«استانا اقشامى»
ەل جۇرەگى – ەلوردا شەجىرەسى

اكىم مىندەتتەر جۇكتەدى

0 31

نۇر-سۇلتان قالاسىنىڭ اكىمى بولىپ تاعايىندالعان التاي كولگىنوۆ ءوز قىزمەتىن ەلوردانىڭ تىنىس-تىرشىلىگىن قامتاماسىز ەتەتىن بىرقاتار ماڭىز­دى نىسانداردى ارالاۋدان باستادى.

الدىمەن ەلورداداعى جەدەل مەديتسينالىق جاردەم ستانتسياسىنىڭ جۇمىسىمەن تانىسىپ، قىز­مەتكەرلەردى كاسىبي مەرەكەسىمەن قۇتتىقتاعان التاي كولگىنوۆ مەديتسينا قىزمەتكەرلەرىمەن كەزدەسۋ وتكىزدى.
قازىرگى تاڭدا قالادا 20000-نان استام دارىگەر جۇمىس ىستەسە، ونىڭ 1000-نان استامى جەدەل جاردەم قىزمەتىندە ەڭبەك ەتەدى. مۇنداعى دارىگەرلەر جىلىنا 800 مىڭ، كۇنىنە 2000-نان اسا ادامعا قىزمەت كورسەتىپ وتىر. ستانتسيا بارلىق قاجەتتى جابدىقتارمەن قامتاماسىز ەتىلگەن. جاقىندا تاعى قوسىمشا 52 جەدەل جاردەم كولىگى پايدالانۋعا بەرىلەدى.
بۇگىندە نۇر-سۇلتان قالاسى بويىنشا كۇن سايىن 110 بريگادا جۇمىس ىستەيدى. ونىڭ ىشىندە قالالىق جەدەل مەديتسينالىق جاردەم ستانتسياسى 82, ەمحانالاردا 28 بريگادا جەدەل مەديتسينالىق كومەك كورسەتەدى.
اكىم «استانا-اەك» اكتسيونەرلىك قوعامىنىڭ ەنەرگيامەن قامتاماسىز ەتۋ نىساندارىنىڭ جىلىتۋ ماۋسىمىنداعى دايىندىق جۇمىستارىنا دا تەكسەرۋ جۇرگىزدى. قازىرگى ۋاقىتتا جوندەۋ جۇمىستارى ءجۇرىپ جاتقان 2-ءشى جىلۋ ەلەكتر ورتالىعىنىڭ جۇمىسى جانە 3-ءشى جىلۋ ەلەكتر ورتالىعىنىڭ جاعدايىن دا تالقىلادى.
بيىل قالادا №6 جاڭا تۋربينا مەن №8 بۋ جىبەرەتىن ماڭىز­دى قازاندىق قايتا جوندەلۋدە. جوسپار بويىنشا الداعى جىلىتۋ ماۋسىمىنا دەيىن اياقتالۋى ءتيىس. قازىرگى ۋاقىتتا جوندەۋ جۇمىس­تارى بەلگىلەنگەن كەستەگە سايكەس جۇرگىزىلىپ جاتقانىن بىلگەن اكىم جوندەۋ جۇمىستارىنىڭ مەرزىمىندە اياقتاۋدىڭ ماڭىزدىلىعىن اتاپ ءوتتى. «قالا كۇن سايىن ءوسىپ كەلەدى، وسىعان ىلەسە ەلەكتر، جىلۋ، سۋمەن قامتاماسىز ەتۋ جانە باسقا دا ماڭىزدى ينفراقۇرىلىمعا دەگەن قاجەتتىلىگى دە ارتۋدا. سوندىقتان، قالانىڭ ينفراقۇرىلىمدارىنا كوڭىل ءبولۋ، ماۋسىمدىق دايىندىق جۇمىستارىن ۋاعىندا ىستەۋ جانە ونى دامىتۋ باستى مىندەتىمىزدىڭ ءبىرى سانالادى» دەدى التاي كولگىنوۆ.
سونىمەن قاتار، «استانا-اەك» اق ەنەرگيامەن قامتاماسىز ەتۋ نىساندارىنىڭ جۇمىسىمەن جانە كارىز جەلىلەرىنىڭ سۋىن تازارتۋ ستانتسياسى جۇمىسىمەن تانىسقان التاي كولگىنوۆ ەنەرگيا ۇنەمدەۋ ماسەلەلەرى، سونداي-اق ترانسفورماتورلىق جانە تاراتۋ ستانتسيالارىن كۇردەلى جوندەۋدەن وتكىزۋ، ەلەكتر جەلىلەرىن بوگدە ۇيىمداردىڭ بالانسىنان «استانا-اەك» اق بالانسىنا بەرۋ جونىندەگى جول كارتاسى تالقىلاندى. الداعى ۋاقىتتا كوس-2 ستانتسياسىن قۇرۋ ماسەلەسىنىڭ وزەكتىلىگى جونىندە باسا ايتقان اكىم ونىمدىلىكتى ارتتىرۋ، قىزمەت وتەۋ ساپاسىن جوعارلاتۋ جونىندە تاپسىرمالار بەردى.
اكىم نۇر-سۇلتان حالىقارالىق اۋەجاي اۋماعىنا جاقىن ماڭداعى، دالىرەك ايتقاندا، قابانباي باتىر داڭعىلى بويىندا ءجۇرىپ جاتقان جول قۇرىلىسىن دا تەكسەرىپ قايتتى. ۋاقىتشا جابىلعان جول بولىگىنەن كەيدە كولىك كەپتەلىسى بولاتىنىن بايقاعان اكىم جولدىڭ ساپاسىنا كەپىلدىك ەتە وتىرىپ، جۇمىستى ەرتەرەك تياناقتاۋ جونىندە تالاپ قويدى. جول جوندەيتىن قىزمەتكەرلەر كوشەنى شىلدە ايىنىڭ باسىندا تولىق اشىپ، جۇرۋگە مۇمكىندىك بەرەمىز دەپ اكىمگە ۋادە بەردى.
سونىمەن قاتار 34 شاقىرىمدى قۇرايتىن «وڭتۇستىك-باتىس اينالما جولى» ماگيسترالى قۇرىلىسىنىڭ ارالىق ناتيجەلەرىمەن دە تانىسىپ، جۇمىستىڭ بەلگىلەنگەن كەستە بويىنشا ءجۇرىپ جاتقانىنا وڭ باعاسىن بەردى.
جاقىندا قالا اكتيۆىمەن وتكەن جيىندا مەملەكەت باسشىسى قاسىم-جومارت توقاەۆ قالانىڭ ينجەنەرلىك ينفراقۇرىلىمىنا كوڭىل ءبولۋ مەن تۇرعىنداردىڭ ءومىر ءسۇرۋ ساپاسىن ارتتىرۋ كەرەكتىگىن تاپسىرعان بولاتىن. وسى رەتتە التاي كولگىنوۆ قالا ماڭىندا ورنالاسقان بىرنەشە تۇرعىن ءۇي كەشەندەرى مەن جول ينفراقۇرىلىمدارىن ارالاپ شىقتى. كوكتال-1, كوكتال-2, سول ماڭداعى كوپىر مەن سارىارقا اۋدانىنداعى توزىعى جەتكەن ۇيلەردى ءسۇرۋ جۇمىس­تارىمەن تانىستى.
قازىر كوكتال تۇرعىن ءۇي الابىندا 41 كوشە سالىنۋدا. بۇل جەرگىلىكتى ينفراقۇرىلىمدى ەداۋىر جاقسارتادى. بىراق قازىرگى ۋاقىتتاعى قولايلى اۋا رايىنا قاراماستان، كەيبىر ۋچاسكەلەردە جول جوندەۋشىلەردىڭ جوق ەكەنىن بايقاعان اكىم ەلوردادا قۇرىلىس ماۋ­سىمىنىڭ قىسقا ەكەنىن ەسكەرتىپ، قۇرىلىسشىلارعا كوشەلەردى رەتكە كەلتىرۋدى ۋاقىتى­لى اياقتاۋىن قاداعالاپ تاپسىر­دى.
سارىارقا اۋدانىنىڭ تۇرعىندارى جول ساپاسىنا، جارىقتاندىرۋعا، تروتۋارلار مەن كوگالداندىرۋ ىسىنە ءجيى شاعىمداناتىن ماسەلەلەردى دە نازاردان قاعىس قالدىرماعان اكىم كوكتالداعى ساياباقتىڭ قۇرىلىسى سوزىلىپ كەتۋىنىڭ سەبەبىن دە ءبىلدى. سونىمەن قاتار، جولاۋشىلاردىڭ ءجۇرىپ-تۇرۋىنا ىڭعايلى جاعداي جاساۋ ءۇشىن «بۇكىر كوپىر» (گورباتىي موست) اۋماعىندا قوسىمشا جول سالۋ قاجەتتىگىن ايتقان اكىم ءتيىستى مەكەمەلەرگە ماڭىزدى مىندەتتەر جۇكتەدى.

پىكىر جازۋ

پوچتاڭىز جاريالانبايدى