«استانا اقشامى»
ەل جۇرەگى – ەلوردا شەجىرەسى

گازەت تۋرالى

ەلوردادا باسىلىپ، بارشا رەسپۋبليكاعا تارالاتىن قازاق ءتىلدى باسىلىم – «استانا اقشامى» گازەتىنىڭ جارىق كورە باستاعانىنا وتىز جىلعا تايادى. وسى جىلدار ىشىندە ول ءوسۋ-وركەندەۋ كەزەڭدەرىنەن ءوتىپ، قالانىڭ تىنىس-تىرشىلىگىن، العان اسۋلارى مەن جەتكەن جەتىستىكتەرىن قالىڭ بۇقاراعا جۇيەلى جەتكىزۋشى عانا ەمەس، ەل رۋحانياتىنداعى، حالىق تاعدىرىنداعى وزەكتى ماسەلەلەرگە ءۇن قوساتىن مازمۇنى بايىعان، ويى كەمەلدەنگەن باسىلىمعا اينالدى

بۇگىندە ساياسي، تاريحي، تانىمدىق ماقالالار قاتارى كوبەيىپ، مادەني-رۋحاني دۇنيەلەرىمەن وقىرماندارىن ءسۇيسىندىرىپ كەلە جاتقان گازەتتىڭ قالىپتاسۋ جىلدارىنا كوز جۇگىرتسەك، 1990 جىلدىڭ 13 قازانىنان باستاپ العاشىندا «اقمولا اقيقاتى» دەگەن اتپەن اپتاسىنا ءبىر رەت جارىق كورگەن باسىلىم  1998 جىلدىڭ قاڭتارىندا – «اقمولا اقشامى» ءسال كەيىن «استانا اقشامى» اتانىپ، رەسپۋبليكالىق قوعامدىق-ساياسي گازەت مارتەبەسىنە يە بولدى.

پاتشا كوڭىلدى وقىرماننىڭ  ۇدايى ۇدەسىنەن شىعۋعا ۇمتىلاتىن باسىلىمنىڭ قول جەتكىزگەن جەتىستىكتەرى دە ءبىر توبە. سونىڭ ءبىر دالەلى – 2002 جىلى «استانا اقشامى» گازەتى قازاقستان جۋرناليستيكا اكادەمياسىنىڭ «التىن جۇلدىز» سىيلىعىنىڭ لاۋرەاتى اتاندى. بىرنەشە ءجۋرناليسى حالىقارالىق جانە رەسپۋبليكالىق كونكۋرستاردىڭ لاۋرەاتى بولدى.

وسى جىلدار ىشىندە اپتاسىنا 3 رەت جارىق كورەتىن گازەتتىڭ تانىمالدىعى ارتىپ، تارالىمى كوبەيدى. وعان ۇجىمدا ءار جىلداردا ەڭبەك ەتكەن قالامى جۇيرىك جۋرناليستەرمەن قاتار، تۇراقتى اۆتورلار  – ەلىمىزگە بەلگىلى تۇلعالار – قايراتكەرلەر، عالىمدار، قالامگەرلەر ومىربەك بايگەلدى، ورالباي ابدىكارىموۆ، مىرزاتاي جولداسبەكوۆ، الدان سمايىل، نەسىپبەك ايتۇلى، سەرىك تۇرعىنبەكۇلى، جامبىل ارتىقباەۆ، ديقان قامزابەكۇلى، باۋىرجان وماروۆ، زيابەك قابىلدينوۆ، ەرلان ارىن، كارىباي مۇسىرمان جانە باسقالاردىڭ ىقپالى از بولعان جوق.

سونداي-اق، گازەتتى ءار جىلدارى باسقارعان كەنجە جۇماعۇلوۆ، جۇماگۇل ساۋحات، ماعجان سادىحانوۆ، نۇرتورە ءجۇسىپ، امانتاي ءشارىپ، ەربولات قامەنوۆ  سياقتى باس رەداكتورلاردىڭ دا ەڭبەگى ءبىر توبە.

قازىر گازەت رەداكتسياسىن  تاجىريبەلى جۋرناليست، قازاقستان پەرزيدەنتى سىيلىعىنىڭ يەگەرى، قازاقستاننىڭ  ەڭبەك سىڭىرگەن قايراتكەرى  ەركىن قىدىر باسقارادى.

ەلىمىزدىڭ اقپارات كەڭەستىگىندە وزىندىك سالماعى، ورنى بار باس قالانىڭ  باس باسىلىمى كەيىنگى كەزدە جاڭا قۇرىلىمدىق وزگەرىستەرمەن قاتار، شىعارماشىلىق ىزدەنىستەرىمەن دە بولاشاققا جاڭا مىندەتتەر بەلگىلىپ وتىر.

astana-akshamy.kz