«استانا اقشامى»
ەل جۇرەگى – ەلوردا شەجىرەسى

اينالانى ايالاۋ – ادامي پارىز

0 95

استانا ايناداي تازالىعىمەن دە وزگەگە ۇلگى بولۋى قاجەت. اينالانىڭ كوز تارتارلىق كوركەم بولۋى ادامدارعا دا بايلانىستى. سوندىقتان ءار استانالىق اينالاسىنا ايالاي قاراپ، اباتتاندىرۋ ەرەجەلەرىن ساقتاۋى ءتيىس.

?؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ەلوردالىق ىشكى ىستەر دەپارتامەنتى جەرگىلىكتى پوليتسيا قىزمەتى تابيعاتتى قورعاۋ پوليتسياسىنىڭ قىزمەتكەرلەرى جەكە جانە زاڭدى تۇلعالاردىڭ قالا اۋماعىن اباتتاندىرۋ ەرەجەلەرىن بۇزۋ جاعدايلارىن انىقتاۋ جانە ونى بولدىرماۋعا باعىتتالعان پروفي­لاك­تيكالىق ءىس-شارالاردى تۇراقتى تۇردە وتكىزىپ كەلەدى. ولار كۇن سايىن باس قالانىڭ تازالىعىنا بارلاۋ جاساپ، وعان زيان كەلتىرگەندەردى اكىمشىلىك جاۋاپكەرشىلىككە تارتۋدا.
الماتى، سارىارقا جانە ەسىل اۋدان­دىق تابيعات قورعاۋ پوليتسياسىنىڭ قىزمەتكەرلەرى قالاداعى نىسانداردىڭ اۋماقتارىن سانيتارلىق تازالاۋ مەن ۋاقىتىلى جيناۋدى تۇراقتى باقىلاۋعا العان. وتكەن كەزەڭنىڭ ىشىندە 723 تەكسەرۋ جۇرگىزىلىپ، سونىڭ ناتيجەسىندە ماڭايىنىڭ تازالىعىنا نەمقۇرايلى قاراعان 372 شاعىن جانە ورتا بيزنەس وبەكتىسى اكىمشىلىك جاۋاپكەرشىلىككە تارتىلدى. سونىڭ ىشىندە 94 پاتەر يەلەرى كووپەراتيۆى جالپى سوماسى 3 563 280 تەڭگە، 20 مەردىگەرلىك ۇيىم 890 820 تەڭگە، 47 قۇرىلىس نىسانى 2 523 990 تەڭگە جانە 211 كاسىپكەر جالپى سوماسى 9 184 430 تەڭگە كولەمىندە ايىپپۇل تولەدى.
بارلىق باسشىلارمەن جانە ازاماتتارمەن اباتتاندىرۋ ەرەجەلەرىن ساقتاۋ، اينالانى تازا ۇستاپ، سانيتارلىق جاعدايىنا ۇقىپتى قاراۋ، نىسان اۋماعىن جيناۋدى ۇيىمداستىرۋ جونىندە اڭگىمەلەسۋ جۇرگىزىلدى. جالپى كاسىپكەرلەر وزدەرىنە تيەسىلى اۋماقتى تازا ۇستاۋعا مىندەتتى.
بۇل – ولاردىڭ ادامي پارىزى. ال اباتتاندىرۋ ەرەجەلەرىن بۇزعاندارعا قر «اكىمشىلىك قۇقىق بۇزۋشىلىق تۋرالى» كودەكسى بويىنشا زاڭدى تۇلعالارعا 30-100 ايلىق ەسەپتىك كورسەتكىش كولەمىندە ايىپپۇل سالۋ قاراستىرىلعان.

قىمبات نۇرعالي

پىكىر جازۋ

پوچتاڭىز جاريالانبايدى