«Astana aqşamı»
El jüregi – elorda şejiresi

Turğındar talabın tıñdadı

0 41

Sarıarqa awdanınıñ äkimi Arman Turlıbektiñ turğındarmen kezekti kezdeswi S.Seyfwllïn atındağı Qazaq agrotehnïkalıq wnïversïtetinde jalğastı.

Eski üy esimizdi şığardı

Qalanıñ oñ jaq jağalawında äli künge deyin eski üylerdiñ barı jasırın emes. Turğındardıñ köbin apattı üyler mäselesi alañdatadı eken.
«Beybitşilik köşesi, 58-üydiñ tozığı äbden jetken. Äkimdikte Qalalıq orta sapası jäne baqılaw basqarmasınıñ janınan qurılğan arnawlı komïssïya bar. YAğnï olar jergilikti byudjet esebinen eski jäne apattıq jağdaydağı üylerdi zertteydi. Ökinişke qaray, bizdiñ üy bul bağdarlamağa enbey qaldı. Turğındar özimiz jïnalıp, üydiñ bağdarlamağa engizilwin kütpey, atalmış komïssïyanı aqısın tölep şaqırıp, öz esebimizden zerttew jürgize alamız ba?» dep suradı qala turğını. Bul suraqqa Qalalıq orta sapası jäne baqılaw basqarmasınıñ ökili jawap berdi. Aytwınşa, bïıl turğın üy qorınıñ jağdayına tehnïkalıq tekserw jürgiziletin 24 mekenjay anıqtalğan eken. Beybitşilik köşesi, 58-üy, rasında, bul tizimge enbedi.
«Degenmen kondomïnïwm bar nısan bolğandıqtan, päter ïeleri esebinen tirkelgen uyım jaldap, tehnïkalıq tekseris ötkize alasızdar. PÏK-ke habarlasıp, tehnïkalıq zerttew jürgizetin käsiporındı anıqtañızdar. Tolığıraq aqparattı bizdiñ 55-68-65 jumıs telefonına qoñıraw şalıp ala alasızdar» dedi basqarma ökili. Bul rette awdan äkimi Arman Turlıbek üydi zertteytin kompanïyanıñ akkredïtacïyası bar bolwın eskertti. Tekserw nätïjeleriniñ şınayılığı ärbir organğa kümän twdıradı. Negizgi krïterïy – eger turğın üydiñ tozwı 61 payızdan assa, onda ol apattı dep esepteledi jäne qalalıq bağdarlamağa kirwge mümkindigi bar. «Apattı jäne tozığı jetken turğın üylerdi buzw jönindegi bağdarlamanı uyımdastırwşı – Qalalıq orta sapası jäne baqılaw basqarması. Olar birinşi kezekte özderi jaldağan mamandarğa senetin boladı. Munı este saqtañız. Awdan äkimdigi basqarma mamandarımen birge tekserw jürgizip, nätïjesinde osı üyge qatıstı öz usınıstarın bere aladı» dedi ol.

Şatırdan ketken sw şataq bop tur

Turğındardı alañdatqan tağı bir mäsele – üydiñ kireberisiniñ şatırınan aqqan sw. Qala turğını öz esebinen şatırdı jöndewge bolatının nemese bolmaytının suradı. Sebebi PÏK bul mäseleni şeşwge asıqpaydı eken, biraq turğındardıñ joğarıdağı şatırğa şığwı da qïındaw ekenin alğa tarttı.
«Azamattıq kodekstiñ 46-babına säykes ärbir turğınğa mülik üşin jawapkerşilik jükteledi. Siz turğın retinde eki jağdaydı paydalana otırıp, şatırdı jöndewge tolıq quqıñız bar. Birinşisi – memlekettik byudjet esebinen turğındarğa 10-15 jılğa payızsız nesïe beretin awmaqtı damıtw bağdarlaması. Ekinşisi – päter ïeleriniñ maqsattı alımdarı. Bul mäseleni şeşwdi özimniñ orınbasarım Erjan Jakw­baevqa tapsıramın» dedi awdan basşısı.
Buğan qosa, apattıq gaz qızmeti, tün tınıştığın buzğan tüngi klwbtar, qoqıs qaldıqtarı twralı qoyılğan sawaldarğa awdan basşısı öz quzıreti şeñberinde jawap berdi.
Äkimniñ turğındarmen soñğı eseptik kezdeswi bügin M.Ötemisov atındağı Oqwşılar sara­yında sağat 15.00-de ötedi.

Pikir jazw

Poçtañız jarïyalanbaydı