«Astana aqşamı»
El jüregi – elorda şejiresi

2018 jıl: Äriptesterim äskerï baspanağa ïe boldı

0 69

Elimizde ulttıq qawipsizdik jüyesi nıqtalıp, küş qurılımdarınıñ materïaldıq-tehnïkalıq bazası nığayıp, äskerï qızmetşilerdiñ älewmettik mäseleleri şeşimin tawıp keledi. Sonıñ biri «Äskerï baspana» memlekettik bağdarlaması der edim.

Qazaqstan Respwblïkası Ulttıq ulanınıñ men qızmet etip otırğan bir ğana bölinisi – astanalıq jedel quramanıñ özinen atalmış bağdarlama ayasında 58 äskerï qızmetşi bayqawdan ötti.  Soñğı üş-tört aydıñ işinde eñbek ötili men otbası müşeleriniñ sanı boyınşa baspanalı bolw mümkindigine ïe bolğan qırıqqa jwıq otbası jaña päterge qol jetkizdi. Solardıñ qatarında özim de barmın. Bağası basqa öñirlerden erekşelenetin bas qalamızda baspanağa qol jetkizwdiñ – ülken qwanış ekenin bilesizder. Jıldar boyı jaldamalı päterde turğandıqtan ba, şının aytsam, üyli bolw üşin döñgelegen bïznesiñ, ya bolmasa turaqtı bir kiris közi bolw kerek dep oylaytınmın. Üş bölmeli päterdiñ ïesi atanwımız – Elbasınıñ äskerïlerge körsetken memlekettik qoldawı men el qalqanına aynalğan Ulttıq ulan sapındağı on üş jıldıq qızmetimniñ jemisi dep bilemin.

Elorda irgesinde ornalasqan jedel qurama – 5573 äskerï bölimi elorda tınıştığınıñ küzetin küşeytw maqsatında qurılğan bolatın. 2014 jıldıñ 14-qaraşasında Nursultan Nazarbaevtıñ qatıswımen saltanattı türde aşılw saltanatı ötip, Jawıngerlik Tw tabıstalğan edi. Sodan beri arw Astanamız pen qala halqınıñ qawipsizdigin küzetip, halıqaralıq, respwblïkalıq mañızı bar basqoswlar, sporttıq-mädenï is-şaralar, resmï kezdeswler kezinde tınıştıqtıñ kepili bolıp keledi. Kün sayın qızmetke respwblïkamızdıñ barlıq aymağı boyınşa Ulttıq ulannan 5000-day sarbaz bölinse, qalamızdıñ tört awdanında işki ister organdarımen birge köşe tärtibin qadağalawğa 5573 äskerï böliminen jumıldırılatın äskerï jasaqtar qatarındağı jawıngerler sanı mıñğa jwıqtaydı.

Osınday alıp quramadağı ofïcerlik quram bolsın, kelisim-şart negizinde qızmet atqaratın äskerï qızmetşiler bolsın, qala tınıştığına ärbir mamannıñ qosar ülesi zor. Tirşiligi täwliktiñ jïırma tört sağatında toqtamaytın, batal'ondarı men jeke quramı birin-biri almastırıp otıratın, el merekelep jatqanda, kerisinşe küşeytilgen rejïmdegi qızmetke köşetin elordalıq ulandıqtar üşin 2018 jıl joğarıda aytılğan jaqsı jañalığımen, älewmettik turğıdağı eñ ülken mäsele – baspana mäselesiniñ şeşilwimen berekeli jıl boldı dewge tolıq negiz bar. Memleket tarapınan qoldaw tawıp otırğan Otan qorğawşılar da munday qamqorlıqqa öz kezeginde käsibï şeberligimen jäne adal qızmetimen jawap qaytararı sözsiz.

Möldir NÄLİBAEVA,
Ulttıq ulan ofïceri

Pikir jazw

Poçtañız jarïyalanbaydı