىستى قۇبىلىستاردى باقىلاپ وتىرعان كوپتەگەن ەلدەر ءوز شەكاراسىنان وتەتىن ادامدارعا قويىلاتىن تالاپتاردى كۇشەيتۋدە. الەمدىك قاۋىمداستىق تولقۇجاتتىق-ۆيزالىق باقىلاۋدان ءوتۋدى جەتىلدىرىپ، قۇجاتتى ءار ازاماتتىڭ بيومەتريكالىق مالىمەتتەرىنە ساي بەرۋگە كوشتى. ماسەلەن، ەلىمىزدەن شەتەلدەرگە اكە-شەشەسىمەن بىرگە باراتىن 16 جاسقا تولماعان بالالاردىڭ تولقۇجاتىن سۇرايتىن مەملەكەتتەر (شەنگەن ايماعىنا كىرەتىن ەۋروپالىق ەلدەر، اقش، بىرىككەن اراب امىرلىكتەرى جانە ت.ب.) كوبەيىپ كەلەدى. قازاقستان رەسپۋبليكاسى ازاماتتارى باسقا ەلدەردىڭ شەكاراسىنان ەركىن ءوتۋى ءۇشىن ءىىم زاڭعا ءتيىستى تۇزەتۋ ەنگىزەدى. بۇدان بىلاي شەتەلگە بالاسىن الىپ شىعار كەزدە، ولارعا جەكە تولقۇجات راسىمدەلەدى. بۇل جاڭالىق 2019 جىلدىڭ 1 قاڭتارىنان باستاپ زاڭدى كۇشىنە ەنەدى.

پىكىر جازۋ

پوچتاڭىز جاريالانبايدى